ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք. Ստեփանակերտ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2017

ԹՎԱԿԱՆԻ ԱՊՐԻԼԻ 26-Ի N 285-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ

ԵՎ ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ

2013 ԹՎԱԿԱՆԻ ԴԵԿՏԵՄԲԵՐԻ 28-Ի N 969-Ն ՈՐՈՇՄԱՆ ՄԵՋ

ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը՝ Արցախի Հանրապետության կառավարությունը որոշում է.

1. Լեռնային Ղարաբաղի Հանրապետության կառավարության 2017 թվականի ապրիլի 26-ի «Վարձատրվող հասարակական աշխատանքների կազմակերպման միջոցով գործազուրկների ժամանակավոր զբաղվածության ապահովման կարգը հաստատելու մասին» N 285-Ն որոշման մեջ կատարել հետևյալ փոփոխությունները.

1) որոշման նախաբանից «օրենքի» բառից առաջ հանել «Լեռնային Ղարաբաղի Հանրապետության» բառերը.

2) որոշմամբ հաստատված հավելվածի՝

ա. 5-րդ կետում «Արցախի Հանրապետության աշխատանքի, սոցիալական և բնակարանային հարցերի նախարարության (այսուհետ՝ նախարարություն) աշխատանքի և զբաղվածության գործակալությունում (այսուհետ՝ գործակալություն)» բառերը փոխարինել «Արցախի Հանրապետության աշխատանքի, սոցիալական և միգրացիայի հարցերի նախարարության (այսուհետ՝ նախարարություն) աշխատակազմի «Միասնական սոցիալական ծառայություն» գործակալության (այսուհետ՝ գործակալություն) տարածքային բաժիններում (այսուհետ՝ տարածքային բաժին)» բառերով,

բ. 7-րդ կետից հանել «՝ մասնավորապես» բառը և «,» կետադրական նշանը,

գ. 9-րդ կետի 1-ին ենթակետը շարադրել հետևյալ խմբագրությամբ.

«1) ապահովում է ծրագրում ընդգրկվելու ցանկություն հայտնած անձին որպես գործազուրկ հաշվառվելու գործընթացը.»,

դ. 14-րդ և 19-րդ կետերում «Գործակալությունը» բառը փոխարինել «Տարածքային բաժինը» բառերով,

ե. 15-րդ և 16-րդ կետերում «գործակալություն» բառը փոխարինել «տարածքային բաժին» բառերով,

զ. 14-րդ կետում «Արցախի Հանրապետության աշխատանքի, սոցիալական և բնակարանային հարցերի» բառերը փոխարինել «Արցախի Հանրապետության աշխատանքի, սոցիալական և միգրացիայի հարցերի» բառերով,

է. 18-րդ կետում «վերացնելու և» բառերից հետո «գործակալություն» բառը փոխարինել «տարածքային բաժին» բառերով,

ը. 19-րդ կետում «նախարարության աշխատակազմ» բառերը փոխարինել «գործակալության միջոցով նախարարություն» բառերով,

թ. 20-րդ կետում «Նախարարության աշխատակազմը գործակալությունից» բառերը փոխարինել «Նախարարությունն» բառով,

ժ. 21-րդ կետում «նախարարության աշխատակազմը» բառերը փոխարինել «նախարարությունը» բառով,

ժա. 23-րդ կետում «նախարարությունը Արցախի Հանրապետության կառավարության սահմանած կարգով իրականացնում է մոնիթորինգ և գնահատում» բառերը փոխարինել «նախարարությունն իրականացնում է մոնիթորինգ» բառերով:

2. Լեռնային Ղարաբաղի Հանրապետության կառավարության 2013 թվականի դեկտեմբերի 28-ի «Լեռնային Ղարաբաղի Հանրապետության աշխատանքի և սոցիալական հարցերի նախարարության աշխատակազմի կենսաթոշակային ապահովության վարչությունը Արցախի Հանրապետության աշխատանքի, սոցիալական և միգրացիայի հարցերի նախարարության «Միասնական սոցիալական ծառայություն» գործակալության վերակազմակերպելու և գործակալության կանոնադրությունն ու կառուցվածքը հաստատելու մասին» N969-Ն որոշման մեջ կատարել հետևյալ փոփոխությունները և լրացումները.

1) որոշման վերնագրում և որոշմամբ հաստատված N 1 և N 2 հավելվածների վերնագրերում «ՄԻԱՍՆԱԿԱՆ» բառից առաջ լրացնել «ԱՇԽԱՏԱԿԱԶՄԻ» բառով.

2) որոշման նախաբանից «օրենքի» բառից առաջ հանել «Լեռնային Ղարաբաղի Հանրապետության» բառերը.

3) որոշման 1-4-րդ կետերում, որոշմամբ հաստատված N 1 հավելվածի 1-ին կետում, 6-րդ կետի 1-ին ենթակետում «Միասնական» բառից առաջ լրացնել «աշխատակազմի» բառով.

4) որոշմամբ հաստատված N 1 հավելվածի 6-րդ կետի 2-րդ ենթակետը շարադրել հետևյալ խմբագրությամբ.

«2) ռուսերեն լրիվ՝ Агентство «Единая социальная служба» аппарата министерства труда, социальных и миграционных вопросов Республики Арцах:».

5) որոշմամբ հաստատված N1 հավելվածի՝

ա. 1-ին կետում «սոցիալական ապահովության բնագավառում» բառերը փոխարինել «սոցիալական ապահովության և զբաղվածության բնագավառներում» բառերով, իսկ «կազմում գործող Արցախի Հանրապետության գործադիր իշխանության հանրապետական մարմին է» բառերը՝ «աշխատակազմի առանձնացված ստորաբաժանում է» բառերով,

բ. 8-րդ կետում 2-րդ ենթակետից հետո լրացնել 2.1-ին ենթակետ.

«2.1) զբաղվածության պետական ծրագրերի իրականացման ապահովումը.»,

գ. 9-րդ կետում 14-րդ ենթակետից հետո լրացնել 14.1-14.8-րդ ենթակետեր.

«14.1) զբաղվածության ամենամյա ծրագրի իրականացմանն ուղղված աշխատանքների կատարումը.

14.2) զբաղվածության ամենամյա ծրագրի մոնիթորինգի ու գնահատման իրականացման աշխատանքներին մասնակցությունը.

14.3) աշխատաշուկայի վերաբերյալ տեղեկատվության հավաքագրման և փոխանակման ապահովման նպատակով տեղեկատվական շտեմարանի ձևավորումը.

14.4) աշխատանք փնտրող անձին հաշվառելը, գործազուրկի կարգավիճակ տալը, գործազուրկի կարգավիճակ կասեցնելը, վերականգնելը, դադարեցնելը և հաշվառումից հանելը.

14.5) աշխատանքի տեղավորման ոչ պետական կազմակերպությունների կամ անհատ ձեռնարկատերերի հետ համագործակցությունը.

14.6) զանգվածային լրատվության միջոցներով և նախարարության պաշտոնական կայքէջում նոր ստեղծվող և թափուր աշխատատեղերի մասին տեղեկատվության հրապարակումը.

14.7) զբաղվածության ամենամյա ծրագրին հատկացված ֆինանսական միջոցների նպատակային և արդյունավետ օգտագործման ապահովումը.

14.8) աշխատանք փնտրող անձանց մասնագիտական կողմնորոշման վերաբերյալ խորհրդատվությամբ ապահովումը:»:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, իսկ դրա գործողությունը տարածվում է 2021 թվականի օգոստոսի 1-ից ծագած հարաբերությունների վրա: