ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք. Ստեփանակերտ

ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2018 ԹՎԱԿԱՆԻ

ՀՈԿՏԵՄԲԵՐԻ 30-Ի N 872-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ

ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը` Արցախի Հանրապետության կառավարությունը որոշում է.

1. Արցախի Հանրապետության կառավարության 2018 թվականի հոկտեմբերի 30-ի «Արտակարգ իրավիճակներում բնակչության պաշտպանության և քաղաքացիական պաշտպանության ոլորտներում Արցախի Հանրապետության պետական կառավարման և տեղական ինքնակառավարման մարմինների ու կազմակերպությունների պատրաստման և տվյալ ոլորտների հիմնահարցերով բնակչության ուսուցման կարգն ու ծրագիրը սահմանելու և Լեռնային Ղարաբաղի Հանրապետության կառավարության 2005 թվականի ապրիլի 26-ի N234 որոշումն ուժը կորցրած ճանաչելու մասին» N872-Ն որոշման մեջ կատարել հետևյալ լրացումները և փոփոխությունը՝

1) որոշմամբ սահմանված կարգի՝

ա. 19-րդ կետում լրացնել հետևյալ բովանդակությամբ նոր նախադասություն.

«Ուսումնավարժության վերլուծությունն անցկացվում է դրանց ավարտից անմիջապես հետո:»,

բ. 24-րդ կետից հետո լրացնել հետևյալ բովանդակությամբ նոր` 25-րդ կետ.

«25. Արցախի Հանրապետության պետական կառավարման և տեղական ինքնակառավարման մարմիններում ու կազմակերպություններում ուսուցումն ընդհանուր գնահատվում է համալիր գնահատման ժամանակ:».

2) որոշմամբ սահմանված N2 հավելվածը շարադրել նոր խմբագրությամբ` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: