ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք. Ստեփանակերտ

ԱՐՑԱԽԻ ՀԱՆՐԱՊԵՏՈՒԹՅԱՆ ԱՍԿԵՐԱՆԻ ՇՐՋԱՆԻ ԾԱՂԿԱՇԱՏ

ԳՅՈՒՂԱԿԱՆ ՀԱՄԱՅՆՔԻ ՎԱՐՉԱԿԱՆ ՍԱՀՄԱՆՆԵՐՈՒՄ ԳՏՆՎՈՂ

ՈՐՈՇ ՏԱՐԱԾՔՆԵՐԻ ՆԿԱՏՄԱՄԲ ԲԱՑԱՌԻԿ ԳԵՐԱԿԱ

ՀԱՆՐԱՅԻՆ ՇԱՀ ՃԱՆԱՉԵԼՈՒ ՄԱՍԻՆ

Հիմք ընդունելով Հողային օրենսգրքի 104-րդ հոդվածը և «Հասարակության և պետության կարիքների համար սեփականության օտարման մասին» օրենքի 4-րդ և 7-րդ հոդվածները` Արցախի Հանրապետության կառավարությունը որոշում է.

1. Արցախի Հանրապետությունում ֆրանսիական խաղողագործության զարգացման նպատակով սույն որոշման հավելվածում նշված` Արցախի Հանրապետության Ասկերանի շրջանի Ծաղկաշատ գյուղական համայնքի վարչական սահմաններում գտնվող տարածքների նկատմամբ ճանաչել բացառիկ` գերակա հանրային շահ` հետևյալ հիմնավորումներով.

1) սույն որոշման 1-ին կետում նշված Արցախի Հանրապետությունում ֆրանսիական խաղողագործության զարգացման անհրաժեշտությունը գերակայում է օտարվող սեփականության սեփականատերերի (օգտատերերի) շահերից, քանի որ այն նպատակ է հետապնդում հաղթահարել Արցախի Հանրապետության դեմ սանձազերծված պատերազմական գործողությունների հետևանքով առաջացած սոցիալական և տնտեսական աղետը, ստեղծել հնարավորինս բարենպաստ պայմաններ տնտեսության զարգացման և նոր աշխատատեղերի ստեղծման համար, ինչն իր հերթին հնարավորություն կստեղծի կանխել Արցախի Հանրապետությունից բնակչության արտագաղթը.

2) սույն որոշման 1-ին կետում նշված նպատակի արդյունավետ իրականացումը չի կարող ապահովվել առանց նշված սեփականության օբյեկտների օտարման, քանի որ պատերազմական գործողությունների հետևանքով Արցախի Հանրապետության կրած տարածքային կորուստների պատճառով Արցախի Հանրապետությունում առաջացել է խոշոր տնտեսավարողների գործունեությունը ծավալելու համար նախատեսված հողատարածքների դեֆիցիտ, իսկ սույն որոշման հավելվածում ներառված հողատարածքները համապատասխանում են ֆրանսիական տեսակի խաղողի մշակման համար անհրաժեշտ պայմաններին և կարող են ավելի արդյունավետ օգտագործվել հենց այդ նպատակով.

3) սույն որոշման հավելվածում նշված տարածքների նկատմամբ ճանաչված բացառիկ` գերակա հանրային շահը չհիմնավորված վնաս չի պատճառում նշված տարածքների սեփականատերերին (օգտատերերին):

2. Սահմանել, որ`

1) բացառիկ` գերակա հանրային շահ ճանաչված տարածքների ձեռք բերող է հանդիսանում Արցախի Հանրապետությունը, որի անունից հանդես է գալիս Արցախի Հանրապետության տարածքային կառավարման և ենթակառուցվածքների նախարարությունը.

2) սեփականության օտարման գործընթացն սկսելու վերջնական ժամկետ է սահմանվում սույն որոշման հրապարակման օրվանից ոչ ուշ, քան վեց ամիսը.

3) օտարման գործառույթների իրականացման աշխատանքների համակարգող և պատասխանատու պետական լիազորված մարմինը Արցախի Հանրապետության տարածքային կառավարման և ենթակառուցվածքների նախարարությունն է:

3. Արցախի Հանրապետության տարածքային կառավարման և ենթակառուցվածքների նախարարին`

1) uույն որոշումն ուժի մեջ մտնելուն հաջորդող յոթ օրվա ընթացքում այն պատշաճ ձևով ուղարկել օտարվող սեփականության սեփականատերերին (օգտատերերին).

2) ապահովել սույն որոշմամբ սահմանված բացառիկ` գերակա հանրային շահ ճանաչված օբյեկտների նկատմամբ սույն որոշումից բխող գույքային իրավունքների պետական գրանցումը` օրենսդրությամբ սահմանված կարգով ու ժամկետներում` սույն որոշմամբ սահմանված ձեռք բերողի սեփական միջոցների հաշվին:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Ց Ա Ն Կ

ՕՏԱՐՄԱՆ ԵՆԹԱԿԱ ՏԱՐԱԾՔՆԵՐԻ