ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

ՀՐԱՄԱՆԱԳԻՐԸ

ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ 2020 ԹՎԱԿԱՆԻ

ԴԵԿՏԵՄԲԵՐԻ 17-Ի ՆՀ-884-Ն ՀՐԱՄԱՆԱԳՐՈՒՄ ՓՈՓՈԽՈՒԹՅՈՒՆՆԵՐ

ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը` որոշում եմ.

1. Արցախի Հանրապետության Նախագահի 2020 թվականի դեկտեմբերի 17-ի «Արցախի Հանրապետության կառավարության կառուցվածքի մասին» ՆՀ-884-Ն հրամանագրի.

1) 1-ին կետի՝

ա. 2-րդ ենթակետն ուժը կորցրած ճանաչել,

բ. 6-րդ ենթակետից հանել «էկոնոմիկայի և» բառերը,

գ. լրացնել հետևյալ բովանդակությամբ 8.1-ին ենթակետ.

«8.1) սոցիալական զարգացման և միգրացիայի նախարարություն.»,

դ. 11-րդ ենթակետում «ֆինանսների» բառից հետո լրացնել «և էկոնոմիկայի» բառերը.

2) 3-րդ կետում՝

ա. լրացնել հետևյալ բովանդակությամբ 1.1-ին ենթակետ.

«1.1) պետական վերահսկողական ծառայություն.»,

բ. լրացնել հետևյալ բովանդակությամբ 3.1-ին ենթակետ.

«3.1) նյութական վնասների հարցերի կոմիտե.»:

2. Արցախի Հանրապետության կառավարությանը՝ մեկամսյա ժամկետում ընդունել սույն հրամանագրից բխող որոշումներ:

3. Սույն հրամանագիրն ուժի մեջ է մտնում պաշտոնական հրապարակմանը հաջորդող օրվանից։