ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
|
«23» օգոստոսի 2007թ. |
N 371 |
ք. Ստեփանակերտ
ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2003 ԹՎԱԿԱՆԻ ԱՊՐԻԼԻ 15-Ի ԹԻՎ 121 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով Լեռնային Ղարաբաղի Հանրապետության հողային օրենսգրքի պահանջներով և ելնելով պատերազմի հետևանքով ավերված և լքված բնակավայրերի վերականգնման ու վերաբնակեցման խթանման անհրաժեշտությունից` Լեռնային Ղարաբաղի Հանրապետության կառավարությունը ո ր ո շ ու մ է.
Լեռնային Ղարաբաղի Հանրապետության կառավարության 2003 թվականի ապրիլի 15-ի «ԼՂՀ տարածքում վերաբնակվող ընտանիքներին տրամադրվող արտոնությունների մասին» թիվ 121 որոշման մեջ կատարել հետևյալ փոփոխությունները.
1. Որոշման`
ա/ 1-ին կետի զ/ ենթակետը շարադրել հետևյալ խմբագրությամբ.
«զ/ վերաբնակվող ընտանիքի յուրաքանչյուր շնչի հաշվին բնակավայրում գյուղատնտեսական նշանակության հողերի առկայության դեպքում ԼՂՀ օրենսդրությամբ սահմանված կարգով անհատույց /մշտական/ օգտագործման իրավունքով 10 տարի ժամկետով 0.6հա հողամասի տրամադրում ներառյալ տնամերձ հողամասը»,
բ/ 4-րդ կետի 8-րդ տողի «օգտվում են սույն որոշման 1-ին կետի ա/, բ/, և գ/ ենթակետերով սահմանված արտոնություններից» բառերը փոխարինել «օգտվում են սույն որոշմամբ սահմանված բոլոր արտոնություններից» բառերով:
2. Որոշման 5-րդ կետով նախատեսված բնավորման /նատուրալիզացիայի/ մասին պայմանագրում /Ձև 2/ հանել 1-ին կետի ե/ ենթակետը, իսկ 1-ին կետի դ/ ենթակետը շարադրել հետևյալ խմբագրությամբ.
«դ/ ԼՂՀ օրենսդրությամբ սահմանված կարգով կնքված համապատասխան պայմանագրով օգտագործման իրավունքով բնակարան կամ բնակելի տուն /անհրաժեշտ հողամասով/, որը սույն պայմանագրի ուժի մեջ մտնելու պահից 10 տարի հետո անհատույց սեփականության իրավունքով տրամադրվում է նրան, նվիրատվության պայմանագրի հիման վրա, պայմանով, եթե նա վերադարձրել է սույն պայմանագրով սահմանված ստացած արտոնյալ վարկերը.»:
Ծանոթություն` սեփականության վկայական ստանալու համար պետական տուրքերը վճարում է վերաբնակիչը:
3. Որոշմամբ հաստատված «ԼՂՀ բնակավայրերում վերաբնակեցվող քաղաքացիների արտոնությունների տրամադրման կարգ»-ի 5-րդ կետի աղյուսակը շարադրել հետևյալ խմբագրությամբ.
|
Ընտանիքի անդամների քանակը |
Սոցիալ կենցաղային վարկ /դրամ/ |
Գյուղատնտեսական անասնապահական
վարկ /դրամ/ |
Գումար /դրամ/ |
| 2 (երկու) |
40 000 |
120 000 |
160 000 |
| 3 (երեք) |
60 000 |
140 000 |
200 000 |
| 4 (չորս) |
80 000 |
160 000 |
240 000 |
| 5 (հինգ) |
100 000 |
180 000 |
280 000 |
| 6 (վեց) և ավելի |
120 000 |
200 000 |
320 000 |
4. Որոշման 1-ին կետը լրացնել նոր «լ» ենթակետով, այն է`
լ/ սույն կետի ե/ ենթակետով տրամադրվող վարկի և մարդասիրական միջոցների հաշվին ձեռք բերված գյուղատնտեսական կենդանիների տրամադրման պահից երեք տարվա ընթացքում անվճար բուժսպասարկում.
5. Սույն որոշման 1-ին և 2-րդ կետերն ուժի մեջ են մտնում պաշտոնական հրապարակման պահից, իսկ 3-րդ և 4-րդ կետերը` 2008 թվականի հունվարի 1-ից:
|
ԼՂՀ ՎԱՐՉԱՊԵՏ |
Ա. ԴԱՆԻԵԼՅԱՆ |