ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

Լեռնային Ղարաբաղի Հանրապետության կառավարության 2006 թվականի դեկտեմբերի 26-ի թիվ 642 որոշման մեջ փոփոխություններ կատարելու մասին

Լեռնային Ղարաբաղի Հանրապետության կառավարությունը  ո ր ո շ ու մ է.

1. Լեռնային Ղարաբաղի Հանրապետության կառավարության 2006 թվականի դեկտեմբերի 26-ի «Պետական նպաստների մասին» թիվ 642 որոշման մեջ կատարել հետևյալ փոփոխությունները.

ա) որոշման 1-ին կետը շարադրել հետևյալ խմբագրությամբ.

«1. Սահմանել, որ պետական նպաստները նշանակվում և վճարվում են.

      ա) մինչև 18 տարեկան`

հաշմանդամ երեխաներին - 8500 դրամ

միայնակ մոր երեխաներին - 5000 դրամ

առանց ծնողական խնամքի մնացած երեխաներին - 20000 դրամ

միակողմանի ծնողազուրկ երեխաներին - 10000 դրամ

ալիմենտ ստացող երեխաներին - 5000 դրամ

ժամկետային զինծառայողների (շարքային, եֆրեյտոր և սերժանտական կազմ) երեխաներին - 7500 դրամ

1-ին խմբի հաշմանդամների երեխաներին - 9000 դրամ

2-րդ խմբի հաշմանդամների երեխաներին - 5500 դրամ

4 և ավելի անչափահաս երեխաներ ունեցող ընտանիքների երեխաներին - 5500 դրամ

բ) միայնակ մայրերին - 5000 դրամ

գ) մինչև 2 տարեկան երեխա խնամող անձանց - 4500 դրամ

դ) մինչև 1 տարեկան երեխաներին մանկական սննդով ապահովելու համար - 6000 դրամ:»,

բ) որոշման 2-րդ կետից հանել «առանձին խմբերի երեխաներին և մինչև 2 տարեկան երեխա խնամող անձանց տրվող» բառերը,

գ) որոշմամբ հաստատված կարգի 5-րդ կետից հանել 2-րդ պարբերությունը,

դ) որոշմամբ հաստատված կարգի 7-րդ կետի «գ» ենթակետը շարադրել հետևյալ խմբագրությամբ.

«գ. մինչև 2 տարեկան երեխա խնամող անձանց պետական նպաստ նշանակելու համար ներկայացվում են սույն կետի «ա» ենթակետով սահմանված փաստաթղթերը` ըստ անհրաժեշտության:»:

2. Սույն որոշումն ուժի մեջ է մտնում 2008 թվականի հունվարի 1-ից: