ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք. Ստեփանակերտ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ

2011 ԹՎԱԿԱՆԻ ՀՈՒԼԻՍԻ 26-Ի N 509-Ն ՈՐՈՇՄԱՆ ՄԵՋ

ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը՝ Արցախի Հանրապետության կառավարությունը որոշում է.

1. Լեռնային Ղարաբաղի Հանրապետության կառավարության 2011 թվականի հուլիսի 26-ի «Արցախի Հանրապետության պետական բյուջեի միջոցների հաշվին առողջարանային բուժման և հանգստյան տների ուղեգրերի ձեռքբերման և դրանք քաղաքացիներին հատկացնելու կարգերը հաստատելու և Լեռնային Ղարաբաղի Հանրապետության կառավարության 2008 թվականի մարտի 18-ի N 228 որոշումն ուժը կորցրած ճանաչելու մասին» N 509-Ն որոշման (այսուհետ՝ որոշում) մեջ կատարել հետևյալ փոփոխությունները և լրացումները.

1) որոշման 2-րդ կետում, որոշմամբ հաստատված N 1 հավելվածի 2-րդ կետում, որոշմամբ հաստատված N 2 հավելվածի 2-րդ կետում «աշխատանքի, սոցիալական և միգրացիայի հարցերի» բառերը փոխարինել «սոցիալական զարգացման և միգրացիայի» բառերով.

2) որոշմամբ հաստատված N 1 հավելվածում՝

ա. 4-րդ կետում «տրամադրվում են նախարարության» բառերից հետո լրացնել «աշխատակազմի» բառը,

բ. 5-րդ կետում «Արցախի Հանրապետության վերահսկողությունից դուրս մնացած բնակավայրերում» բառերը փոխարինել «բռնազավթված տարածքներում գտնվող համայնքներում» բառերով և «տարածքային բաժին» բառերից հետո լրացնել «, բացառությամբ սույն կարգի 5.2-րդ կետում նշված դեպքի» բառերը,

գ. 5.1-ին կետից հետո լրացնել հետևյալ բովանդակությամբ նոր 5.2-րդ կետ.

«5.2. «Մանկական ուղեղային կաթված» հիվանդությամբ տառապող հաշմանդամ երեխային ուղեգիր հատկացնելու նպատակով դիմելը և ուղեգիր հատկացնելը իրականացվում է սույն որոշմամբ հաստատված N 2 հավելվածի 4-րդ և 5-րդ կետերով սահմանված ընթացակարգով:»,

դ. 10.1-ին կետում «կետով նախատեսված առանձին (հատուկ) խմբերում չընդգրկված քաղաքացիներին ուղեգրերը հատկացվում են Արցախի Հանրապետության աշխատանքի, սոցիալական և միգրացիայի հարցերի նախարարի հրամանով՝ նախարարության աշխատակազմի ընտանիքների կարիքավորության գնահատման և սոցիալական աջակցության» բառերը փոխարինել «կետում չնշված քաղաքացիներին ուղեգրերը հատկացվում են Արցախի Հանրապետության սոցիալական զարգացման և միգրացիայի նախարարի կողմից՝ նախարարության աշխատակազմի սոցիալական աջակցության և հաշմանդամների հիմնահարցերի» բառերով,

ե. 11-րդ կետում «ուղեգիր» բառից հետո լրացնել «, բացառությամբ սույն կարգի 11.2-րդ կետում նշված դեպքի» բառերը,

զ. 11.1-ին կետն ուժը կորցրած ճանաչել,

է. լրացնել հետևյալ բովանդակությամբ նոր 11.2-րդ կետ.

«11.2. «Մանկական ուղեղային կաթված» հիվանդությամբ տառապող հաշմանդամ երեխային առողջարանային բուժման ուղեգիր հատկացվում է յուրաքանչյուր տարի:»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, բացառությամբ սույն որոշման 1-ին կետի 2-րդ ենթակետի «բ», «գ», «ե» և «է» պարբերությունների, որոնց գործողությունը տարածվում է 2022 թվականի ապրիլի 1-ից հետո ծագած հարաբերությունների վրա: