ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք. Ստեփանակերտ

ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ

2018 ԹՎԱԿԱՆԻ ՄԱՅԻՍԻ 29-Ի N 413-Ն ՈՐՈՇՄԱՆ ՄԵՋ

ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը՝ Արցախի Հանրապետության կառավարությունը որոշում է.

1. Արցախի Հանրապետության կառավարության 2018 թվականի մայիսի 29-ի «Արցախի Հանրապետությունում մշտական բնակություն հաստատած վերաբնակ ընտանիքներին վերաբնակեցման ծրագրով հատկացված բնակարանների, բնակելի տների և տնամերձ հողամասերի սեփականության իրավունքով տրամադրելու կարգը հաստատելու, Լեռնային Ղարաբաղի Հանրապետության կառավարության 2010 թվականի դեկտեմբերի 13-ի N 819-Ն և Լեռնային Ղարաբաղի Հանրապետության կառավարության 2011 թվականի սեպտեմբերի 27-ի N 709-Ն որոշումներն ուժը կորցրած ճանաչելու մասին» N 413-Ն որոշման (այսուհետ՝ որոշում) մեջ կատարել հետևյալ փոփոխությունները.

1) որոշման նախաբանում ««Իրավական ակտերի մասին» Լեռնային Ղարաբաղի Հանրապետության օրենքի 13-րդ և 73-րդ հոդվածներին համապատասխան» բառերը փոխարինել «Հիմք ընդունելով «Իրավական ակտերի մասին» օրենքի 73-րդ հոդվածը և ղեկավարվելով Արցախի Հանրապետության Նախագահի 2017 թվականի սեպտեմբերի 25-ի ՆՀ-108-Ն հրամանագրով սահմանված կարգի 3-րդ կետով» բառերով.

2) որոշման վերնագրում, որոշմամբ հաստատված հավելվածի վերնագրում «ՏՆԵՐԻ ԵՎ ՏՆԱՄԵՐՁ ՀՈՂԱՄԱՍԵՐԻ» բառերը փոխարինել «ՏՆԵՐԻ, ՏՆԱՄԵՐՁ ԵՎ ԳՅՈՒՂԱՏՆՏԵՍԱԿԱՆ ՆՇԱՆԱԿՈՒԹՅԱՆ ՀՈՂԱՄԱՍԵՐԻ» բառերով.

3) որոշման 1-ին կետում, որոշմամբ հաստատված հավելվածի 1-ին կետում «տներ և տնամերձ հողամասեր» բառերի համապատասխան հոլովաձևերը փոխարինել «տներ, տնամերձ և գյուղատնտեսական նշանակության հողամասեր» բառերի համապատասխան հոլովաձևերով.

4) որոշման 3-րդ կետում, որոշմամբ հաստատված հավելվածի 6-րդ կետում «աշխատանքի, սոցիալական և բնակարանային հարցերի» բառերը փոխարինել «սոցիալական զարգացման և միգրացիայի» բառերով.

5) որոշմամբ հաստատված հավելվածի՝

ա. 1-2-րդ կետերում, 3-րդ կետի 4-րդ ենթակետում, 3-րդ կետի երկրորդ պարբերությունում և 4-րդ կետում «բնակելի տարածություն» բառերը և դրանց համապատասխան հոլովաձևերը փոխարինել «գույք» բառով և դրա համապատասխան հոլովաձևերով,

բ. 5-րդ և 7-րդ կետերում «բնակելի տարածությունների» բառերը փոխարինել «գույքի» բառով,

գ. 8-րդ և 9-րդ կետերում «Բնակելի տարածություն» բառերի համապատասխան հոլովաձևերը փոխարինել «Գույք» բառի համապատասխան հոլովաձևերով,

դ. NN 1 և 2 ձևերում «ԲՆԱԿԵԼԻ ՏԱՐԱԾՈՒԹՅՈՒՆՆԵՐԻ» բառերը փոխարինել «ԳՈՒՅՔԻ» բառով, իսկ «Բնակելի տարածության» բառերը՝ «Գույքի» բառով:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Պաշտոնական հրապարակման օրը՝ 30 օգոստոսի 2022 թվական: