ք.Ստեփանակերտ

(վերնագիրը փոփ. 23.09.2022 N141-Ն)

Ղեկավարվելով «Հարկադիր կատարումն ապահովող ծառայության մասին» օրենքի 19-րդ հոդվածի 2-րդ մասով.

(նախաբանը փոփ. 23.09.2022 N141-Ն)

Սահմանել հարկադիր կատարողի նկատմամբ ծառայողական քննության նշանակման և անցկացման կարգը` համաձայն հավելվածի:

(տեքստը փոփ. 23.09.2022 N141-Ն)

1. Սույն կարգով սահմանվում է հարկադիր կատարողի նկատմամբ ծառայողական քննության նշանակման և անցկացման կարգը:

2. Ծառայողական քննությունը օրենքով և սույն կարգով սահմանված դեպքերում և կարգով հարկադիր կատարողի պարտականությունների կատարմանն ու նրա գործունեությանն առնչվող հարցերի քննությունն է:

3. Ծառայողական քննությունը նշանակում է Արցախի Հանրապետության արդարադատության նախարարը կամ Արցախի Հանրապետության գլխավոր հարկադիր կատարողը: Արցախի Հանրապետության գլխավոր հարկադիր կատարողը` իր կողմից նշանակված ծառայողական քննության մասին անմիջապես հայտնում է Արցախի Հանրապետության արդարադատության նախարարին:

(3-րդ կետը փոփ. 23.09.2022 N141-Ն)

4. Ծառայողական քննություն կարող է նշանակվել նաև մամուլում կամ զանգվածային լրատվության մյուս միջոցներով հրապարակված քննադատության, ինչպես նաև կազմակերպությունների, քաղաքացիների դիմումների և բողոքների հիման վրա` Արցախի Հանրապետության արդարադատության նախարարի կամ Արցախի Հանրապետության գլխավոր հարկադիր կատարողի կողմից:

(4-րդ կետը փոփ. 23.09.2022 N141-Ն)

5. Հարկադիր կատարումն ապահովող ծառայության (այսուհետ` ծառայություն) կենտրոնական մարմնի կողմից նախատեսվող կամ սկսված ծառայողական քննության իրականացումը Արցախի Հանրապետության արդարադատության նախարարի կողմից կարող է հանձնարարվել նախարարության աշխատակազմի կառուցվածքային ստորաբաժանմանը կամ պաշտոնատար անձին:

(5-րդ կետը փոփ. 23.09.2022 N141-Ն)

6. Հարկադիր կատարողը, որի նկատմամբ անցկացվում է ծառայողական քննություն, իրավունք ունի ներկայացնելու հիմնավորումներ, հարուցելու միջնորդություններ, ծանոթանալ ծառայողական քննության նյութերին:

7. Հարկադիր կատարողը պարտավոր է ժամանակին ներկայանալ ծառայողական քննությունն իրականացնող անձի կանչով, տալ գրավոր բացատրություններ:

8. Ծառայողական քննություն իրականացնող անձը անհրաժեշտության դեպքում կարող է տեղեկատվություն ստանալ և բացատրություն վերցնել /ձև թիվ 1/ ծառայողական քննության հետ առնչվող այլ անձանցից:

9. Ծառայողական քննություն իրականացնող անձը ուսումնասիրում է գործին վերաբերող փաստաթղթերը, տեղեկանքները և այլ նյութերը, անհրաժեշտության դեպքում` պատճենահանում դրանք:

10. Արցախի Հանրապետության արդարադատության նախարարի կողմից նշանակված ծառայողական քննության եզրակացությունը 5-օրյա ժամկետում ներկայացվում է Արցախի Հանրապետության արդարադատության նախարարին:

(10-րդ կետը փոփ. 23.09.2022 N141-Ն)

11. Ծառայության կենտրոնական մարմնի կողմից իրականացվող ծառայողական քննության եզրակացությունը հաստատում է Արցախի Հանրապետության գլխավոր հարկադիր կատարողը և 5-օրյա ժամկետում ներկայացնում Արցախի Հանրապետության արդարադատության նախարարին:

(11-րդ կետը փոփ. 23.09.2022 N141-Ն)

12. Ծառայողական քննության կատարման ժամկետը սահմանվում է մինչև երեսուն օր: Ծառայողական քննությունն իրականացնող անձի առաջարկությամբ նախաձեռնողի կողմից ծառայողական քննության կատարման ժամկետը, կապված լրացուցիչ ուսումնասիրությունների կամ այլ հանգամանքների հետ, կարող է երկարաձգվել մինչև տասնհինգ օր:

13. Ծառայողական քննության արդյունքների հիման վրա ընդունված որոշումը կարող է բողոքարկվել դատական կարգով:

(հավելվածը փոփ. 23.09.2022 N141-Ն)

                                                  բացատրություն վերցնողի պաշտոնը, կոչումը և ազգանունը

Համաձայն Լեռնային Ղարաբաղի Հանրապետության արդարադատության նախարարի 2007 թվականի հուլիսի 12-ի «Հարկադիր կատարողի նկատմամբ ծառայողական քննության նշանակման և անցկացման կարգը սահմանելու մասին» թիվ 98 հրամանի` բացատրություն վերցրեցի.

_________________________________________________________________________

                                                 անուն, հայրանուն, ազգանուն

_________________________________________________________________________

                                                 ծննդյան տարեթիվը և վայրը

_________________________________________________________________________

                                     աշխատանքի վայրը և զբաղեցրած պաշտոնը

_________________________________________________________________________

                                փաստացի բնակության վայրը և հեռախոսահամարը

_________________________________ -ին առաջարկվեց բացատրություն տալ իրեն հայտնի

                անունը, ազգանունը

փաստերի և հանգամանքների վերաբերյալ.

_________________________________________________________________________

_________________________________________________________________________

_________________________________________________________________________

_________________________________________________________________________

_________________________________________________________________________

_________________________________________________________________________

_________________________________________________________________________

_______________________________________                          _____________________

         Բացատրություն տվողի ստորագրությունը                                                                ազգանունը

_______________________________________                          _____________________

       Բացատրություն վերցնողի ստորագրությունը                                                             ազգանունը

(Ձևը 1-ը փոփ. 23.09.2022 N141-Ն)