ԱՐՑԱԽԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ՆԱԽԱՐԱՐ

2022 թվականի փետրվարի 04

ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ ԳՈՐԾՈՒՆԵՈՒԹՅԱՆ

ՀԱՇՎԵՏՎՈՒԹՅԱՆ ՕՐԻՆԱԿԵԼԻ ՁԵՎԸ, ՀՐԱՊԱՐԱԿՄԱՆ ԵՎ

ՆԵՐԿԱՅԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

N 12-Ն

Հ Ր Ա Մ Ա Ն

Հիմք ընդունելով «Հասարակական կազմակերպությունների մասին» օրենքի 24-րդ հոդվածի 5-րդ մասը՝

ՀՐԱՄԱՅՈՒՄ ԵՄ՝

1. Հաստատել՝

1) «Հասարակական կազմակերպությունների գործունեության հաշվետվության օրինակելի ձևը»` համաձայն N 1 հավելվածի,

2) «Հասարակական կազմակերպությունների գործունեության հաշվետվության հրապարակման և ներկայացման կարգը»՝ համաձայն N 2 հավելվածի:

2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ ԳՈՐԾՈՒՆԵՈՒԹՅԱՆ

ՀԱՇՎԵՏՎՈՒԹՅԱՆ

Հ Ա Շ Վ Ե Տ Վ ՈՒ Թ Յ ՈՒ Ն

Կից ներկայացվում է՝

1) վերստուգող մարմնի եզրակացություն՝ _________ էջերի վրա.

2) աուդիտորի եզրակացություն` _________ էջերի վրա:

1. Հասարակական կազմակերպությունների (այսուհետ` Կազմակերպություն) գործունեության հաշվետվության օրինակելի ձևի (այսուհետ` Հաշվետվություն) «ՀԱՍՏԱՏՎԱԾ Է գործադիր մարմնի կողմից» դաշտում նշվում է գործադիր մարմնի կողմից հաշվետվության հաստատման օրը, ամիսը և տարին:

2. Հաշվետվության «ՀԱՇՎԵՏՎՈՒԹՅՈՒՆ» դաշտի առաջին մասում նշվում է հաշվետվություն ներկայացնող Կազմակերպության անվանումը, իսկ երկրորդ մասում այն հաշվետու տարին, որի համար ներկայացվում է հաշվետվությունը:

3. Հաշվետվության 1.1-ին կետում լրացվում է Կազմակերպության լրիվ անվանումը, 1.2-րդ կետում՝ հարկ վճարողի հաշվառման համարը (ՀՎՀՀ), 1.3-րդ կետում՝ գտնվելու վայրը (ենթակա է հրապարակման կազմակերպության կողմից համապատասխան նշման դեպքում), 1.4-րդ կետում՝ պետական գրանցման համարը, 1.5-րդ կետում՝ պետական գրանցման տարին, ամիսը և ամսաթիվը, 1.6-րդ կետում՝ հեռախոսահամարը, 1.7-րդ կետում՝ էլեկտրոնային փոստը, 1.8-րդ կետում՝ պաշտոնական ինտերնետային կայքը (առկայության դեպքում):

4. Հաշվետվության 2-րդ կետում լրացվում է գործադիր մարմնի ղեկավարի անունը, ազգանունը և պաշտոնը:

5. Հաշվետվության 3-րդ կետում լրացվում է Կանոնադրությամբ սահմանված գործունեության առարկան և նպատակները:

6. Հաշվետվության 4-րդ կետում լրացվում են Կազմակերպության անդամների (հաշվետու տարվա դեկտեմբերի 31-ի դրությամբ), ինչպես նաև այն կամավորների (հաշվետու տարվա ընթացքում) թիվը, որոնց աշխատանքի տևողությունը գերազանցում է շաբաթական 20 ժամը:

7. Հաշվետվության 5-րդ կետում լրացվում է հաշվետու տարվա ընթացքում գումարված ժողովների քանակը:

8. Հաշվետվության 6-րդ կետում լրացվում են հաշվետու տարվա ընթացքում Կազմակերպության կողմից իրականացված ծրագրերը՝ բացառությամբ հանրային միջոցներով իրականացվածները, յուրաքանչյուր ծրագրի անվանումը և վայրը, ծրագրի նպատակը և կարգավիճակը (ավարտված կամ ընթացքի մեջ): Մեկից ավելի ծրագրեր կամ դրանք տարբեր վայրերում իրականացնելու դեպքում լրացուցիչ ավելացվում են տողեր: Ընդ որում ծրագրերի իրականացման վայրը նշելու դեպքում անհրաժեշտ է նշել դրա իրականացման երկիրը, իսկ Արցախի Հանրապետությունում ծրագրերի իրականացման դեպքում` նաև շրջանը և համայնքը։

9. Հաշվետվության 7-րդ կետում լրացվում են հաշվետու տարվա ընթացքում Կազմակերպության կողմից հանրային դրամական միջոցներով իրականացված ծրագրերը՝ յուրաքանչյուր ծրագրի անվանումն ու վայրը, ծրագրի կարգավիճակը (ավարտված կամ ընթացքի մեջ) և տեղեկատվություն դրանց մասին (նպատակը և հիմնական արդյունքները):

Մեկից ավելի ծրագրեր կամ դրանք տարբեր վայրերում իրականացնելու դեպքում լրացուցիչ ավելացվում են տողեր: Ընդ որում ծրագրերի իրականացման վայրը նշելու դեպքում անհրաժեշտ է նշել դրա իրականացման երկիրը, իսկ Արցախի Հանրապետությունում ծրագրերի իրականացման դեպքում` նաև շրջանը և համայնքը։

10. Հաշվետվության 8-րդ կետում լրացվում են հաշվետու տարվա ընթացքում Կազմակերպության տարեկան մուտքերի՝ այդ թվում ստացված հանրային միջոցների, ընդհանուր գումարը. 8.1-ին կետում՝ դրամական միջոցները, 8.2-րդ կետում՝ դրամական միջոցներից տարբերվող այլ գույքը` ֆինանսական վիճակի մասին հաշվետվությունում (հաշվապահական հաշվեկշռում) արտացոլված արժեքով։

11. Հաշվետվության 9-րդ կետում լրացվում են հաշվետու տարվա ընթացքում Կազմակերպության հանրային դրամական միջոցների և (կամ) գույքի չափի, դրանց ստացման աղբյուրների, վերաբերյալ տեղեկատվությունը: Անհրաժեշտության դեպքում ավելացվում են տողեր:

12. Հաշվետվության 10-րդ կետում լրացվում են հաշվետու տարվա ընթացքում Կազմակերպության կողմից օգտագործված (այդ թվում՝ ծախսված) դրամական միջոցները և (կամ) Կազմակերպությանը սեփականության և (կամ) տիրապետման իրավունքով պատկանող՝ շարժական (տրանսպորտային միջոցներ, գյուղատնտեսական տեխնիկա), անշարժ գույքի (հողամասեր, շենքեր, շինություններ), տեսակը, արժեքը: Անհրաժեշտության դեպքում ավելացվում են տողեր:

13. Հաշվետվության 11-րդ կետում լրացվում են հաշվետու տարվա ընթացքում Կազմակերպության հանրային դրամական միջոցների ծախսման և (կամ) տրամադրված գույքի օգտագործման վերաբերյալ տեղեկատվությունը:

14. Հաշվետվության 12-րդ կետում լրացվում են հաշվետու տարվա ընթացքում Կազմակերպության կողմից ձեռնարկատիրական գործունեություն իրականացնելու վերաբերյալ տեղեկատվություն՝ գործունեության տեսակը, ստացված շահույթը և շահույթի օգտագործումը:

15. Հաշվետվությանը կից ներկայացվում է վերստուգող մարմնի եզրակացությունը, եթե Կազմակերպության կանոնադրությամբ նախատեսված է վերստուգող մարմնի կազմավորում և աուդիտորի եզրակացությունը, եթե Կազմակերպությունը հաշվետու տարվա ընթացքում հանրային միջոցներից ֆինանսավորվել է տասը միլիոն և ավելի, իսկ ոչ հանրային միջոցներից՝ հինգ միլիոն և ավելի Հայաստանի Հանրապետության արժույթի` հայկական դրամի չափով՝ լրացնելով կցվող փաստաթղթերի քանակը (պարտադիր աուդիտի պահանջը ոչ հանրային միջոցներից ֆինանսավորված հասարակական կազմակերպությունների մասով տարածվում է 2023 թվականի հունվարի 1-ից հետո ծագած հարաբերությունների վրա):

16. Հաշվետվությունը համարվում է թերի, եթե չի պարունակում «Հասարակական կազմակերպությունների մասին» օրենքի 24-րդ հոդվածի 2-րդ և 3-րդ մասերով նախատեսված տեղեկություններից որևէ մեկը կամ պարունակում է ակնհայտ հակասություններ:

17. Հաշվետվությունը լրացվում է դրամարկղային մեթոդի կիրառմամբ, հայերեն, Հայաստանի Հանրապետության արժույթով` հայկական դրամով:

(հավելված 1-ը խմբ. 28.12.22 N146-Ն)

Կ Ա Ր Գ

ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ ԳՈՐԾՈՒՆԵՈՒԹՅԱՆ

ՀԱՇՎԵՏՎՈՒԹՅԱՆ ՀՐԱՊԱՐԱԿՄԱՆ ԵՎ ՆԵՐԿԱՅԱՑՄԱՆ

1. Հասարակական կազմակերպությունն իր գործունեության մասին հաշվետվությունը, իսկ աուդիտը պարտադիր լինելու դեպքում, նաև աուդիտորի եզրակացությունը, «Հասարակական կազմակերպությունների մասին» օրենքով սահմանված կարգով և ժամկետներում հրապարակում է հասարակական կազմակերպությունների կողմից հրապարակվող հաշվետվությունների համար նախատեսված կայքում, իսկ մինչև դրա շահագործումը Արցախի Հանրապետության առավել տպաքանակ ունեցող մամուլի միջոցով:

2. Հասարակական կազմակերպության կողմից սույն կարգի 1-ին կետում նշված հաշվետվությունը, աուդիտորի եզրակացությունը և վերստուգող մարմնի եզրակացությունը (առկայության դեպքում) սահմանված կարգով հրապարակելը համարվում է լիազոր մարմին ներկայացում: