ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ք. Ստեփանակերտ

ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2021 ԹՎԱԿԱՆԻ

ԴԵԿՏԵՄԲԵՐԻ 6-Ի N 1321-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ

ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը՝ Արցախի Հանրապետության կառավարությունը որոշում է.

1. Արցախի Հանրապետության կառավարության 2021 թվականի դեկտեմբերի 6-ի «Արցախի Հանրապետությունում հումանիտար ականազերծմամբ զբաղվող ոչ պետական կազմակերպությունների՝ աշխատանքային պարտականությունների կատարման ժամանակ ստացած վնասվածքի կամ խեղման պատճառով հաշմանդամ ճանաչված աշխատակիցներին և զոհված աշխատակիցների ընտանիքների անդամներին միանվագ դրամական օգնության տրամադրման կարգը հաստատելու մասին» N 1321-Ն որոշմամբ հաստատված հավելվածում կատարել հետևյալ փոփոխությունները.

1) 3-րդ կետում «աշխատանքի, սոցիալական և միգրացիայի հարցերի» բառերը փոխարինել «սոցիալական զարգացման և միգրացիայի» բառերով.

2) 5-րդ և 7-րդ կետերում «տարածքային բաժին» բառերի համապատասխան հոլովաձևերը փոխարինել «տարածքային ստորաբաժանում» բառերի համապատասխան հոլովաձևերով.

3) 8-րդ կետում «Տարածքային բաժինը» բառերը փոխարինել «Տարածքային ստորաբաժանումը» բառերով:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Պաշտոնական հրապարակման օրը` 12 ապրիլի 2023 թվական