Ո Ր Ո Շ ՈՒ Մ

ք. Ստեփանակերտ

ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2023 ԹՎԱԿԱՆԻ

ՀՈՒՆՎԱՐԻ 13-Ի N 9-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ

ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը՝ Արցախի Հանրապետության կառավարությունը որոշում է.

1. Արցախի Հանրապետության կառավարության 2023 թվականի հունվարի 13-ի «Սննդամթերքի և առաջին անհրաժեշտության ապրանքների որոշ տեսակների վաճառքի և ձեռքբերման հատուկ կարգ սահմանելու և հանձնաժողով ստեղծելու մասին» N 9-Ն որոշմամբ՝

1) սահմանված N 1 հավելվածի 9-րդ կետը շարադրել նոր խմբագրությամբ՝ հետևյալ բովանդակությամբ.

«9. Ցանկում նշված ապրանքատեսակը վաճառվում է կտրոնում նշված չափով և ժամկետներում, բացառությամբ 2023 թվականի փետրվարի 18-ից տրամադրված կտրոնների, որոնցում նշված ապրանքատեսակը՝ անկախ կտրոնում նշված ժամկետների, կարող է վաճառվել մինչև 2023 թվականի ապրիլի 10-ը:».

2) հաստատված N 2 հավելվածի՝

ա. 1-ին և 5-րդ կետերը շարադրել նոր խմբագրությամբ՝ հետևյալ բովանդակությամբ.

«1. Լևոն Սարգսյան - Արցախի Հանրապետության պետական տեսչությունների կառավարման կոմիտեի նախագահ (հանձնաժողովի նախագահ).».

«5. Արթուր Մուսայելյան - Արցախի Հանրապետության պետական տեսչությունների կառավարման կոմիտեի նախագահի 1-ին տեղակալ.»,

բ. 9-րդ կետն ուժը կորցրած ճանաչել:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Պաշտոնական հրապարակման օրը՝ 22 մարտի 2023 թվական