ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ք. Ստեփանակերտ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ

2007 ԹՎԱԿԱՆԻ ԴԵԿՏԵՄԲԵՐԻ 25-Ի N 722 ՈՐՈՇՄԱՆ ՄԵՋ

ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը՝ Արցախի Հանրապետության կառավարությունը որոշում է.

1. Լեռնային Ղարաբաղի Հանրապետության կառավարության 2007 թվականի դեկտեմբերի 25-ի «Չաշխատող անձին մայրության նպաստ, մայրության նպաստ նշանակելու և վճարելու կարգը սահմանելու մասին» N 722 որոշման մեջ կատարել հետևյալ փոփոխությունները.

1) որոշման վերնագիրը շարադրել նոր խմբագրությամբ.

«ՉԱՇԽԱՏՈՂ ԱՆՁԻՆ ՄԱՅՐՈՒԹՅԱՆ ՆՊԱՍՏ ՆՇԱՆԱԿԵԼՈՒ ԵՎ ՎՃԱՐԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ».

2) որոշման նախաբանում «Արցախի Հանրապետությունում ծնելիության աճի խթանման և չաշխատող անձանց սոցիալական վիճակի բարելավման նպատակով» բառերը փոխարինել «Հիմք ընդունելով «Ժամանակավոր անաշխատունակության և մայրության նպաստների մասին» օրենքի 1-ին հոդվածի 3-րդ մասը» բառերով.

3) որոշման 1-ին կետն ուժը կորցրած ճանաչել.

4) որոշմամբ սահմանված հավելվածի՝

ա. 2-րդ կետի 2-րդ, 3-րդ և 4-րդ ենթակետերից հանել «Լեռնային Ղարաբաղի Հանրապետության» բառերը,

բ. 3-րդ կետի 1-ին ենթակետում «Լեռնային Ղարաբաղի Հանրապետության աշխատանքային» բառերը փոխարինել «Աշխատանքային» բառով,

գ. 5-րդ կետում «աշխատանքի, սոցիալական և միգրացիայի հարցերի նախարարության» բառերը փոխարինել «սոցիալական զարգացման և միգրացիայի նախարարության աշխատակազմի» բառերով,

դ. 5-րդ, 11-14-րդ կետերում «բաժին» բառի համապատասխան հոլովաձևերը փոխարինել «ստորաբաժանում» բառի համապատասխան հոլովաձևերով,

ե. 7-րդ կետում «Լեռնային Ղարաբաղի Հանրապետության քաղաքացիական ծառայության խորհրդի աշխատակազմի» բառերը փոխարինել «Արցախի Հանրապետության քաղաքացիական ծառայության խորհրդի աշխատակազմի (այսուհետ՝ քաղաքացիական ծառայության խորհրդի աշխատակազմ)» բառերով,

զ. 14-րդ կետում «աշխատանքի, սոցիալական և միգրացիայի հարցերի» բառերը փոխարինել «սոցիալական զարգացման և միգրացիայի» բառերով:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Պաշտոնական հրապարակման օրը՝ 12 ապրիլի 2023 թվական