ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ք. Ստեփանակերտ

ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2023 ԹՎԱԿԱՆԻ

ՀՈՒՆՎԱՐԻ 13-Ի N 9-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ

ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը՝ Արցախի Հանրապետության կառավարությունը որոշում է.

1. Արցախի Հանրապետության կառավարության 2023 թվականի հունվարի 13-ի «Սննդամթերքի և առաջին անհրաժեշտության ապրանքների որոշ տեսակների վաճառքի և ձեռքբերման հատուկ կարգ սահմանելու և հանձնաժողով ստեղծելու մասին» N 9-Ն որոշման (այսուհետ՝ որոշում) մեջ կատարել հետևյալ փոփոխությունները և լրացումները.

1) որոշման 4-րդ կետում և որոշմամբ սահմանված N 1 հավելվածի 3-րդ կետում «բնակարանային հարցերի» բառերը փոխարինել «պետական տեսչությունների կառավարման» բառերով.

2) որոշման 5-րդ կետի վերջում լրացնել «:» կետադրական նշանը.

3) որոշմամբ սահմանված N 1 հավելվածի՝

ա. 2-րդ կետից հանել «՝ համաձայն Ձևի» բառերը,

բ. 5-րդ կետը շարադրել նոր խմբագրությամբ.

«5. Կտրոնի ձևը հաստատվում է Արցախի Հանրապետության կառավարության 2023 թվականի հունվարի 13-ի N 9-Ն որոշման 2-րդ կետով ստեղծված հանձնաժողովի կողմից:»,

գ. 6-րդ կետն ուժը կորցրած ճանաչել,

դ. 13-րդ կետում «Ս. Դավիթ 2» բառերը փոխարինել «Ազատամարտիկների 39» բառերով,

ե. 16-րդ կետում «Արցախի Հանրապետության կառավարության 2023 թվականի հունվարի 13-ի N 9-Ն որոշման 2-րդ կետով ստեղծված հանձնաժողով (այսուհետ՝ հանձնաժողով)» բառերը փոխարինել «կոմիտե» բառով,

զ. 17-րդ կետում «հանձնաժողովից» բառը փոխարինել «կոմիտեից» բառով.

4) որոշմամբ հաստատված N 1 հավելվածի սննդամթերքի և առաջին անհրաժեշտության ապրանքների որոշ տեսակների ցանկում լրացնել հետևյալ բովանդակությամբ նոր 8.1-րդ կետ.

5) ուժը կորցրած ճանաչել որոշմամբ սահմանված N 1 հավելվածի «Ձև»-ը.

6) որոշմամբ հաստատված N 2 հավելվածի՝

ա. 2-րդ կետը շարադրել նոր խմբագրությամբ՝ հետևյալ բովանդակությամբ.

«2. Արթուր Մուսայելյան - Արցախի Հանրապետության պետական տեսչությունների կառավարման կոմիտեի նախագահի 1-ին տեղակալ (հանձնաժողովի նախագահի տեղակալ).»,

բ. 3-րդ և 5-րդ կետերն ուժը կորցրած ճանաչել,

գ. 10-րդ կետը շարադրել նոր խմբագրությամբ՝ հետևյալ բովանդակությամբ.

«10. Իրինա Սարգսյան - Արցախի Հանրապետության պետական տեսչությունների կառավարման կոմիտեի աշխատակազմի իրավաբանական բաժնի պետ (հանձնաժողովի քարտուղար)։»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Պաշտոնական հրապարակման օրը՝ 03 ապրիլի 2023 թվական