ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ՀՐԱՄԱՆԱԳԻՐԸ
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ 2021 ԹՎԱԿԱՆԻ ՕԳՈՍՏՈՍԻ 12-Ի
ՆՀ-2754-Ն ՀՐԱՄԱՆԱԳՐՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ
ԿԱՏԱՐԵԼՈՒ ՄԱՍԻՆ
Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը՝ որոշում եմ.
1. Արցախի Հանրապետության Նախագահի 2021 թվականի օգոստոսի 12-ի «Արցախի Հանրապետության տարածքում հայտարարված ռազմական դրության պայմաններում իրականացվող մի շարք միջոցառումների մասին» ՆՀ-2754-Ն հրամանագրում կատարել հետևյալ փոփոխությունները և լրացումը.
1) հրամանագրի 1.1-ին կետը շարադրել հետևյալ խմբագրությամբ.
«1.1. Սահմանափակել կարծիքի արտահայտման ազատությունը՝ արգելելով Արցախի Հանրապետության պաշտպանունակության, անվտանգության, տարածքային ամբողջականության, ինքնիշխանության, սահմանադրական կամ հասարակական կարգի, տնտեսության բնականոն զարգացման վերաբերյալ տեղեկատվության որևէ միջոցով տեղեկություններ ու գաղափարներ փնտրելը, ստանալը և տարածելը, սահմանել Արցախի Հանրապետության տարածքում հայտարարված ռազմական դրության իրավական ռեժիմի ընթացքում տեղեկությունների հրապարակման կամ տարածման կանոնները՝ համաձայն հավելվածի:».
2) լրացնել հետևյալ բովանդակությամբ 5.1-ին կետ.
«5.1. Սույն հրամանագրի 1.1-ին կետով նախատեսված իրավունքների և ազատությունների ժամանակավոր սահմանափակումների պահպանման նկատմամբ հսկողությունը վերապահել Արցախի Հանրապետության ներքին գործերի նախարարության ոստիկանությանը:».
3) հրամանագրի հավելվածի 3-րդ կետը շարադրել հետևյալ խմբագրությամբ.
«3. Արգելվում է Արցախի Հանրապետության պաշտպանունակության, անվտանգության, տարածքային ամբողջականության, ինքնիշխանության, սահմանադրական կամ հասարակական կարգի, տնտեսության բնականոն զարգացման վերաբերյալ տեղեկատվության որևէ միջոցով տեղեկություններ ու գաղափարներ փնտրելը, ստանալը և տարածելը, այդ թվում՝ դրանց դեմ ուղղված քարոզչությունը:»:
2. Սույն հրամանագիրն ուժի մեջ է մտնում հրապարակման պահից՝ անմիջապես:
|
ԱՐՑԱԽԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ` |
Ա. ՀԱՐՈՒԹՅՈՒՆՅԱՆ |
| |
|
|
2023 թվականի մայիսի 26
Ստեփանակերտ
ՆՀ-358-Ն |
|
Պաշտոնական հրապարակման օրը՝ 26 մայիսի 2023 թվական: