ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ПРАВИТЕЛЬСТВО НАГОРНО-КАРАБАХСКОЙ РЕСПУБЛИКИ
Ո Ր Ո Շ ՈՒ Մ
П О С Т А Н О В Л Е Н И Е
|
,,25,, ՀՈՒԼԻՍԻ 1995թ. |
N 148 |
ք. Ստեփանակերտ
г. Степанакерт
ԼՂՀ ժողկրթության, գիտության, մշակույթի և սպորտի նախարարության կանոնադրության հաստատման մասին
Լեռնային Ղարաբաղի Հանրապետության կառավարությունը որոշում է`
1. Հաստատել ԼՂՀ ժողկրթության, գիտության, մշակույթի և սպորտի նախարարության կանոնադրությունը (կցվում է` հավելված 1):
2. ՈՒժը կորցրած ճանաչել ԼՂՀ ՊՊԿ 12 հոկտեմբերի 1992թ. «ԼՂՀ ժողովրդական կրթության, մշակույթի և սպորտի նախարարության կանոնադրության հաստատման մասին» թիվ 112 որոշումը:
| ԼՂՀ վարչապետ |
Լ. ՊԵՏՐՈՍՅԱՆ |
|
ԼՂՀ կառավարության
գործերի կառավարիչ |
Ս. ԳՐԻԳՈՐՅԱՆ |
| |
Հավելված 1
ԼՂՀ կառավարության
1995թ. «25» ՀՈՒԼԻՍԻ
թիվ148 որոշման |
Կ Ա Ն Ո Ն Ա Դ Ր ՈՒ Թ Յ ՈՒ Ն
Լեռնային Ղարաբաղի Հանրապետության ժողկրթության, գիտության, մշակույթի և սպորտի նախարարության
1. Ընդհանուր դրույթներ
1. Լեռնային Ղարաբաղի Հանրապետության ժողկրթության, գիտության, մշակույթի և սպորտի նախարարությունը (այսուհետև` նախարարություն) ստեղծվել է ԼՂՀ նախագահի հրամանագրով «Լեռնային Ղարաբաղի Հանրապետության կառավարության մասին» ԼՂՀ օրենքով և հանդիսանում է հանրապետության կրթության, գիտության, մշակույթի և սպորտի բնագավառում միասնական պետական քաղաքականությունն իրականացնող կառավարման հանրապետական մարմին:
2. Նախարարությունը իրավաբանական անձ է, ունի իր անվամբ կլոր կնիք ու դրոշմակնիք, ինքնուրույն հաշվեկշիռ, ընթացիկ հաշիվներ բանկի հիմնարկներում և իր գործունեության ընթացքում ղեկավարվում է ԼՂՀ օրենքներով, ԼՂՀ նախագահի հրամաններով ու կարգադրություններով, ԼՂՀ կառավարության որոշումներով և կարգադրություններով և սույն կանոնադրությամբ:
2. Նախարարության հիմնական խնդիրներն ու գործառույթները
Նախարարության հիմնական խնդիրներն են`
ա) կրթության, գիտության, մշակույթի և սպորտի բնագավառում ԼՂՀ պետական քաղաքականության իրականացման կազմակերպումը և դրա կենսագործման նկատմամբ վերահսկողությունը.
բ) հանրակրթության ու դաստիարակության բովանդակային ու կառուցվածքային բարեփոխումը, մատաղ սերնդի ֆիզիկական ու հոգևոր զարգացման համար պայմանների և հնարավորությունների ապահովումը.
գ) հանրապետությունում ազգային մշակութային արժեքների, թատերական ու պարային արվեստի, ժողովրդական ստեղծագործության և գեղարվեստական ինքնագործունեության պահպանման ու զարգացման համար պայմանների ու հնարավորությունների ապահովումը.
դ) հանրապետությունում ֆիզկուլտուրայի և սպորտի տարբեր ձևերի զարգացման ու նրա մասսայականության պայմանների և հնարավորությունների ապահովումը.
ե) կրթության, գիտության, մշակույթի և սպորտի բնագավառի վերաբերյալ ԼՂՀ օրենսդրական ակտերի նախագծերի մշակմանը և այդ բնագավառում ԼՂՀ պետական քաղաքականության ձևավորմանը մասնակցելը.
զ) կրթության, գիտության, մշակույթի և սպորտի բնագավառի հեռանկարային ու նպատակային հանրապետական ծրագրերի մշակումը և դրանց իրագործման ապահովումը.
է) նախարարության համակարգի տեղեկատվական ապահովումը, դասագրքերի, ձեռնարկների, գեղարվեստական ու մասնագիտական գրականության, ուսումնամեթոդական նորմացույց փաստաթղթերի ձեռքբերումը և ստեղծումը.
ը) նախարարության համակարգի հաստատությունները, հիմնարկները, ձեռնարկություններն ու կազմակերպությունները կադրերով ապահովման կազմակերպումն ու կոորդինացումը, կադրերի վերապատրաստումն ու ատեստավորումը.
թ) նախարարության համակարգի աշխատողների սոցիալական վիճակի բարելավման սատարումը.
ժ) նախարարության համակարգի նյութատեխնիկական և ուսումնանյութական բազայի հարստացումն ու արդյունավետ օգտագործումը, հատկացված բյուջետային միջոցների նպատակային ծախսման ապահովումը, ուսումնադաստիարակչական աշխատանքի, մշակութային և սպորտային միջոցառումների իրականացման համար անհրաժեշտ պայմանների նկատմամբ վերահսկողությունը.
ի) կրթության , գիտության, մշակույթի և սպորտի բնագավառի զարգացման հարցերով ՀՀ լուսավորության, բարձրագույն կրթության և գիտության նախարարությունների, ֆիզկուլտուրայի ու սպորտի և երիտասարդության հարցերով պետական կոմիտեի, ՀՀ և ԼՂՀ պետական և ոչ պետական մարմինների ու կազմակերպությունների, Հայ Առաքելական եկեղեցու, ինչպես նաև օտարերկրյա պետությունների համապատասխան մարմինների և միջազգային կազմակերպությունների հետ համագործակցումը.
լ) հանրապետությունում գիտական լաբորատորիաների ու կենտրոնների ստեղծման և նրանց հիման վրա գիտարար փորձարարական արտադրությունների կազմակերպման, գիտատեխնիկական տեղեկատվության, գիտական աշխատանքների հրատարակման գործի ապահովումը:
4. Նախարարությունն իր հիմնական խնդիրներին համապատասխան`
ա) ապահովում է երեխաների պարտադիր տարրական և հիմնական կրթությունը, պայմաններ է ստեղծում միջնակարգ կրթության իրականացման համար, միջոցներ է ձեռնարկում կրթության բազմաստիճանության և բազմաձևության ընդլայնման համար.
բ) վերահսկում է պետական հանրակրթական չափորոշիչների պահպանումը պետական և ոչ պետական հաստատություններում.
գ) հաստատում է կրթական հաստատությունների ուսումնական պլանները, մշակում ու հրատարակում է ուսուցման և դաստիարակության վերաբերյալ մեթոդական հանձնարարականներ.
դ) սահմանում է պետական հանրակրթական հաստատության տարեկան ուսումնական օրացուցային ժամանակացանցը, սովորողների գիտելիքների գնահատման համակարգը, ինչպես նաև սովորողների փոխադրման, ավարտման քննությունների անցկացման կարգն ու պայմանները.
ե) սահմանում է ԼՂՀ ուսումնական հաստատություններում երեխաների ընդունելության կարգը և պայմանները, դպրոցական արձակուրդների ժամկետները.
զ) սահմանում է նախարարության համակարգի կադրերի և ղեկավար աշխատողների վերապատրաստման, ինչպես նաև ատեստավորման կարգն ու պայմանները, կազմակերպում է նրանց վերապատրաստման ու ատեստավորման աշխատանքը.
է) սահմանված կարգով հաստատում է նախարարության համակարգի կադրերի և ղեկավար աշխատողների տարիֆաորակավորման բնութագրերը.
ը) մասնակցում է նախարարության համակարգի աշխատողների, աշակերտների և ուսանողների սոցիալական պաշտպանվածության հանրապետական ծրագրերի մշակմանը.
թ) օրենսդրությամբ սահմանված կարգով ԼՂՀ կառավարության հաստատմանն է ներկայացնում պետական հաստատությունների տիպային կանոնադրությունների նախագծերը.
ժ) հաստատում է նախարարության համակարգի բոլոր հիմնարկների, հաստատությունների, ձեռնարկությունների և կազմակերպությունների կանոնադրությունները.
ի) օրենսդրությամբ սահմանված կարգով ստեղծում, վերակառուցում և լուծարում է նախարարության համակարգի հաստատությունները, ձեռնարկությունները, հիմնարկներն ու կազմակերպությունները, իրականացնում է նրանց տեղաբաշխումը ԼՂՀ տարածքում.
լ) օրենսդրությամբ սահմանված կարգով իրականացնում է բոլոր հաստատությունների լիցենզավորումը, վկայագրումը և պետական հավատարմագրումը.
խ) հաստատում է նախարարության համակարգի կադրերի և ղեկավար աշխատողների ընտրության, նշանակման և տեղաբաշխման կարգը.
ծ) ԼՂՀ կառավարության հաստատմանն է ներկայացնում բարձրագույն և միջնակարգ մասնագիտական ուսումնական հաստատությունների ընդունելության պետական պատվերի, ընդունելության կանոնների և քննությունների անցկացման կանոնակարգի որոշման նախագծերը.
կ) կազմակերպում է հանրապետության բարձրագույն և միջնակարգ մասնագիտական ուսումնական հաստատությունների ընդունելությունը.
հ) կազմակերպում է համերգային գործունեություն և հյուրախաղեր, անց է կացնում պրոֆեսիոնալ և ինքնագործ արվեստի փառատոներ, գեղարվեստական կոլեկտիվների ու կատարողների մրցանակաբաշխություններ, գեղարվեստական և դեկորատիվ-կիրառական արվեստի ձևերի ցուցահանդեսներ, մշակույթի հիմնարկների ստուգատեսներ և իրականացնում է հայ ժողովրդի մշակույթի և արվեստի նվաճումների ցուցադրման հետ կապված այլ միջոցառումներ.
ձ) վերահսկողություն է իրականացնում պատմական հուշարձանների պահպանման, օգտագործման, նորոգման ու վերանորոգման գործի դրվածքի նկատմամբ գրական հուշարձանների պահպանման և վերանորոգման, ինչպես նաև թանգարանային ունեցվածքի հաշվառման, պահպանման նկատմամբ.
ղ) իրականացնում է բնակչության ֆիզիկական դաստիարակության և մարզիկների պատրաստման գիտականորեն հիմնավորված համակարգի մշակումը և գործնական ներդրումը.
ճ) հանրապետությունում կազմակերպում է պաշտոնական չեմպիոնատներ և առաջնություններ, միջազգային մրցաշարեր, վերահսկողություն սահմանում դրանց անցկացման համար.
մ) իր իրավասության սահմաններում վարում է բանակցություններ ու կնքում պայմանագրեր ՀՀ և օտարերկրյա պետությունների համապատասխան մարմինների ու միջազգային կազմակերպությունների հետ և նպաստում նախարարության համակարգի հաստատությունների, ձեռնարկությունների, հիմնարկների և կազմակերպությունների միջազգային կապերի զարգացմանը.
յ) օրենսդրությամբ սահմանված կարգով իրականացնում է նախարարության համակարգի հաստատությունների, հիմնարկների և կազմակերպությունների բյուջետային հատկացումների բաշխումը և վերահսկում նրանց ֆինանսական գործունեությունը, տնօրինում է նախարարության գույքը.
ն) հանրակրթության և դաստիարակության, մշակույթի ու սպորտի հարցերով համագործակցում է ԼՂՀ գործադիր իշխանության պետական մարմինների հետ.
շ) ԼՂՀ առողջապահության նախարարության հետ համատեղ վերահսկում է երեխաների առողջության պահպանման ու ամրապնդման գործը.
ո) աջակցում է հիմնադրամների, միությունների, ընկերակցությունների, կրթության, գիտության, մշակույթի և սպորտի պայմանների բարելավմանը և դրանց բովանդակության զարգացմանը նպաստող այլ միջոցառումների կազմակերպմանը.
չ) օրենսդրությամբ սահմանված կարգով թույլտվություն է տալիս նախարարության համակարգի հաստատությունների, ձեռնարկությունների, հիմնարկների և կազմակերպությունների գույքն օտարելիս կամ վարձակալությամբ հանձնելիս.
պ) կազմակերպում և մասնակցում է կրթության, գիտության և մշակույթի հարցերով համաժողովների, խորհրդակցությունների և այլ միջոցառումների.
ջ) կոորդինացնում է նախարարության վարչությունների, ԼՂՀ կադրերի վերապատրաստման և ատեստավորման հանրապետական ինստիտուտի գործունեությունը ուսումնամեթոդական աշխատանքների գծով:
3. Նախարարության աշխատանքների կազմակերպումը
5. Նախարարությունն աշխատանքը կազմակերպում է իրեն վերապահված իրավասության սահմաններում` միանձնյա ղեկավարման և կոլեգիալության սկզբունքների զուգակցման հիման վրա:
6. Նախարարությունը սերտորեն համագործակցում է ԼՂՀ նախարարությունների, պետական վարչությունների, գերատեսչությունների և գործադիր իշխանության տեղական մարմինների հետ, անհրաժեշտության դեպքում նրանց հետ համատեղ արձակում հրամաններ, հրահանգներ, տալիս հանձնարարականներ:
7. Նախարարությունը համակարգի հաստատությունների, հիմնարկների, ձեռնարկությունների և կազմակերպությունների ղեկավարումն ու վերահսկողությունը իրականացնում է վարչությունների և շրջանային (քաղաքային) գործադիր իշխանությունների կրթության, մշակույթի և սպորտի բաժինների միջոցով:
8. Նախարարությունը գլխավորում է նախարարը, որը հաստատվում է ԼՂՀ նախագահի կողմից` ԼՂՀ վարչապետի ներկայացմամբ:
9. Նախարարն ունի երկու տեղակալներ, որոնք նշանակվում են պաշտոնի և ազատվում պաշտոնից ԼՂՀ կառավարության կողմից` նախարարի ներկայացմամբ:
10. Նախարարը`
ա) ղեկավարում է նախարարության գործունեությունը,
բ) նշանակում է պաշտոնի և ազատում է պաշտոնից նախարարության կենտրոնական ապարատի աշխատողներին, նախարարության համակարգի անվանագրմանը համապատասխան ղեկավար աշխատողներին.
գ) հաստատում է`
նախարարության կենտրոնական ապարատի կառուցվածքը և հաստիքացուցակը.
նախարարության կենտրոնական ապարատի կառուցվածքային ստորաբաժանումների, նախարարության համակարգի հաստատությունների, հիմնարկների, ձեռնարկությունների և կազմակերպությունների կանոնադրությունները.
նախարարության համակարգի հաստատությունների հոգաբարձուների խորհուրդների օրինակելի կանոնադրությունը.
նախարարության, նրա կոլեգիայի աշխատանքային պլանները և աշխատակարգը.
նախարարության ուսումնագիտական և գեղարվեստական խորհուրդների կազմը և աշխատակարգը.
դ) սահմանում է նախարարի տեղակալների, նախարարության ստորաբաժանումների ղեկավարների և աշխատողների պարտականությունները, իրավունքներն ու պատասխանատվության աստիճանը.
ե) իր իրավասության սահմաններում արձակում է հրամաններ, հրահանգներ, տալիս ցուցումներ, ստուգում դրանց կատարումը.
զ) բեկանում է նախարարության համակարգի հաստատությունների, ձեռնարկությունների, հիմնարկների և կազմակերպությունների այն հրամանները, որոնք հակասում են ԼՂՀ օրենսդրությանը, նախարարության հրամաններին, հրահանգներին.
է) սահմանված կարգով խրախուսում և կարգապահական պատասխանատվության է ենթարկում նախարարության կենտրոնական ապարատի աշխատողներին ու նախարարության համակարգի ղեկավարներին.
ը) ղեկավարում է նախարարության կոլեգիայի նիստերը, կազմակերպում նրա որոշումների կատարման վերահսկողությունը.
թ) ըստ անհրաժեշտության ստեղծում է աշխատանքային հանձնաժողովներ, հանձնախմբեր.
ժ) իրականացնում է օրենսդրությամբ սահմանված այլ լիազորություններ:
12. Նախարարի բացակայության դեպքում նրա պարտականությունները, նախարարի հանձնարարությամբ, կատարում է նախարարի տեղակալներից մեկը:
13. Նախարարության հրամանների, հրահանգների, հանձնարարականների կատարումը պարտադիր է նախարարության համակարգի բոլոր հաստատությունների, ձեռնարկությունների, հիմնարկների և կազմակերպությունների համար:
14. Նախարարությունն ունի երկու կոլեգիա, որի անհատական կազմը հաստատվում է ԼՂՀ կառավարության կողմից` նախարարի ներկայացմամբ:
Կոլեգիայի կազմի մեջ մտնում են նախարարը (նախագահ), նրա տեղակալներն ի պաշտոնե, նախարարության և նրա համակարգի, ինչպես նաև պետական այլ մարմինների ղեկավար կամ պատասխանատու աշխատողներ:
15. Նախարարության կոլեգիան սահմանված կարգով քննության է առնում նախարարության համակարգի կազմակերպման ու գրանցման հիմնական հարցերը, հիմնարար փաստաթղթերի նախագծերը, նախարարության հրամանների, հրահանգների, հանձնարարականների կատարման արդյունքները, կադրերի ընտրության, նշանակման և տեղաբաշխման հարցերը, նախարարության կենտրոնական ապարատի աշխատողների, հաստատությունների, ձեռնարկությունների, հիմնարկների և կազմակերպությունների հաշվետվություններն ու հաղորդումները, քննարկում ու ամփոփում է ԼՂՀ պետական պարգևներով պարգևատրման վերաբերյալ առաջարկություններն ու այլ հարցեր և ընդունում որոշումներ:
16. Կոլեգիայի որոշումները կենսագործվում են, որպես կանոն, նախարարի հրամաններով: Նախարարի և կոլեգիայի անդամների միջև ծագած տարաձայնության դեպքում նախարարն իրագործում է իր որոշումը` տարաձայնության մասին զեկուցելով ԼՂՀ կառավարությանը, իսկ կոլեգիայի անդամները իրենց հերթին կարող են իրենց կարծիքը հայտնել ԼՂՀ կառավարությանը:
17. Նախարարությունը սահմանված կարգով քննության է առնում քաղաքացիների դիմումները, գանգատները և առաջարկությունները, կատարում քաղաքացիների ընդունելություն:
|
ԼՂՀ կառավարության
գործերի կառավարիչ |
Ս. ԳՐԻԳՈՐՅԱՆ |