ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ք.Ստեփանակերտ

Հիմք ընդունելով «Թանկարժեք մետաղների մասին» Լեռնային Ղարաբաղի Հանրապետության օրենքի 6-րդ հոդվածի 8-րդ մասը` Լեռնային Ղարաբաղի Հանրապետության կառավարությունը որոշում է.

1. Հաստատել հարգադրոշմների, տարբերանիշերի և անվանանիշերի ձևերը, չափերը, նկարագրությունը և դրանց պատրաստման, հաշվառման ու տնօրինման կարգը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

1. Սույն կարգով կարգավորվում են հարգադրոշմների, տարբերանիշերի և անվանանիշերի ձևերը, չափերը, նկարագրությունը և դրանց պատրաստման, հաշվառման ու տնօրինման հետ կապված հարցերը:

2. Հարգադրոշմը պատվիրում և (կամ) պատրաստում են թանկարժեք մետաղներից պատրաստված իրերի հարգորոշման և հարգադրոշմման լիցենզիա ստացած անձինք (այսուհետ` լիցենզավորված անձ): Հարգադրոշմը թույլատրվում է պատվիրել և (կամ) պատրաստել միայն համաձայն սույն կարգի N1 ձևով սահմանված հարգադրոշմների ձևերի, չափերի և ուրվագծի:

3. Անվանանիշը պատվիրում և (կամ) պատրաստում է թանկարժեք մետաղներից պատրաստված իրեր արտադրողը` սույն կարգով սահմանված թույլտվությունն ստանալուց հետո` պահպանելով սույն կարգի N2 ձևով սահմանված սահմանային չափերը:

Անվանանիշի վրա նշվում է թույլտվության հերթական համարը:

4. Տարբերանիշը պատվիրում և (կամ) պատրաստում է լիազոր մարմինը` սույն կարգով սահմանված կարգով` պահպանելով սույն կարգի N3 ձևով սահմանված տարբերանիշի ձևի, չափի և ուրվագծի սահմանային չափերը:

Տարբերանիշը ենթակա է պարտադիր գրանցման` լիազորված մարմնում:

Տարբերանիշի վրա նշվում է լիցենզիայի համարը:

5. Տարբերանիշը կարող է ունենալ գաղտնագիր:

6. Հարգադրոշմները, անվանանիշերը և տարբերանիշերը կարող են լինել մեխանիկական, էլեկտրակայծային և այլն: Տարբերանիշերի, անվանանիշերի և հարգադրոշմների գծային չափերի թուլատրելի շեղումն է 0.15 մմ:

7. Անվանանիշ պատվիրելու և (կամ) պատրաստելու թույլտվություն ստանալու համար (ձև N4) իրավաբանական անձը կամ անհատ ձեռնարկատերը լիազորված մարմին է ներկայացնում հայտ` համաձայն N5 ձևի:

Հայտում նշվում են`

ա) իրավաբանական անձի համար` իրավաբանական անձի անվանումը և կազմակերպական-իրավական ձևը, իսկ անհատ ձեռնարկատիրոջ համար` անունը, ազգանունը.

բ) իրավաբանական անձի համար` իրավաբանական անձի գտնվելու վայրը, իսկ անհատ ձեռնարկատիրոջ համար` բնակության վայրը.

գ) թանկարժեք մետաղներից պատրաստված իրերի արտադրական գործունեության իրականացման վայրը.

դ) հայտատուի ներկայացուցչի տվյալները (անունը, ազգանունը, անձնագրի համարը, բնակության վայրը, հեռախոսահամարը).

ե) հայտին կից ներկայացվող փաստաթղթերի ցանկը:

8. Հայտին կից ներկայացվում են հետևյալ փաստաթղթերը`

ա) իրավաբանական անձի համար` կանոնադրության, պետական գրանցման վկայականի և ՀՎՀՀ-ի պատճենները, իսկ անհատ ձեռնարկատիրոջ համար` պետական գրանցման վկայականի և ՀՎՀՀ-ի կամ սոցիալական քարտի պատճենը.

բ) թանկարժեք մետաղներից պատրաստված իրերի արտադրական գործունեության իրականացման տարածքի սեփականության, վարձակալության կամ օգտագործման իրավունքի վկայականի պատճենը.

գ) ապրանքային (սպասարկման) նշանի գրանցման վկայականի պատճենը և անվանանիշի ուրվագիծը` մեկ օրինակից:

9. Անվանանիշը պատվիրող անձը պատվերի թույլտվություն ստանալու համար լիազորված մարմին է ներկայանում անձնագրով:

10.Անվանանիշեր պատրաստելու պատվերի թույլտվությունը տրվում է անհրաժեշտ փաստաթղթերը ներկայացնելուց հետո 7 աշխատանքային օրվա ընթացքում` 3 ամիս ժամկետով: Նշված ժամկետում պատրաստված անվանանիշը լիազորված մարմնում չգրանցվելու դեպքում անվանանիշ պատվիրելու թույլտվությունը համարվում է անվավեր, իսկ նորը տրվում է ընդհանուր հիմունքներով:

Լիազորված մարմնի կողմից 7 աշխատանքային օրվա ընթացքում հայտատուին չպատասխանելու դեպքում հայտը համարվում է բավարարված:

11. Անվանանիշ պատվիրելու թույլտվությունը տրվում կամ մերժվում է լիազորված մարմնի ղեկավարի կողմից:

12. Թույլտվություն տալը գրավոր մերժվում է, եթե`

ա) դիմողի ներկայացրած փաստաթղթերը թերի են, ակնհայտ կեղծ կամ խեղաթյուրված.

բ)  ներկայացված փաստաթղթերը չեն համապատասխանում սույն կարգի և Լեռնային Ղարաբաղի Հանրապետության օրենսդրության պահանջներին:

13. Տարբերանիշի պատվիրելու և (կամ) պատրաստելու ծախսերն իրականացնում է լիցենզավորված անձը:

14. Անվանանիշերի և տարբերանիշերի հաշվառումն իրականացնում է Լեռնային Ղարաբաղի Հանրապետության ֆինանսների նախարարությունը` վարելով սույն կարգի N6 ձևով սահմանված տարբերանիշերի հաշվառման գրանցամատյան և N7 ձևով սահմանված անվանանիշերի հաշվառման գրանցամատյան:

15. Լեռնային Ղարաբաղի Հանրապետությունում թանկարժեք մետաղներ զտարկելու, բանկային ոսկի և ստանդարտացված ձուլակտորներ արտադրելու լիցենզիա ունեցող զտարկող կազմակերպությունների կողմից արտադրված թանկարժեք մետաղների ստանդարտացված ձուլակտորների մակերեսին պետք է դրոշմված լինի արտադրող կազմակերպության անվանումը (անվանանիշը), ձուլակտորների քաշը` արտահայտված գրամներով, կիլոգրամներով կամ տրոյական ունցիաներով, մետաղի լատինատառ խորհրդանշանը և հարգը (ձև N8):

Մեկ կիլոգրամ և ավելի քաշ ունեցող ձուլակտորների մակերեսի վրա պետք է դրոշմված լինի նրա սերիական համարը:

16. Հին անվանանիշի կամ տարբերանիշի մաշվածության կամ որևէ պատճառով դրանց փոխարինման դեպքերում նոր անվանանիշ պատվիրելու թույլտվությունը կամ նոր տարբերանիշը տրվում է հին անվանանիշը կամ տարբերանիշը լիազորված մարմին հանձնելուց հետո:

17. Անվանանիշը կամ տարբերանիշը կորցնելու դեպքում նոր անվանանիշ պատվիրելու թույլտվություն կամ նոր տարբերանիշ ստանալու համար լիազորված մարմին են ներկայացվում սույն կարգով սահմանված փաստաթղթերը և անվանանիշի կամ տարբերանիշի կորստյան մասին առնվազն 1000 տպաքանակ ունեցող որևէ մամուլում տպագրված հայտարարության մեկ օրինակը:

Նոր անվանանիշ պատվիրելու թույլտվությունը կամ նոր տարբերանիշը տրամադրվում է համապատասխան հայտարարությունը հրապարակվելուց 15 օր հետո` սույն կարգով սահմանված ժամկետներում:

Կորած անվանանիշի և տարբերանիշի փոխարեն նոր անվանանիշ պատրաստելու պատվերի թույլտվությունը և նոր տարբերանիշը տրվում է ընդհանուր հիմունքներով:

Ոսկի 375, 416, 500, 583, 585, 750, 916, 958, 999 հարգերի

Թվերի հաստությունը՝ 0.08-0.1 մմ

Արծաթ 800, 830, 875, 925, 960, 999 հարգերի

Թվերի հաստությունը՝  0.08-0.1մմ

Պլատին 900 և 950 հարգերի

Թվերի հաստությունը՝ 0.08-0.1մմ

Պալադիում 500 և 850 հարգերի

Թվերի հաստությունը՝ 0.08-0.1մմ

ԱՆՎԱՆԱՆԻՇԻ ՍԱՀՄԱՆԱՅԻՆ ՉԱՓԵՐԸ

ՏԱՐԲԵՐԱՆԻՇԻ ՁԵՎԻ, ՉԱՓԻ ԵՎ ՈՒՐՎԱԳԾԻ ՍԱՀՄԱՆԱՅԻՆ ՉԱՓԵՐԸ

Ա - տարբերանիշի հերթական համարը, որը թանկարժեք մետաղների և դրանցից պատրաստված իրերի հարգորոշման ու հարգադրոշմման լիցենզիայի համարն է:

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

ՖԻՆԱՆՍՆԵՐԻ ՆԱԽԱՐԱՐՈՒԹՅՈՒՆ

Հ Ա Յ Տ

10. Հայտին կցվում են հետևյալ փաստաթղթերը՝