ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

 ք. Ստեփանակերտ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2008 ԹՎԱԿԱՆԻ ՄԱՐՏԻ 18-Ի

N 203 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ԵՎ ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՄԻ ՇԱՐՔ ՈՐՈՇՈՒՄՆԵՐ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

«Իրավական ակտերի մասին» Լեռնային Ղարաբաղի Հանրապետության oրենքի 71-րդ և 73-րդ հոդվածներին համապատասխան` Լեռնային Ղարաբաղի Հանրապետության կառավարությունը որոշում է.

1. Լեռնային Ղարաբաղի Հանրապետության կառավարության 2008 թվականի մարտի 18-ի «Հարգադրոշմների, տարբերանիշերի և անվանանիշերի ձևերը, չափերը, նկարագրությունը և դրանց պատրաստման, հաշվառման ու տնօրինման կարգը հաստատելու մասին» N 203 որոշման մեջ կատարել հետևյալ փոփոխությունները.

1) որոշման վերնագրից, 1-ին կետից, որոշմամբ հաստատված հավելվածի վերնագրից և 1-ին կետից հանել «հարգադրոշմների, տարբերանիշերի և» բառերը.

2) որոշման տեքստում «6-րդ հոդվածի 8-րդ մասը» բառերը փոխարինել «2-րդ հոդվածի «ժե» կետը» բառերով.

3) որոշմամբ հաստատված հավելվածում`

ա. 2-րդ, 4-րդ, 5-րդ, 13-րդ, 15-րդ կետերը, N 1, N 3, N 6 և N 8 ձևերն ուժը կորցրած ճանաչել.

բ. 6-րդ կետի «Հարգադրոշմները, անվանանիշերը և տարբերանիշերը» և «Տարբերանիշերի, անվանանիշերի և հարգադրոշմների» բառերը փոխարինել համապատասխանաբար «Անվանանիշերը» և «Անվանանիշերի» բառերով.

գ. 14-րդ կետից հանել «և տարբերանիշերի» և «N 6 ձևով սահմանված տարբերանիշերի հաշվառման գրանցամատյան և» բառերը.

դ. 16-րդ կետը շարադրել հետևյալ խմբագրությամբ`

«16. Հին անվանանիշի մաշվածության կամ որևէ պատճառով դրա փոխարինման դեպքում նոր անվանանիշ պատվիրելու թույլտվությունը տրվում է հին անվանանիշը լիազորված մարմին հանձնելուց հետո:».

ե. 17-րդ կետից հանել «կամ տարբերանիշը», «կամ նոր տարբերանիշ», «և տարբերանիշի», «և նոր տարբերանիշը» բառերն իրենց բոլոր հոլովաձևերով:

2. Ուժը կորցրած ճանաչել.

1) Լեռնային Ղարաբաղի Հանրապետության կառավարության 2008 թվականի մարտի 18-ի «Թանկարժեք մետաղների զտարկման, բանկային ոսկու և ստանդարտացված ձուլակտորների արտադրության լիցենզավորման կարգը, հայտի ձևը և լիցենզիայի ձևն ու թանկարժեք մետաղներից պատրաստված իրերի հարգորոշման և հարգադրոշմման լիցենզավորման կարգը, հայտի ձևը և լիցենզիայի ձևը հաստատելու մասին» N 198 որոշումը.

2) Լեռնային Ղարաբաղի Հանրապետության կառավարության 2008 թվականի մարտի 18-ի «Լեռնային Ղարաբաղի Հանրապետությունում թանկարժեք մետաղներ զտարկողների և թանկարժեք մետաղներ հարգորոշողների ու հարգադրոշմողների որակավորման կարգը և որակավորման քննությունների ծրագիրը հաստատելու մասին» N 199 որոշումը.

3) Լեռնային Ղարաբաղի Հանրապետության կառավարության 2008 թվականի մարտի 18-ի «Լեռնային Ղարաբաղի Հանրապետությունում թանկարժեք մետաղների զտարկման, բանկային ոսկու և ստանդարտացված ձուլակտորների արտադրության գործունեություն իրականացնող անձանց և թանկարժեք մետաղներից պատրաստված իրերի հարգորոշման և հարգադրոշմման գործունեություն իրականացնող անձանց կողմից Լեռնային Ղարաբաղի Հանրապետության կառավարության լիազոր մարմին իրենց գործունեության մասին տեղեկությունների (հաշվետվությունների) ներկայացման կարգը հաստատելու մասին» N 200 որոշումը.

4) Լեռնային Ղարաբաղի Հանրապետության կառավարության 2008 թվականի մարտի 18-ի «Լեռնային Ղարաբաղի Հանրապետությունում թանկարժեք մետաղների զտարկման, բանկային ոսկու և ստանդարտացված ձուլակտորների արտադրության լիցենզիա ունեցող զտարկող կազմակերպություններին ներկայացվող պահանջները սահմանելու մասին» N 201 որոշումը.

5) Լեռնային Ղարաբաղի Հանրապետության կառավարության 2008 թվականի մարտի 18-ի «Թանկարժեք մետաղներից պատրաստված իրերի հարգորոշման ու հարգադրոշմման գործունեության պայմանների և տեխնիկական պահանջների կիրառման կարգը հաստատելու մասին» N 202 որոշումը:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: