ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ
ՊԵՏԱԿԱՆ ԿՈՄԻՏԵ
Ո Ր Ո Շ ՈՒ Մ
|
,,23,, սեպտեմբերի 1994թ. |
հ. 502 |
ք.Ստեփանակերտ
Լեռնային Ղարաբաղի Հանրապետության բյուջետային հիմնարկների աշխատողների աշխատավարձի, կրթաթոշակների և որոշ նպաստների չափերի բարձրացման մասին
Հաշվի առնելով բյուջետային հիմնարկների աշխատողների, կրթաթոշակ և որոշ կատեգորիայի նպաստ ստացողների սոցիալական պաշտպանվածության լրացուցիչ միջոցառումների իրականացման անհրաժեշտությունը, Լեռնային Ղարաբաղի Հանրապետության Պաշտպանության Պետական Կոմիտեն որոշում է.
1. 1994թ. սեպտեմբերի 1-ից` Լեռնային Ղարաբաղի Հանրապետությունում բյուջետային հիմնարկների աշխատողների աշխատավարձերին սահմանել հավելում 30 տոկոսի չափով` այն ավելացնելով աշխատավարձի փաստացի չափին և տարածելով նաև ԼՂՀ կառավարության կողմից սահմանված բոլոր տեսակի լրացուցիչ վարձատրությունների վրա:
2. Պետական բարձրագույն ուսումնական հաստատությունների ուսանողների, միջնակարգ-մասնագիտական ուսումնական հաստատությունների (այդ թվում` քոլեջների) սովորողների, 10 ամսից պակաս ուսուցման տևողությամբ պրոֆեսիոնալ-տեխնիկական ուսումնարանների սովորողների, ասպիրանտների և դոկտորանտների կրթաթոշակների չափերին սահմանել հավելում կրթաթոշակի 30 տոկոսի չափով` ավելացնել այն կրթաթոշակին:
3. Երեխայի ծննդյան կապակցությամբ տրվող միանվագ նպաստի չափը բարձրացնել 30 տոկոսով:
4. Նպաստ ստացող գործազուրկների նպաստների չափերին սահմանել հավելում փաստացի նպաստի 30 տոկոսի չափով` ավելացնելով այն նպաստին:
|
ԼՂՀ ՊՊԿ ՆԱԽԱԳԱՀ |
Ռ.Քոչարյան |
|
ԼՂՀ ՆԽ ԳՈՐԾԵՐԻ
ԿԱՌԱՎԱՐՉԻ ՏԵՂԱԿԱԼ |
Ա.Գրիգորյան |