ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

Հիմք ընդունելով «Լեռնային Ղարաբաղի Հանրապետության կառավարության կառուցվածքի մասին» Լեռնային Ղարաբաղի Հանրապետության օրենքում փոփոխություն կատարելու մասին» Լեռնային Ղարաբաղի Հանրապետության օրենքի (25 հունիսի, 2008 թվականի, ՀՕ-35-Ն) 2-րդ հոդվածը և ղեկավարվելով «Պետական կառավարչական հիմնարկների մասին» Լեռնային Ղարաբաղի Հանրապետության օրենքի 7-րդ և 11-րդ հոդվածներով, «Քաղաքացիական ծառայության մասին» Լեռնային Ղարաբաղի Հանրապետության օրենքի 29-րդ հոդվածով` Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության աշխատակազմի արտադրական ենթակառուցվածքների վարչության տրանսպորտի, կապի և էներգետիկայի բաժինները միացման ձևով վերակազմակերպել Լեռնային Ղարաբաղի Հանրապետության կառավարությանն առընթեր արտադրական ենթակառուցվածքների վարչության կազմում գործող տրանսպորտի, կապի և էներգետիկայի բաժինների` հիմնարկի կառուցվածքային ստորաբաժանումների կարգավիճակով:

2. Լեռնային Ղարաբաղի Հանրապետության կառավարության աշխատակազմի իրավաբանական բաժինը վերակազմավորման ձևով վերակազմակերպել Լեռնային Ղարաբաղի Հանրապետության կառավարության աշխատակազմի իրավաբանական վարչության` հիմնարկի կառուցվածքային ստորաբաժանման կարգավիճակով:

3. Լեռնային Ղարաբաղի Հանրապետության կառավարության աշխատակազմի սոցիալական հարցերի բաժինը ու քաղաքաշինության և բնական ռեսուրսների բաժինը միաձուլման ձևով վերակազմակերպել Լեռնային Ղարաբաղի Հանրապետության կառավարության աշխատակազմի գործերի կառավարչության` հիմնարկի կառուցվածքային ստորաբաժանման կարգավիճակով:

4. Լեռնային Ղարաբաղի Հանրապետության կառավարության 2003 թվականի օգոստոսի 26-ի «Լեռնային Ղարաբաղի Հանրապետության կառավարության աշխատակազմ» պետական կառավարչական հիմնարկ ստեղծելու մասին» թիվ 243 որոշման թիվ 2 հավելվածը շարադրել նոր խմբագրությամբ` համաձայն հավելվածի:

5. Լեռնային Ղարաբաղի Հանրապետության կառավարության աշխատակազմի ղեկավար-նախարարին և Լեռնային Ղարաբաղի Հանրապետության կառավարությանն առընթեր արտադրական ենթակառուցվածքների վարչության պետին` ապահովել սույն որոշմանը համապատասխան վերակազմակերպված Լեռնային Ղարաբաղի Հանրապետության կառավարության աշխատակազմի կառուցվածքային ստորաբաժանումների աշխատողների` օրենքով սահմանված իրավունքներն ու երաշխիքները:

6. Լեռնային Ղարաբաղի Հանրապետության ֆինանսների նախարարին` սույն որոշման 5-րդ կետում նշված աշխատանքներն ավարտելուց հետո 10-օրյա ժամկետում Լեռնային Ղարաբաղի Հանրապետության կառավարություն առաջարկություն ներկայացնել Լեռնային Ղարաբաղի Հանրապետության պետական բյուջեում սույն որոշումից բխող վերաբաշխումներ կատարելու վերաբերյալ:

7. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Կ Ա Ռ ՈՒ Ց Վ Ա Ծ Ք

«ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԱՇԽԱՏԱԿԱԶՄ» ՊԵՏԱԿԱՆ ԿԱՌԱՎԱՐՉԱԿԱՆ ՀԻՄՆԱՐԿԻ

1. ԼՂՀ վարչապետի վերահսկողական ծառայություն

1) ԼՂՀ կառավարության և ԼՂՀ վարչապետի որոշումների կատարման ընթացիկ վերահսկողության և կառավարության ծրագրերի իրականացման վերահսկողության բաժին

2) ԼՂՀ վարչապետի հանձնարարականների և քաղաքացիների դիմում-բողոքների կատարման վերահսկողության բաժին

3) Առողջապահության և բժշկասոցիալական հարցերի վերահսկողության բաժին

2. Իրավաբանական վարչություն

1) Ազգային ժողովի հետ կապերի բաժին

2) Պետաիրավական բաժին

3. Տարածքային կառավարման և տեղական ինքնակառավարման վարչություն

1) Տարածքային կառավարման բաժին

2) Տեղական ինքնակառավարման բաժին

4. Տեղեկատվության և հասարակայնության հետ կապերի վարչություն

1) Մամուլի բաժին

2) Կայքի թողարկման բաժին

5. Գործերի կառավարչություն

6. Ազգային փոքրամասնությունների և կրոնի հարցերի բաժին

7. Անձնակազմի կառավարման բաժին

8. Արձանագրային բաժին

9. Առաջին բաժին

10. Համակարգչային բաժին

11. Քարտուղարություն

12. Ֆինանսական և հաշվապահական հաշվառման բաժին»: