ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

Հիմք ընդունելով «Լեռնային Ղարաբաղի Հանրապետության կառավարության կառուցվածքի մասին» Լեռնային Ղարաբաղի Հանրապետության օրենքում փոփոխություն կատարելու մասին» Լեռնային Ղարաբաղի Հանրապետության օրենքը (2 հուլիսի 2008 թվականի ՀՕ-35-Ն) և ղեկավարվելով «Պետական ոչ առևտրային կազմակերպությունների մասին» Լեռնային Ղարաբաղի Հանրապետության օրենքի 9-րդ հոդվածի պահանջներով` Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2004 թվականի նոյեմբերի 26-ի «Լեռնային Ղարաբաղի Հանրապետության պետական արխիվ» պետական ոչ առևտրային կազմակերպություն ստեղծելու մասին» թիվ 462 որոշման (այսուհետ` որոշում) մեջ կատարել հետևյալ փոփոխությունները`

1) որոշման ամբողջ տեքստում «Լեռնային Ղարաբաղի ազգային արխիվային ֆոնդ (հավաքածու)» բառերը փոխարինել «Լեռնային Ղարաբաղի Հանրապետության արխիվային հավաքածու» բառերով` համապատասխան հոլովաձևերով.

2) որոշման 9-րդ կետը շարադրել հետևյալ խմբագրությամբ.

«9. Պետական կազմակերպության կառավարման, ինչպես նաև «Պետական ոչ առևտրային կազմակերպությունների մասին» Լեռնային Ղարաբաղի Հանրապետության օրենքի 13-րդ հոդվածի 2-րդ մասի «գ», «ե», «է» կետերով և 14-րդ հոդվածով նախատեսված լիազորությունները վերապահել Լեռնային Ղարաբաղի Հանրապետության արդարադատության նախարարությանը:».

3) որոշմամբ հաստատված կանոնադրության (այսուհետ` կանոնադրություն) 2-րդ կետի`

ա. «Լեռնային Ղարաբաղի ազգային արխիվային ֆոնդի մասին» բառերը փոխարինել «Արխիվային գործի մասին» բառերով.

բ. «կառավարությանն առընթեր արխիվային գործի վարչության» բառերը փոխարինել «արդարադատության նախարարության» բառերով:

4) կանոնադրության 9-րդ կետի «Վ.Սարգսյանի 14» բառերը փոխարինել «Տիգրան Մեծի 9» բառերով:

5) կանոնադրության 14-րդ կետից հանել «և էկոնոմիկայի» բառերը:

2. Սույն որոշումն ուժի մեջ է մտնում 2008 թվականի նոյեմբերի 1-ից: