ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
|
«27» դեկտեմբերի 2008թ. |
N 955 |
ք.Ստեփանակերտ
ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ՀՈՒՆՎԱՐԻ 26-Ի ԹԻՎ 19 ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Պետական կառավարչական հիմնարկների մասին» Լեռնային Ղարաբաղի Հանրապետության օրենքի 8-րդ հոդվածի 3-րդ մասով` Լեռնային Ղարաբաղի Հանրապետության կառավարությունը ո ր ո շ ու մ է.
1. Լեռնային Ղարաբաղի Հանրապետության կառավարության 2005 թվականի հունվարի 26-ի «Լեռնային Ղարաբաղի Հանրապետության քաղաքաշինության նախարարության աշխատակազմ» պետական կառավարչական հիմնարկ ստեղծելու, Լեռնային Ղարաբաղի Հանրապետության քաղաքաշինության նախարարության կանոնադրությունը և աշխատակազմի կառուցվածքը հաստատելու մասին» թիվ 19 որոշմամբ հաստատված թիվ 1 և թիվ 2 հավելվածներում կատարել հետևյալ լրացումները և փոփոխությունները`
1) թիվ 1 հավելվածի 8-րդ կետը լրացնել «ժդ», «ժե» և «ժզ» ենթակետերով` հետևյալ բովանդակությամբ.
«ժդ) նախագծա-նախահաշվային փաստաթղթերի պատվիրումը.
ժե) կապիտալ շինարարության աշխատանքների` սահմանված ժամկետում նախագծման և շինարարական տևողության նորմաներին համապատասխան գործարկման աշխատանքների վերահսկողության իրականացումը.
ժզ) շինարարության տեխնիկական նախագծա-նախահաշվային փաստաթղթերի համապատասխանության և որակի վերահսկողության աշխատանքների իրականացումը:»:
2) թիվ 2 հավելվածի 1-ին բաժնի 5-րդ տողը շարադրել նոր խմբագրությամբ.
«Ճանապարհների շինարարության և շահագործման քաղաքականության բաժին»:
2. Սույն որոշումն ուժի մեջ է մտնում պաշտոնական հրապարակմանը հաջորդող տասներորդ օրվանից:
|
ԼԵՌՆԱՅԻՆ ՂԱՐԱԲԱՂԻ
ՀԱՆՐԱՊԵՏՈՒԹՅԱՆ ՎԱՐՉԱՊԵՏ
|
Ա. ՀԱՐՈՒԹՅՈՒՆՅԱՆ |