ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2008 թվականի փետրվարի 26-ի «Բանկերի կողմից հիփոթեքային վարկավորմամբ բնակարաններ և բնակելի տներ ձեռք բերելու պետական աջակցության ապահովման կարգը հաստատելու մասին» թիվ 101 որոշմամբ հաստատված կարգի`

ա) 2-րդ կետի տասներեքերորդ պարբերությունից հետո ավելացնել հետևյալ բովանդակությամբ նոր պարբերություններ.

«- երիտասարդ ընտանիք` ամուսիններից առնվազն մեկի տարիքը սույն կարգով սահմանված պետական աջակցություն ստանալու Հայտը ներկայացնելու օրվա դրությամբ չի գերազանցում 32 տարին,

- մեկ անձից կազմված ընտանիք` 32 տարին լրացած Քաղաքացի, որը սույն կարգով սահմանված պետական աջակցություն ստանալու Հայտը ներկայացնելու օրվա դրությամբ չի գտնվում ամուսնության մեջ, չունի անչափահաս երեխաներ, խնամարկյալներ, ինչպես նաև հոգաբարձության ներքո անձինք,

- «գումարած մեկ»` Քաղաքացու ընտանիքի անդամների թվին պայմանական ավելացվում է մեկ` սույն կարգով սահմանված դեպքերում Քաղաքացու առկա և սույն կարգով սահմանված պետական աջակցությամբ ձեռք բերվող բնակտարածքների առավելագույն մակերեսները որոշելու համար,»,

բ) 3.4-րդ ենթակետի նախավերջին պարբերության «և 2-րդ» բառերը ուժը կորցրած ճանաչել, իսկ վերջին պարբերությունը շարադրել հետևյալ խմբագրությամբ.

●«Բնակության և հաշվառման անհրաժեշտ ժամկետի պահանջ չի սահմանվում, եթե`

ա) Քաղաքացին ԼՂՀ օրենսդրությամբ սահմանված կարգով ունի փախստականի կամ վերաբնակչի կարգավիճակ և բնակարան է ձեռք բերում ԼՂՀ սոցիալական ապահովության նախարարության կողմից տրված Քաղաքացու` սույն կարգով սահմանված պետական աջակցություն ստանալու համար նախընտրելի բնակավայրի մասին տեղեկանքում նշված բնակավայրում.

բ) Քաղաքացին բնակարան է ձեռք բերում այն բնակավայրում, որտեղ բնակչության թվաքանակը անհամեմատ քիչ է, քան այն բնակավայրինը, որտեղ նա հաշվառված և բնակվում է:»,

գ) 3.5–րդ ենթակետը շարադրել հետևյալ խմբագրությամբ.

«3.5 Պետական ֆինանսական աջակցությունը ուղղվում է Քաղաքացիների հիփոթեքային վարկավորմամբ բնակարան ձեռք բերելու այն գործարքներին, ըստ որոնց մեկ քառակուսի մետրի արժեքը և ընդհանուր գումարը չի գերազանցում`

3.5.1. առաջնային շուկայում`

ա) 1-ին և 2-րդ գոտիներում գնման դեպքում` 1 քառ. մ` 300,0 հազար դրամը և ընդհանուր գումարը` 33 000,0 հազար դրամը,

բ) կառուցման դեպքում` 1 քառ. մ`250,0 հազար դրամը և ընդհանուր գումարը` 25 000,0 հազար դրամը,

3.5.2. երկրորդային շուկայում`

ա) 1-ին գոտում` մինչև 2009 թվականի հոկտեմբերի 1-ը` 1քառ. մ.` 250,0 հազ. դրամը և ընդհանուր գումարը` 25 000,0 հազ. դրամը, իսկ 2009 թվականի հոկտեմբերի 1-ից հետո` 1քառ. մ.` 230,0 հազ. դրամը և ընդհանուր գումարը` 23 000,0 հազ. դրամը,

բ) 2-րդ գոտում` 1 քառ. մ.` 150,0 հազար դրամը և ընդհանուր գումարը` 15 000,0 հազար դրամը,

3.5.3. վերանորոգման համար` ընդհանուր գումարը` 5 000,0 հազար դրամը:»,

դ) 3.6-րդ ենթակետը շարադրել հետևյալ խմբագրությամբ.

«3.6 Պետական ֆինանսական աջակցությունից կարող են օգտվել`

3.6.1 այն Քաղաքացիները, որոնց սեփականության իրավունքով պատկանող բնակտարածքի մակերեսը մեկ շնչի հաշվարկով չի գերազանցում 18 քառ.մետրը, և աջակցություն ստանալու դեպքում` ապահովվում է սույն կարգի 3.7-րդ ենթակետով սահմանված պայմանը,

3.6.2 միևնույն բնակարանում երկու և ավելի ընտանիքներ համատեղ բնակվելու դեպքում` առանձնացող յուրաքանչյուր ընտանիք, անկախ համատեղ բնակության բնակարանի մակերեսի մեծությունից:»,

ե) 3.7-րդ ենթակետը շարադրել հետևյալ խմբագրությամբ.

«3.7 Պետական ֆինանսական աջակցությունը ուղղվում է այն Քաղաքացիներին, որոնց հիփոթեքային վարկավորմամբ ձեռք բերվող բնակարանի ընդհանուր տարածքը ընտանիքի անդամների մեկ շնչի հաշվարկով չի գերազանցում `

● գնման դեպքում` 30 քառ. մետրը,

● կառուցման դեպքում` 40 քառ. մետրը:»,

զ) 3.7-րդ կետից հետո ավելացնել հետևյալ բովանդակությամբ 3.7¹  կետ.

«3.7¹  Երիտասարդ և մեկ անձից կազմված ընտանիքները սույն կարգի 3.6-րդ և 3.7-րդ ենթակետերով սահմանված պայմանները ապահովելու նպատակով կարող են օգտվել «գումարած մեկ» պայմանից:»,

է) 3-րդ կետը լրացնել հետևյալ բովանդակությամբ 3.13-րդ ենթակետով.

«3.13 Մինչև 18 տարեկան Քաղաքացիները, որոնց հաշվարկմամբ ստացվել է սույն կարգով սահմանված աջակցությունը մեկ անգամ, կրկին կարող են օգտվել պետական ֆինանսական աջակցությունից` 18 տարին լրանալուց հետո:».

ը) 4.4-րդ ենթակետը շարադրել հետևյալ խմբագրությամբ.

«4.4 վարկի գումարը`

● գնման համար` մինչև 33 000,0 հազար դրամը.

● կառուցման համար` մինչև 25 000,0 հազար դրամը.

● վերանորոգման համար` մինչև 5 000,0 հազար դրամը:»,

թ) 4.6-րդ կետում «20» թիվը փոխարինել «30» թվով,

ժ) 4-րդ կետում ավելացնել հետևյալ բովանդակությամբ նոր ենթակետ.

«4.7 Վարկը տրամադրվում է ՀՀ դրամով կամ վարկի գումարին համարժեք Հայաստանի Հանրապետությունում ազատ փոխարկվող արտարժույթով:»,

ժա) 7.8-րդ կետում ավելացնել հետևյալ բովանդակությամբ 7.8.5-րդ ենթակետ.

«7.8.5 սույն կարգի 10.8-րդ և 10.9-րդ ենթակետերով նախատեսված պայմանների չկատարման դեպքերում:»,

ժբ) 8.9.4-րդ կետի երկրորդ նախադասության «զիջման դիմաց ֆինանսավորման պայմանագիր (ֆակտորինգ)» բառերը փոխարինել «իրավունքի զիջման (ցեսսիայի) պայմանագիր» բառերով:

ժգ) 10.8-րդ ենթակետի վերջին պարբերությունը ուժը կորցրած ճանաչել,

ժդ) 10.8-րդ ենթակետից հետո ավելացնել հետևյալ բովանդակությամբ 10.9-րդ ենթակետ.

«10.9 Սույն կարգի 3.6.1 ենթակետով սահմանված պայմանով պետական աջակցությամբ բնակարան ձեռք բերած Քաղաքացին (կառուցելու դեպքում` շինարարության նախանշված ժամկետի ավարտից հետո) եռամսյա ժամկետում պարտավոր է օտարել` մինչև աջակցությունը սեփականության իրավունքով իրեն և իր հետ համատեղ աջակցություն ստացած Քաղաքացիներին պատկանող բնակտարածք(ներ)ը (նախկին բնակարանը)` տվյալ պահին գործող շուկայական միջին արժեքներից ոչ ցածր արժեքով, և գործարքի արդյունքում ստացած գումարն ամբողջությամբ ուղղել պարտավորության մարմանը:»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: