ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ПРАВИТЕЛЬСТВО НАГОРНО-КАРАБАХСКОЙ РЕСПУБЛИКИ
Ո Ր Ո Շ ՈՒ Մ
П О С Т А Н О В Л Е Н И Е
|
,,21,, ՆՈՅԵՄԲԵՐԻ 1995թ. |
N 278 |
ք. Ստեփանակերտ
г. Степанакерт
ԼՂՀ տարածքում ավարտված շինարարությամբ օբյեկտների` ընդունող հանձնաժողովների կողմից շահագործման ընդունելու կարգի մասին
ԼՂՀ տարածքում բնակարանային-քաղաքացիական նշանակության օբյեկտների շինարարության որակի բարձրացման և շահագործման հանձնելիս դրանց շինպատրաստականության աստիճանի բարձրացման նպատակով, բնակելի և հասրակական շենքերի անաչառ (օբյեկտիկ) ընդունումն ապահովելու համար ԼՂՀ կառավարությունը որոշում է`
Հաստատել ավարտված շինարարությամբ օբյեկտները շահագործման ընդունելու կարգը (կցվում է):
| ԼՂՀ վարչապետ |
Լ. ՊԵՏՐՈՍՅԱՆ |
|
ԼՂՀ կառավարության
գործերի կառավարիչ |
Ս. ԳՐԻԳՈՐՅԱՆ |
| |
Հաստատված է
ԼՂՀ կառավարության
1995թ. նոյեմբերի 21-ի
թիվ 278 որոշմամբ |
Կ Ա Ր Գ
ավարտված շինարարությամբ օբյեկտները շահագործման ընդունելու
Պատվիրատուի կողմից գլխավոր շինարարական ձեռնարկությունից օբյեկտների ընդունումն իրականացնում է պատվիրատուի ձեռնարկության (կազմակերպության) ղեկավարի հրամանով նշանակված ընդունող հանձնաժողովը:
Պետական ընդունող հանձնաժողովը ստեղծվում է ոչ ուշ, քան` օբյեկտը հանձնելու պատրաստականության մասին գլխավոր կապալառուի ծանուցման ստացումից հետո 5-օրյա ժամկետում:
Պետական ընդունող հանձնաժողովի կազմի մեջ մտնում են պատվիրատուի, գլխավոր կապալառուի, նախագծային և շահագործող ձեռնարկության (կազմակերպության), պետական սանիտարական հսկողության, պետական հրդեհային հսկողության և պետական ճարտարապետաշինարարական վերահսկողության տեսչության կամ քաղաքի (շրջանի) ճարտարապետության և քաղաքաշինության բաժնի ներկայացուցիչները:
Հանձնաժողովի նախագահ է նշանակվում, որպես կանոն, քաղաքի կամ շրջանի վարչակազմի ղեկավարի տեղակալներից մեկը:
Պետական ընդունող հանձնաժողովը պարտավոր է ստուգել օբյեկտի շինարարության ընթացքում կիրառվող բոլոր տեխնիկական նորմատիվային փաստաթղթերը, կատարված աշխատանքների որակն ու համապատասխանությունը նախագծին, ինչպես նաև` իրականացնել տեխնոլոգիական սարքավորանքի ընդունումը:
Ստուգման արդյունքներով պետական ընդունող հանձնաժողովը կազմում է օբյեկտն ամբողջությամբ շահագործման ընդունելու պատրաստականության մասին ամփոփիչ արձանագրություն:
Պետական ընդունող հանձնաժողովի` օբյեկտի ընդունման մասին արձանագրությունը հաստատվում է քաղաքի կամ շրջանի վարչակազմի որոշմամբ:
Պետական ընդունող հանձնաժողովն իրավունք ունի իր աշխատանքներին մասնակից դարձնել ենթակապալառու ձեռնարկությունների (կազմակերպությունների), շինարարությունը ֆինանսավորող բանկի ներկայացուցիչների, ջրատարի, կոյուղու, գազամատակարարման, էլեկտրամատակարարման, կապի այն ցանցերի և կառույցների շահագործումն իրականացնող ձեռնարկությունների կամ կազմակերպությունների ներկայացուցիչների, որոնց միացված է ընդունող օբյեկտը, ինչպես նաև` այլ շահագրգիռ ձեռնարկությունների (կազմակերպությունների) ներկայացուցիչների:
Անհրաժեշտության դեպքում պետական ընդունող հանձնաժողովն իրականացնում է առանձին պարսպապատող (ցանկապատող) և կրող կառուցվածքների, ինժեներական սարքավորանքի ընտրանքային ստուգիչ փորձարկումներ, ինչպես նաև` կառուցվածքների բացում դրանց հիմնական կրող հատկությունների որոշման համար:
Օբյեկտը շահագործման ընդունելուց հետո պետական ընդունող հանձնաժողովին ներկայացված բոլոր փաստաթղթերը պետք է պատվիրատուին ի պահ հանձնվեն:
Ավարտված շինարարությամբ (վերակառուցմամբ) շենքի ընդունման մասին արձանագրությունը ստորագրում են պետական ընդունող հանձնաժողովի նախագահը և բոլոր անդամները. պետական ընդունող հանձնաժողովի անդամի ստորագրությունը հանդիսանում է այն կազմակերպության կողմից օբյեկտը շահագործման հանձնելու թույլտվություն, որի ներկայացուցիչը հանձնաժողովի տվյալ անդամն է:
Օբյեկտը շահագործման ընդունելու արձանագրությունը (ձևը կցվում է) և դրան կցվող զեկուցագիրը կազմում են 5 (հինգ) օրինակից, որոնցից երկուսը, արձանագրությունը հաստատելու մասին որոշման նախագծի հետ մեկտեղ, ներկայացնում են պետական ընդունող հանձնաժողովին նշանակած մարմին, երկու օրինակը հանձնում են պատվիրատուին, և մեկ օրինակը` գլխավոր կապալառուին:
Բնակարանային-քաղաքացիական նշանակության օբյեկտները շահագործման ընդունելու մասին արձանագրությունները քննարկում և հաստատում են պետական ընդունող հանձնաժողովներին նշանակած մարմինները` ոչ ուշ, քան` հանձնաժողովի կողմից դրանց ստորագրումից հետո 1-շաբաթյա ժամկետում:
Բնակարանային-քաղաքացիական նշանակության օբյեկտները շահագործման հանձնելու թվականը (ամսաթիվը) համարվում է պետական ընդունող հանձնաժողովի կողմից արձանագրության ստորագրման օրը:
Եթե օբյեկտը շահագործման չի ընդունվել, հանձնաժողովը պարտավոր է կազմել հիմնավորող եզրակացություն, որը հանձնում են հանձնաժողովին նշանակած վերադաս կազմակերպությանը, իսկ դրա պատճենները` պատվիրատուին և գլխավոր կապալառուին:
Եթե շենքի շահագործման ընթացքում հայտնաբերվեն կապալառուի մեղքով ծագած արատներ և բացթողումներ, ապա նա պարտավոր է վերացնել դրանք կապիտալ շինարարության կապալի պայմանագրերի մասին կանոնադրության համաձայն` հետևյալ երաշխիքային ժամկետներում.
- համաշինարարական աշխատանքներ` օբյեկտը շահագործման հանձնելու օրվանից մեկ տարվա ընթացքում.
- կենտրոնական ջեռուցման համակարգեր` ջեռուցման մեկ պարբերաշրջանի ընթացքում.
- ջրատարի և կոյուղու արտաքին ցանցեր` հանձնման-ընդունման մասին արձանագրության ստորագրման օրվանից մեկ տարվա ընթացքում:
Շենքերը և կառույցները շահագործման ինքնակամ ընդունելու համար մեղավոր անձինք, պետական ճարտարապետաշինարարական վերահսկողության մարմինների ներկայացմամբ, ենթարկվում են պատասխանատվության:
Պետական ընդունող հանձնաժողովին իրավունք վերապահել օբյեկտների նախագծումն ու շինարարությունն իրականացնող պատվիրատուի, կապալառուի և այլ ձեռնարկությունների, կազմակերպությունների վերադաս կազմակերպություններ ներկայացնել նյութեր նախագծման և շինարարության ժամանակ նախագծային և շինարարական-մոնտաժային աշխատանքների անորակ կատարում թույլ տված պաշտոնատար անձանց պատասխանատվության ենթարկվելու համար:
Ավարտված շինարարությամբ օբյեկտների ընդունման կանոնների խախտման դեպքում պետական ընդունող հանձնաժողովների նախագահներն ու անդամները, ինչպես նաև այն անձինք, ովքեր հարկադրում են օբյեկտները շահագործման ընդունել կանոնների խախտումով, ենթարկվում են վարչական, կարգապահական և այլ պատասխանատվության:
Այն դեպքերում, երբ շինարարության օբյեկտները ԼՂՀ չափանիշերով խոշոր են կամ հատուկ կարևորության, դրանց ընդունումը, ԼՂՀ կառավարության հայեցողությամբ, կատարվում է երկու փուլով` աշխատանքային և պետական ընդունող հանձնաժողովների կողմից:
- պատվիրատուի կողմից գլխավոր շինարարական ձեռնարկությունից օբյեկտների նախնական ընդունումն իրականացնում է պատվիրատուի ձեռնարկության կամ կազմակերպության ղեկավարի հրամանով նշանակված աշխատանքային հանձնաժողովը.
- աշխատանքային հանձնաժողովի կազմի մեջ մտնում են պատվիրատուի, գլխավոր կապալառուի, ենթակապալառու, նախագծային և շահագործող ձեռնարկությունների (կազմակերպությունների), պետական սանիտարական հսկողության և պետական ճարտարապետաշինարարական վերահսկողության մարմինների ներկայացուցիչները.
- աշխատանքային հանձնաժողովը ստուգման արդյունքներով կազմում է ավարտված շինարարությամբ շենքերի և կառույցների ընդունման պատրաստականության մասին արձանագրություն պետական ընդունող հանձնաժողովին ներկայացնելու համար և նախապատրաստում է օբյեկտն ամբողջությամբ շահագործման ընդունելու պատրաստականության մասին ամփոփիչ եզրակացություն.
- աշխատանքային հանձնաժողովի կողմից օբյեկտի ընդունման արձանագրությունը հաստատում է պատվիրատու-կառուցապատողը և այնուհետև ներկայացնում է այն պետական ընդունող հանձնաժողովին:
Ավարտված շինարարությամբ օբյեկտները շահագործման ընդունելու սույն կարգի կատարման ու պահպանման վերահսկողությունը հանձնարարել ԼՂՀ ճարտարապետության և քաղաքաշինության վարչությանը:
Ձև_____________________
Հաստատված է`
__________________________________________
որոշման (հրամանի, կարգադրության և այլն)
__________________________________________
թվաքանակը և համարը
__________________________________________
որոշումը (հրամանը և այլն) ստորագրված
_________________________________________
անձի ա.ա.հ. և պաշտոնը
_________________________________________
Ա Ր Ձ Ա Ն Ա Գ Ր ՈՒ Թ Յ ՈՒ Ն
Ավարտված շինարարությամբ օբյեկտը պետական ընդունող հանձնաժողվի կողմից շահագործման ընդունելու մասին
199 թ.____________________________________________________________________________
օբյեկտի գտնվելու վայրը
_________________________________________________________________________________
Պետական ընդունող հանձնաժողովը` նշանակված_______________________________________
_________________________________________________________________________________
հանձնաժողովին նշանակած մարմնի անվանումը
199 թ.___________________________թիվ (որոշմամբ, հրամանով, կարգադրությամբ և այլն)` հետևյալ կազմով (նշվում են, բացի ներքոթվարկյալներից, սահմանված կարգով որպես հանձնաժողովի անդամ մասնակցող` այլ մարմինների և կազմակերպությունների բոլոր ներկայացուցիչները)
Նախագահ________________________________________________________________________
ա.ա.հ. պաշտոնը
և հանձնաժողովի անդամներ-ներկայացուցիչներ` պատվիրատուի (կառուցապատողի)
_________________________________________________________________________________
ա.ա.հ. պաշտոնը
շահագործող կազմակերպության
_________________________________________________________________________________
գլխավոր կապալառուի
_________________________________________________________________________________
գլխավոր նախագծողի
_________________________________________________________________________________
պետական սանիտարական հսկողության մարմինների
_________________________________________________________________________________
պետական հրդեհային հսկողության մարմինների
_________________________________________________________________________________
պետական ճարտարապետաշինարարական վերահսկողության մարմինների, շրջանային ճարտարապետի
__________________________________________________________________________________
1. Պատվիրատուի___________________________________________________________________
նշել անվանումը և գերատեսչական ենթակայության կողմից շահագործման ընդունելու է ներկայացված
__________________________________________________________________________________
__________________________________________________________________________________
նշել օբյեկտի անվանումն ու շինարարության տեսակը, նոր, ընդլայնում, վերակառուցում,
__________________________________________________________________________________
տեխնիկական վերազինում
հետևյալ հասցեով`___________________________________________________________________
շրջան, բնակավայր, փողոց, տան հ.
2. Շինարարությունը կատարված է______________________________________________________
նշել որոշման կայացրած մարմնի
__________________________________________________________________________________
անվանումը
199 թ.__________________«_______» N______________որոշման (հրամանի, կարգադրության և այլն) հիման վրա և
__________________________________________________________________________________
նշել թույլտվություն տված մարմնի անվանումը
199 թ.______________________«_________» N շինարարական-մոնտաժային աշխատանքների իրականցման թույլտվության համապատասխան:
3. Շինարարությունն իրականացրել են գլխավոր կապալառու_______________________________
_________________________________________________________________________________
նշել անվանումը և գերատեսչական ենթակայությունը
որը կատարել է____________________________________________________________________
նշել աշխատանքների տեսակը
և հետևյալ ենթակապալառու ձեռնարկությունները (կազմակերպությունները)
_________________________________________________________________________________
նշել բոլոր ձեռնարկությունները (կազմակերպությունները), դրանց
_________________________________________________________________________________
գերատեսչական ենթակայությունը և յուրաքանչյուրի կատարած
_________________________________________________________________________________
աշխատանքների տեսակը: Ձեռն-րի (կազմ-րի) քանակը 3-ից ավելի լինելու
_________________________________________________________________________________
դեպքում նշել դրանց ցանկը սույն արձանագրության հավելվածում
_________________________________________________________________________________
_________________________________________________________________________________
_________________________________________________________________________________
4. Շինարարության նախագծանախահաշվային փաստաթղթերը մշակել է գլխավոր նախագծող
_________________________________________________________________________________
նշել անվանումը և գերատեսչական ենթակայությունը, որը պատրաստել է
_________________________________________________________________________________
բանվորական (աշխատանքային) փաստաթղթերը:
5. Նախագծանախահաշվային փաստաթղթերը հաստատել է________________________________
նշել օբյեկտի գծով
_________________________________________________________________________________
նախագծանախահաշվային փաստաթղթերը հաստատած (վերահաստատած) մարմնի
_________________________________________________________________________________
անվանումը
6. Շինարարական-մոնտաժային աշխատանքները կատարվել են հետևյալ ժամկետներում` աշխատանքների սկիզբը`
_________________________________________________________________________________
տարեթիվն ու ամիսը
աշխատանքների ավարտը`__________________________________________________________
տարեթիվն ու ամիսը
շինարարության_________________________________________________________տևողությամբ
7. Շահագործման ընդունելու ներկայացված օբյեկտն ունի հետևյալ հիմնական ցուցանիշները`
________________________________________________________________________________
________________________________________________________________________________
________________________________________________________________________________
________________________________________________________________________________
8. Նախահաշվային արժեքն ըստ հաստատված նախագծանախահաշվային փաստաթղթերի
ընդամենը`_____________________________, այդ թվում` շինարարական-մոնտաժային
աշխատանքների`_________________________________________________________________
Պետական ընդունող հանձնաժողովի որոշումը`
ընդունման ներկայացված__________________________________________________________
________________________________________________________________________________
________________________________________________________________________________
________________________________________________________________________________
Պետական հանձնաժողովի
նախագահ` ____________________________
(ա.ա.հ.)
____________________________
(ստորագրություն)
Պետական հանձնաժողովի
անդամներ` _____________________________
(հանձնաժողովի բոլոր անդամների
_____________________________
ստորագրությունները)
_____________________________