ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ПРАВИТЕЛЬСТВО НАГОРНО-КАРАБАХСКОЙ РЕСПУБЛИКИ

 

Ո Ր Ո Շ ՈՒ Մ

П О С Т А Н О В Л Е Н И Е

 

"04" ՕԳՈՍՏՈՍԻ 1998թ.

N 133

ք.Ստեփանակերտ

г.Степанакерт

 

Լեռնային Ղարաբաղի Հանրապետությունում շինարարության ավարտի ձևակերպման կարգը հաստատելու մասին

 

Լեռնային Ղարաբաղի Հանրապետության կառավարությունը որոշում է.

1. Հաստատել Լեռնային Ղարաբաղի Հանրապետությունում շինարարության ավարտի ձևակերպման կարգը (կցվում է):

2. Ուժը կորցրած ճանաչել ԼՂՀ կառավարության 1995 թվականի նոյեմբերի 21-ի «ԼՂՀ տարածքում ավարտված շինարարությամբ օբյեկտների` ընդունող հանձնաժողովների կողմից շահագործման ընդունելու կարգի մասին» թիվ 278 որոշումը:

 

 

ԼՂՀ վարչապետ

Ժ. ՊՈՂՈՍՅԱՆ

 

 

Հաստատված է ԼՂՀ կառավարության 1998թ. օգոստոսի 4-ի թիվ 133 որոշմամբ

 

ԿԱՐԳ

 

Լեռնային Ղարաբաղի Հանրապետությունում շինարարության ավարտի ձևակերպման

 

1. Ընդհանուր դրույթներ

 

1. Սույնով սահմանվում է Լեռնային Ղարաբաղի Հանրապետությունում իրականացվող շինարարության (շենքեր, շինություններ, դրանց վերակառուցում, վերականգնում, ամրացում, արդիականացում) ավարտի ձևակերպման կարգը:

2. Շինարարության ավարտը ձևակերպվում է շինարարության ավարտական ակտով:

3. Համալիրի կազմում ընդգրկված առանձին շենքերի և շինությունների (օբյեկտների) ավարտական ակտերը կառուցապատողի ցանկությամբ կարող են ձևակերպվել ըստ դրանց շինարարության ավարտի:

4. Կառուցապատողի ցանկությամբ ավարտական ակտը կարող է ձևակերպվել առանց նախագծով նախատեսված այնպիսի աշխատանքների իրականացման, որոնց համար չի պահանջվում շինարարության թույլտվություն:

5. Ավարտական ակտի ձևակերպման համար ներկայացված օբյեկտների, ինչպես նաև կատարողական փաստաթղթերի ձևերի նկատմամբ պահանջները որոշվում են հաստատված նախագծերին, ստանդարտներին, շինարարական նորմերին և կանոններին համապատասխան:

6. Կառուցապատողի կամ համայնքի ղեկավարի դիմումի համաձայն` համայնքի վարչական սահմաններում և դրանցից դուրս տարածքներում իրականացված շինարարության համար ավարտական ակտերը ձևակերպում տվյալ շրջանի վարչակազմի ղեկավարը, Ստեփանակերտ քաղաքում` Ստեփանակերտ քաղաքի վարչակազմի ղեկավարը:

7. Ավարտական ակտի ձևակերպման համար կառուցապատողից գանձվում է վճար` համաձայն «Տեղական տուրքերի և վճարների մասին» Լեռնային Ղարաբաղի Հանրապետության օրենքի:

 

2. Ավարտական ակտերի ձևակերպումը

 

8. Շինարարական աշխատանքների ավարտից հետո կառուցապատողը դիմում է իրավասու մարմնին ավարտական ակտի ձևակերպման համար:

9. Դիմումին կցվում են հետևյալ փաստաթղթերը.

ա) օբյեկտի շինարարության կատարողական փաստաթղթերը`

- աշխատանքային գծագրերը իրավասու սուբյեկտների նշումներով, որոնցում ամրագրվում է իրականացված շինարարության համապատասխանությունը այդ գծագրերին և սահմանված կարգով գծագրերում կատարված փոփոխություններին.

- շինարարության վարման ընդհանուր մատյանը.

- ծածկված աշխատանքների և փորձարկումների ակտերի պատճենները.

բ) ավարտական ակտերի ձևակերպման համար սահմանված վճարի մուծումը հավաստող անդորագիրը:

10. Իրավասու մարմինը ներկայացված փաստաթղթերի հիման վրա մեկամսյա ժամկետում ձևակերպում և կառուցողապատողին է տալիս սահմանված ձևի ավարտական ակտը (համաձայն սույն կարգի հավելվածի) կամ դիմումը մերժելու մասին գրավոր պատասխանում է դիմողին` նշելով մերժման շարժառիթները:

11. Կրկնակի դիմումի և իրավասու մարմնի առաջադրած պահանջները կառուցապատողի կողմից բավարարվելու դեպքում ավարտական ակտը ձևակերպվում և կառուցողապատողին է տրվում 15-օրյա ժամկետում:

12. Առանձին դեպքերում, պատվիրատուի (կառուցողապատողի) դիմումի համաձայն, հատուկ կարևորության օբյեկտների ընդունումը իրականացնում է ԼՂՀ կառավարության կողմից նշանակված հանձնաժողովը:

13. Ավարտական ակտի ձևակերպման վերաբերյալ վեճերը լուծվում են դատական կարգով:

14. Ավարտական ակտը կազմվում է 4 օրինակից, որոնցից մեկ օրինակը մնում է իրավասու մարմնի մոտ, մեկական օրինակ տրվում է կառուցողապատողին, կապալառուին և Լեռնային Ղարաբաղի Հանրապետության վիճակագրության, պետական ռեգիստրի և վերլուծության պետական վարչության համապատասխան տարածքային մարմնին:

15. Պետական ընդունող հանձնաժողովը, շրջանների, վարչակազմերի ղեկավարները և Ստեփանակերտ քաղաքի վարչակազմի ղեկավարը շինարարության ավարտական ակտը ձևակերպելուց հետո 10-օրյա ժամկետում այդ մասին ծանուցում են ԼՂՀ քաղաքաշինության նախարարությանը` ծանուցմանը կցելով ակտի պատճենը:

 

 

Հավելված   ԼՂՀ-ում շինարարության ավարտի ձևակերպման կարգի

 

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅՈՒՆ

 

ՇԻՆԱՐԱՐՈՒԹՅԱՆ ԱՎԱՐՏԱԿԱՆ

 

ԱԿՏ N___

 

Կառուցապատող_____________________________________________________________________

                                       (իրավաբանական անձի անվանումը, ֆիզ. անձի անունը, ազգանունը)

 

կողմից կառուցված___________________________________________________________________

                                                                              (օբյեկտի անվանումը)

 

որը գտնվում է_______________________________________________________________________

                                                                              (օբյեկտի հասցեն)

 

որի`

 

ա) նախագծային փաստաթղթերը մշակվել են N____        լիցենզիա ունեցող

___________________________________________________________________________ կողմից

  (նախագծային կազմակերպության անվանումը, անհատ ձեռներեցի անունը, ազգանունը)

 

բ) շինարարությունը սկսվել է____________________________________________________________

 

____________________________________________________________________________ կողմից

                                  (շինարարության թույլտվություն տված մարմինը)

 

տրված N______ առ «_____»_____________199 թ. շինարարության թույլտվության համաձայն

 

գ) շինարարությունն իրականացվել է N____________________ լիցենզիա ունեցող

 

________________________________________________________ գլխ. կապալառուի կողմից,

            (շինարարությունն իրականացնողի անվանումը)

 

դ) հեղինակային հսկողությունն իրականացվել է N________________ լիցենզիա ունեցող

 

______________________________________________________________________________ կողմից

              (հեղինակային հսկողություն իրականացնողի անունը, ազգանունը)

 

ե) տեխնիկական հսկողությունն իրականացվել է N ______________________ լիցենզիա ունեցող

 

____________________________________________________________________________________

                    (տեխնիկական հսկողություն իրականացնողի անունը, ազգանունը)

 

զ) ներկայացված են ծածկված աշխատանքներ ________________________ ակտերը

                                                                                    (ակտերի քանակը)

 

է) ներկայացված են փորձարկումների ___________________________ ակտերը

                                                                                (ակտերի քանակը)

 

ը) շինարարության վարման ընդհանուր մատյանը (___________ էջ)

 

թ) օբյեկտի հիմնական ցուցանիշներն են`

 

_____________________________________________________________________________________

 

_____________________________________________________________________________________

 

_____________________________________________________________________________________

 

_____________________________________________________________________________________

 

_____________________________________________________________________________________

 

_____________________________________________________________________________________

 

Օբյեկտի շինարարությունն իրականացվել է նախագծային փաստաթղթերին համապատասխան և նորմատիվ պահանջները բավարարող որակով:

 

_____________________________________________________________________________________

                                       (օբյեկտի հասցեն և անվանումը)

 

ՇԻՆԱՐԱՐՈՒԹՅՈՒՆԸ ՀԱՄԱՐՎՈՒՄ Է ԱՎԱՐՏՎԱԾ

 

Սույն ակտը կազմված է 4 օրինակից, որոնցից մեկական օրինակ տրամադրվում են

 

ա) կառուցապատող______________________________________________________________________

 

բ) գլխավոր կապալառու__________________________________________________________________

 

գ) ____________________________________________________________________________________

                                                    (ավարտական ակտը ձևակերպող մարմինը)

 

դ) ___________________________________________________________________________________

        (վիճակագրության, պետական ռեգիստրի և վերլուծության պետական վարչության տարածքային մարմինը)

 

_____________________________________________________________________________________

         (շրջանի վարչակազմի ղեկավար, Ստեփանակերտ քաղաքի վարչակազմի ղեկավար)

 

__________________ (ստորագրություն)	____________________ (անունը, ազգանունը)
«_____»____________ 199 թ.
	(քաղաք, շրջկենտրոն)______________

 

Կ.Տ.

 

 

ԼՂՀ կառավարության աշխատակազմի ղեկավար

Գ. ՂԱԶԱՐՅԱՆ