ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ПРАВИТЕЛЬСТВО НАГОРНО-КАРАБАХСКОЙ РЕСПУБЛИКИ

 

Ո Ր Ո Շ ՈՒ Մ

П О С Т А Н О В Л Е Н И Е

 

"23" ԴԵԿՏԵՄԲԵՐԻ 1997թ.

N 203

ք.Ստեփանակերտ

г.Степанакерт

 

Լեռնային Ղարաբաղի Հանրապետությունում ծնելիության և բազմազավակության խթանման միջոցառման մասին

 

ԼՂՀ-ում ծնելիությունը և բազմազավակությունը խթանելու, բնակչության թվաքանակի աճին նպաստելու, աճող սերնդի նյութական ապահովությունն ու դաստիարակությունը բարելավելու և բազմազավակ ընտանիքների բարեկեցությունը բարձրացնելու նպատակով Լեռնային Ղարաբաղի Հանրապետության կառավարությունը որոշում է.

1. Հաստատել ԼՂՀ-ում ծնելիության և բազմազավակության խթանման ծրագիրը (կցվում է):

2. Սահմանել, որ սկսած 1998թ. հունվարի 1-ից ԼՂՀ ընտանիքներում ծնված յուրաքանչյուր 4-րդ և հաջորդ երեխայի անվամբ ԼՂՀ ազգային բանկ «Արցախբանկ»-ում բացվում է նպատակային ժամկետային ավանդ` 1000 ԱՄՆ դոլարի չափով, մինչև նրա 18 տարին լրանալը:

3. Սահմանել, որ նպատակային ժամկետային ավանդները ձևակերպում են ԼՂՀ սոցիալական ապահովության նախարարության շրջանային (տարածքային) կենտրոնները:

4. ԼՂՀ էկոնոմիկայի և ֆինանսների նախարարությանը` բարերարների կողմից հատկացված միջոցները պահել հատուկ արտաբյուջետային հաշվում և երեխայի անվամբ բացված նպատակային ժամկետային հաշիվ փոխանցել ԼՂՀ սոցիալական ապահովության նախարարության ներկայացրած հայտի հիման վրա:

Սույն որոշման կատարման վերահսկողությունը դնել ԼՂՀ սոցիալական ապահովության նախարարության վրա:

6. Սույն որոշումը ուժի մեջ է մտնում 1998թ. հունվարի 1-ից:

 

 

ԼՂՀ վարչապետ

Լ. ՊԵՏՐՈՍՅԱՆ

 

 

Հաստատված է ԼՂՀ կառավարության 1997թ. դեկտեմբերի 23-ի թիվ 203 որոշմամբ

 

Ծ Ր Ա Գ Ի Ր

 

ԼՂՀ-ում ծնելիության և բազմազավակության խթանման

 

Սույն ծրագիրը մշակվել է Լեռնային Ղարաբաղի Հանրապետությունում ծնելիությունը և բազմազավակությունը խթանելու բնակչության թվաքանակի աճին նպաստելու, աճող սերնդի նյութական ապահովվածությունն ու դաստիարակությունը բարելավելու և բազմազավակ ընտանիքների բարեկեցությունը բարձրացնելու նպատակով և նախատեսվում է ԼՂՀ ընտանիքներում ծնված յուրաքանչյուր չորրորդ և հաջորդ երեխայի անվամբ ԼՂՀ «Արցախբանկ»-ում բացել հատուկ նպատակային ժամկետային ավանդ` յուրաքանչյուր երեխայի հաշվարկով 1000 (հազար) ԱՄՆ դոլարի չափով, մինչև 18 տարին լրանալը:

ԼՂՀ-ում ծնելիության խթանման և բազմազավակության ծրագիրը իրականացվում է բարերարների տրամադրած միջոցների հաշվին:

Ծրագիրը ուժի մեջ է մտնում 1998թ. հունվարի 1-ից:

 

Ընդհանուր դրույթներ

 

1. Նպատակային ժամկետային ավանդը տրվում է ԼՂՀ-ում բնակվող ընտանիքներում յուրաքանչյուր 4-րդ և հաջորդ երեխայի ծնվելու կապակցությամբ:

2. Նպատակային ժամկետային ավանդները ձևակերպվում են ԼՂՀ սոցիալական ապահովության նախարարության շրջանային (տարածքային) կենտրոնների կողմից:

3. Նպատակային ժամկետային ավանդների միջոցները գոյանում են բարերարների տրամադրած միջոցներից, որոնք պահվում են ԼՂՀ էկոնոմիկայի և ֆինանսների նախարարության հատուկ արտաբյուջետային հաշվում:

4. Բարերարների կողմից սույն ծրագրի իրականացման համար անհրաժեշտ միջոցներ չտրամադրվելու դեպքում Լեռնային Ղարաբաղի Հանրապետության կառավարությունը 5 տարի ժամկետով կշարունակի ծրագրի իրականացումը մարդասիրական օգնությունների գծով մուտք գործող միջոցների հաշվին:

5. Ավանդի հասանելիք եկամուտները (տոկոսները) եկամտահարկով հարկման ենթակա չեն:

 

Նպատակային ժամկետային ավանդների հաշիվների բացումը, ավանդի եկամուտների հաշվարկումը և վճարումը

 

6. Նպատակային ժամկետային ավանդի հաշիվների բացման համար ԼՂՀ սոցիալական ապահովության նախարարության շրջանային (տարածքային) կենտրոններ են ներկայացնում հետևյալ փաստաթղթերը.

- 4-րդ կամ հաջորդ երեխաների ծնունդը հաշվառելու դիմում.

- տեղեկանք բնակության վայրից և ընտանիքի կազմի մասին.

- նորածնի ծննդյան վկայականի պատճենը.

- խնամակալությունը հաստատող փաստաթղթերի պատճենները:

7. ԼՂՀ սոցիալական ապահովության նախարարության շրջանային (տարածքային) կենտրոնները երեխայի ծնողի կամ խնամակալի հետ կնքում են պայմանագիր` ավանդի տրման և վճարման մասին (պայմանագրի ձևը կցվում է):

8. Պայմանագրի կնքումից հետո ԼՂՀ սոցիալական ապահովության նախարարության շրջանային (տարածքային) կենտրոնների տնօրենները ԼՂՀ «Արցախբանկի» շրջանային բաժանմունքներին ներկայացնում են համապատասխան փաստաթուղթ (նամակ), որտեղ նշվում է երեխայի անունը, ազգանունը, հայրանունը, ծննդյան վայրը, հասցեն, ծննդյան վկայականի համարը և սերիան: ԼՂՀ «Արցախբանկ»-ի շրջանային բաժանմունքները համապատասխան փաստաթուղթը (նամակը) ստանալուց հետո տվյալ բաժանմունքում բացում են ժամկետային ավանդային հաշիվ:

9. ԼՂՀ սոցիալական ապահովության նախարարության շրջանային (տարածքային) կենտրոնները նախարարություն են ներկայացնում տեղեկություններ ծնված երեխայի ու բացված նպատակային հաշվի, ինչպես նաև նրա ծնողների կամ խնամակալի մասին:

10. ԼՂՀ սոցիալական ապահովության նախարարության ներկայացրած հայտերի հիման վրա ԼՂՀ էկոնոմիկայի և ֆինանսների նախարարությունը 5 օրվա ընթացքում ԼՂՀ «Արցախբանկ»-ում և նրա բաժանմունքներում բացված ժամկետային ավանդային հաշիվներն է փոխանցում յուրաքանչյուր երեխայի հաշվով` 1000 ԱՄՆ դոլար:

11. Ժամկետային ավանդի հասանելիք եկամուտները (տոկոսները) հաշվարկվում են ամեն ամիս և թույլատրվում է ստանալ երեխայի ծնողի կամ խնամակալի կողմից` մինչև 18 տարին լրանալը, անձը հաստատող համապատասխան փաստաթղթի դեպքում:

12. Ավանդի տոկոսների դիմաց հաշվարկված եկամուտների (տոկոսների) վճարումը կատարվում է դրամով, ԼՂՀ «Արցախբանկի», ինչպես նաև նրա շրջանային բաժանմունքների կողմից` վճարման օրվա պահին ԼՂՀ «Արցախբանկի» կողմից սահմանված դրամի նկատմամբ ԱՄՆ դոլարի փոխարժեքով:

13. Երեխայի 18 տարին լրանալուց հետո դադարեցվում է նպատակային ավանդի դիմաց եկամուտների (տոկոսների) հաշվարկումն ու վճարումը և ավանդը տեղափոխվում է նոր խնայգրքույկ:

14. Ավանդը թույլատրվում է ստանալ երեխայի 18 տարին լրանալուց հետո` միայն ԼՂՀ-ում նրա մշտական բնակության պայմանով:

15. Վերահսկողության նպատակով յուրաքանչյուր տարվա հունվարի 1-ի դրությամբ ավանդատիրոջ ծնողի կամ խնամակալի կողմից ԼՂՀ «Արցախբանկին» կամ նրա շրջանային բաժանմունքներին ներկայացվում է տեղեկանք` ավանդատիրոջ գտնվելու վայրի մասին:

16. Ավանդատիրոջ մահվան դեպքում ավանդը տրամադրվում է մահացածի ծնողներին կամ խնամակալին:

 

Ավանդի դադարեցումը

 

17. Ավանդը դադարեցվում է.

ա) ավանդատիրոջ` մինչև 18 տարին լրանալը ԼՂՀ սահմաններից դուրս տեղափոխվելու դեպքում,

բ) ավանդատիրոջ կողմից ավանդի պայմանների խախտման դեպքում:

18. Նշված հիմքերից մեկի առկայության դեպքում ԼՂՀ «Արցախբանկը» և նրա բաժանմունքները դադարեցնում են ավանդի դիմաց եկամուտների (տոկոսների) հաշվարկումն ու վճարումը, փակում նպատակային ժամկետային հաշիվը և ավանդը փոխանցում ԼՂՀ էկոնոմիկայի և ֆինանսների նախարարության համապատասխան հաշիվը, որի մասին տեղեկացնում են ԼՂՀ սոցիալական ապահովության նախարարության շրջանային (տարածքային) կենտրոններին և ԼՂՀ էկոնոմիկայի և ֆինանսների նախարարությանը:

 

Պ Ա Յ Մ Ա Ն Ա Գ Ի Ր

 

ԼՂՀ սոցապահովության նախարարության ______________________________________________

                                                                                                          շրջանային, տարածքային

 

կենտրոնի տնօրեն________________________________________________________ մի կողմից,

                                                                        անունը, հայրանունը, ազգանունը

 

մյուս կողմից քաղաքացի ___________________________________________________________

                                                                        ծնողի կամ խնամակալի անունը, հայրանունը,

 

________________________________________________________________________________

                                                                        ազգանունը, բնակության վայրը

 

կազմեցինք սույն պայմանագիրը հետևյալի մասին

 

_________________________________________________________________________________

                                                ծնողի կամ խնամակալի անունը, հայրանունը, ազգանունը

 

պարտավորվում է ապահովել ________________________________________________________

                                                                                             չորրորդ կամ հաջորդ

 

_________________________________________________________________________________

                              երեխայի անունը, հայրանունը, ազգանունը, ծննդյան թիվը, վայրը (քաղաք,

 

_________________________________________________________________________________

                                               շրջան, գյուղ) ծննդյան վկայականի սերիան, համարը և ում

 

_________________________________________________________________________________

                                                                       կողմից է տրված

 

մշտական բնակությունը ԼՂՀ տարածքում մինչև 18 տարեկանը լրանալը և կատարել ծնողական կամ խնամակալի պարտականությունները:

 

ԼՂՀ սոցապահովության նախարարության ______________________________________________

                                                                                                          շրջանային (տարածքային)

 

կենտրոնը ի դեմս տնօրեն___________________________________________________________

                                                                        անունը, հայրանունը, ազգանունը

 

պարտավորվում է ԼՂՀ «Արցախբանկի» համապատասխան բաժանմունքում 1000 (հազար) ԱՄՆ դոլար գումարի չափով նպատակային ժամկետային ավանդային հաշիվ բացել:

 

ԼՂՀ սոցապահովության նախարարության ____________________ շրջանային

տարածքային կենտրոնի տնօրեն               

                                                               Կ.Տ.   ___________________ _________________________

                                                                             ստորագրությունը           անունը, ազգանունը

 

Ավանդատիրոջ ծնողի կամ խնամակալի      ___________________ _________________________

                                                                             ստորագրությունը           անունը, ազգանունը