ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2006 թվականի հունիսի 27-ի «Գործազրկության նպաստի վճարման կարգը հաստատելու մասին» թիվ 335 որոշման 1-ին կետով հաստատված կարգում կատարել հետևյալ փոփոխությունները`

1) 2-րդ կետում «պարտադիր սոցիալական ապահովագրության» բառերը փոխարինել «պետական» բառով.

2) 3-րդ կետը շարադրել հետևյալ խմբագրությամբ`

«3. Գործազրկության նպաստի վճարումն իրականացվում է վճարման ծառայություններ մատուցող կազմակերպության (այսուհետ` կազմակերպություն) կողմից: Նպաստ վճարելու ծառայությունների ծախսերը կատարվում են պետական բյուջեում այդ նպատակով նախատեսված միջոցներից:».

3) 5-րդ և 6-րդ կետերում «ամսվա 5-ը» բառերը փոխարինել «ամսվա 3-ը» բառերով.

4) 7-րդ կետից հանել «5 աշխատանքային օրվա ընթացքում» բառերը և «սոցիալական ապահովագրության պետական հիմնադրամ (այսուհետ` հիմնադրամ)» բառերը փոխարինել «ֆինանսների նախարարություն» բառերով.

5) 8-րդ կետը շարադրել հետևյալ խմբագրությամբ`

«8. Լեռնային Ղարաբաղի Հանրապետության ֆինանսների նախարարությունը հայտ-պահանջագիրը ստանալուց հետո տեղական գանձապետական բաժնում նախարարության անվամբ բացված բյուջետային միջոցների գանձապետական հաշվին է փոխանցում գործազրկության նպաստի և ծառայության դիմաց վճարվող գումարը:».

6) 9-րդ կետում «բանկային» բառը փոխարինել «գանձապետական» բառով, իսկ «3» թիվը` «2» թվով.

7) 10-րդ կետում «գումարն ստանալու օրվանից հետո 15 աշխատանքային օրվա ընթացքում» բառերը փոխարինել «գումարն ստանալուց հետո» բառերով.

8) 11-րդ կետը շարադրել հետևյալ խմբագրությամբ`

«11. Կազմակերպության մասնաճյուղը սույն կարգի 10-րդ կետում նշված կարգով գործազրկության նպաստը վճարելուց հետո տարածքային մարմնի լիազոր ներկայացուցչի հետ միասին կազմում է գործազրկության նպաստի վճարման մասին փոխադարձ հաշվետվության ակտ և յուրաքանչյուր ամսվա վճարման ցուցակի մեկ օրինակը` գործազրկության նպաստ վճարելու մասին նշումներով, մինչև տվյալ ամսվա 25-ը վերադարձնում է տարածքային մարմին:».

9) 12-րդ, 13-րդ և 14-րդ կետերն ուժը կորցրած ճանաչել.

10) 17-րդ կետում «հիմնադրամին» բառը փոխարինել «Լեռնային Ղարաբաղի Հանրապետության ֆինանսների նախարարությանը» բառերով:

2. Սույն որոշման գործողությունը տարածվում է 2009 թվականի հունվարի 1-ից հետո ծագած հարաբերությունների վրա: