ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2006 թվականի հոկտեմբերի 31-ի «Գործազուրկների, աշխատաշուկայում անմրցունակ խմբերի և երկարամյա ծառայության ու արտոնյալ պայմաններով կենսաթոշակ ստացող աշխատանք փնտրող զբաղված անձանց մասնագիտական ուսուցման կազմակերպման կարգը հաստատելու մասին» թիվ 538 որոշման 1-ին կետով հաստատված կարգում կատարել հետևյալ փոփոխությունները`

1) 5-րդ կետը շարադրել հետևյալ խմբագրությամբ.

«5. Մասնագիտական ուսուցումը ֆինանսավորվում է`

ա) Լեռնային Ղարաբաղի Հանրապետության պետական բյուջեի միջոցների հաշվին,

բ) միջազգային և այլ կազմակերպությունների միջոցների հաշվին:».

2) 6-րդ կետի «ա» ենթակետի «ա» և «բ» ենթակետերում նշված դեպքերում» բառերը փոխարինել «ա» ենթակետում նշված դեպքում» բառերով, իսկ «բ» ենթակետի «գ» ենթակետում» բառերը` «բ» ենթակետում» բառերով.

3) 7-րդ կետի «գործակալության» բառը փոխարինել «կենտրոնի» բառով.

4) 9-րդ կետի «ա» և «բ» ենթակետերում» բառերը փոխարինել «ա» ենթակետում» բառերով.

5) II գլխի վերնագիրը շարադրել հետևյալ խմբագրությամբ.

«II. ՄԱՍՆԱԳԻՏԱԿԱՆ ՈՒՍՈՒՑՄԱՆ ԿԱԶՄԱԿԵՐՊՈՒՄԸ ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵԻ ՄԻՋՈՑՆԵՐԻ ՀԱՇՎԻՆ».

6) 20-րդ կետից հանել «ըստ ֆինանսավորման աղբյուրների» բառերը, իսկ «Լեռնային Ղարաբաղի Հանրապետության սոցիալական ապահովագրության պետական հիմնադրամ (այսուհետ` հիմնադրամ)» բառերը փոխարինել «Լեռնային Ղարաբաղի Հանրապետության ֆինանսների նախարարություն» բառերով.

7) 21-րդ կետը շարադրել հետևյալ խմբագրությամբ`

 «21. Լեռնային Ղարաբաղի Հանրապետության ֆինանսների նախարարությունը հայտ-պահանջագիրը ստանալուց հետո տեղական գանձապետական բաժնում նախարարության անվամբ բացված բյուջետային միջոցների գանձապետական հաշվին է փոխանցում մասնագիտական ուսուցման ծառայության ձեռքբերման դիմաց վճարվող գումարը:

Մասնագիտական ուսուցման ծառայության ձեռքբերման դիմաց վճարման ենթակա գանձապետական հաշվին փոխանցված գումարը պայմանագրով նախատեսված ժամկետներում փոխանցվում է մասնագիտական ուսուցում իրականացրած կազմակերպության բանկային հաշվին:»:

2. Սույն որոշման գործողությունը տարածվում է 2009 թվականի հունվարի 1-ից հետո ծագած հարաբերությունների վրա: