ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ПРАВИТЕЛЬСТВО НАГОРНО-КАРАБАХСКОЙ РЕСПУБЛИКИ

Ո Ր Ո Շ ՈՒ Մ

П О С Т А Н О В Л Е Н И Е

 ք.Ստեփանակերտ

г.Степанакерт

ԼՂՀ սոցիալական ապահովության նախարարության կանոնադրությունում և համակարգի կառուցվածքում փոփոխություն մտցնելու մասին

Ի կատարումն Լեռնային Ղարաբաղի Հանրապետության կառավարության 1997 թ. դեկտեմբերի 16-ի թիվ 189 «ԼՂՀ կենսաթոշակային և զբաղվածության հիմնադրամի գործունեության բարելավման միջոցառումների մասին» որոշման 7 կետի, Լեռնային Ղարաբաղի Հանրապետության կառավարությունը որոշում է.

1. Լեռնային Ղարաբաղի Հանրապետության կառավարության 1997 թ. փետրվարի 25-ի «ԼՂՀ սոցիալական ապահովության նախարարության կանոնադրության, կենտրոնական աշխատակազմի և համակարգի կառուցվածքի հաստատման մասին» թիվ 27 որոշմամբ հաստատված կանոնադրության 11-րդ կետը շարադրել հետևյալ խմբագրությամբ.

«Օրենսդրությամբ սահմանված կարգով սոցիալական ապահովության շրջանային (քաղաքային) կենտրոնների կողմից պետական նպաստների նշանակման ու վճարման աշխատանքների կազմակերպումը և դրանց նկատմամբ վերահսկողության իրականացումը:»:

2. ԼՂՀ սոցիալական ապահովության նախարարության համակարգի կառուցվածքի 5-րդ կետը շարադրել հետևյալ խմբագրությամբ.

«Սոցիալական ապահովության Ստեփանակերտի քաղաքային կենտրոն»:

3. ԼՂՀ սոցիալական ապահովության համակարգի կառուցվածքը լրացնել 10-րդ կետով:

«10. Սոցիալական ապահովության Շուշիի շրջանային կենտրոն»: