ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

 ք. Ստեփանակերտ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2008 ԹՎԱԿԱՆԻ ԱՊՐԻԼԻ 15-Ի ԹԻՎ 284 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Լեռնային Ղարաբաղի Հանրապետության կառավարությունը որոշում է.

1. Լեռնային Ղարաբաղի Հանրապետության կառավարության 2008 թվականի ապրիլի 15-ի «Ժողովրդական» պատվավոր կոչման արժանացած անձանց ամենամսյա պատվովճարի նշանակման և վճարման կարգն ու չափը սահմանելու մասին» թիվ 284 որոշման մեջ կատարել հետևյալ փոփոխությունները՝

որոշման հավելվածի՝

1) 4-րդ կետի առաջին պարբերության առաջին նախադասությունում «Լեռնային Ղարաբաղի Հանրապետության սոցիալական ապահովագրության պետական հիմնադրամը՝ իր տարածքային կենտրոնների միջոցով (այսուհետ՝ տարածքային կենտրոններ)» բառերը փոխարինել «Լեռնային Ղարաբաղի Հանրապետության սոցիալական ապահովության նախարարության «Սոցիալական ապահովության ծառայություն» գործակալությունը՝ իր տարածքային բաժինների (այսուհետ՝ տարածքային բաժին) միջոցով» բառերով.

2) 4-րդ կետի առաջին պարբերության երկրորդ և երրորդ նախադասություններում, 5-րդ կետի առաջին և երկրորդ պարբերություններում, 8-րդ կետում, 9-րդ կետի առաջին, երկրորդ և երրորդ պարբերություններում, 10-րդ կետի առաջին պարբերությունում և 12-րդ կետում «տարածքային կենտրոն» բառերը և դրանց համապատասխան հոլովաձևերը փոխարինել «տարածքային բաժին» բառերով և դրանց համապատասխան հոլովաձևերով.

3) 4-րդ կետի երրորդ պարբերությունում «Լեռնային Ղարաբաղի Հանրապետության սոցիալական ապահովագրության պետական հիմնադրամ» բառերը փոխարինել «Լեռնային Ղարաբաղի Հանրապետության սոցիալական ապահովության նախարարություն» բառերով:

2. Սույն որոշումն ուժի մեջ է մտնում 2009 թվականի հունվարի 1-ից: