ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ПРАВИТЕЛЬСТВО НАГОРНО-КАРАБАХСКОЙ РЕСПУБЛИКИ

Ո Ր Ո Շ ՈՒ Մ

П О С Т А Н О В Л Е Н И Е

 ք.Ստեփանակերտ

г.Степанакерт

Լեռնային Ղարաբաղի Հանրապետության պետական բարձրագույն և միջնակարգ մասնագիտական ուսումնական հաստատությունների պետական պատվերով սովորող ուսանողների և սովորողների, ասպիրանտների սոցիալական վիճակի բարելավման նպատակով ԼՂՀ կառավարությունը որոշում է.

1. Սահմանել պետական բարձրագույն ուսումնական հաստատությունների պետական պատվերով սովորող ուսանողների կրթաթոշակի չափը` 3520 դրամ, իսկ ավարտական կուրսերի ուսանողների համար` 3660 դրամ, միջնակարգ մասնագիտական ուսումնական հաստատությունների սովորողների կրթաթոշակի չափը` 3350 դրամ:

Պետական բարձրագույն ուսումնական հաստատությունների քննաշրջանի արդյունքով միայն ‹‹գերազանց›› գնահատականներ ունեցող պետական պատվերով սովորող ուսանողների կրթաթոշակի չափը սահմանել 3660 դրամ, իսկ ավարտական կուրսերի ուսանողների համար` 3820 դրամ:

2. Անկախ գերատեսչական համակարգից, սահմանել պետական պատվերով սովորող ասպիրանտների կրթաթոշակի չափը` 4480 դրամ:

3. Պետական բարձրագույն և միջնակարգ մասնագիտական ուսումնական հաստատությունների բժշկական ցուցումով ակադեմիական արձակուրդում գտնվող պետական պատվերով սովորողներին ուսումնական հաստատությունների հաշվին վճարել ամսական 1100 դրամի չափով նպաստ:

4. Ուժը կորցրած ճանաչել Լեռնային Ղարաբաղի Հանրապետության կառավարության 1997 թվականի փետրվարի 25-ի ‹‹ԼՂՀ պետական բարձրագույն և միջնակարգ մասնագիտական ուսումնական հաստատությունների պետական պատվերով սովորող ուսանողների և ասպիրանտների կրթաթոշակների չափը սահմանելու մասին›› N 30 որոշումը:

5. Սույն որոշումն ուժի մեջ է մտնում 1998 թվականի հունվարի 1-ից: