ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ПРАВИТЕЛЬСТВО НАГОРНО-КАРАБАХСКОЙ РЕСПУБЛИКИ
Ո Ր Ո Շ ՈՒ Մ
П О С Т А Н О В Л Е Н И Е
|
"11" օգոստոսի 1998թ. |
N 142 |
ք.Ստեփանակերտ
г.Степанакерт
Լեռնային Ղարաբաղի Հանրապետության պետական բարձրագույն և միջնակարգ մասնագիտական ուսումնական հաստատությունների (այդ թվում` քոլեջի) պետական պատվերով սովորող ուսանողների և ասպիրանտների կրթաթոշակների չափը սահմանելու մասին
Լեռնային Ղարաբաղի Հանրապետության պետական բարձրագույն և միջնակարգ մասնագիտական ուսումնական հաստատությունների (այդ թվում` քոլեջի)` պետական պատվերով սովորող ուսանողների և ասպիրանտների սոցիալական վիճակի բարելավման նպատակով Լեռնային Ղարաբաղի Հանրապետության կառավարությունը որոշում է.
1. 1998 թ. հուլիսի 1-ից սահմանել`
ա) Արցախի պետական համալսարանի` պետական պատվերով սովորող ուսանողների կրթաթոշակի չափը` 4160 դրամ, իսկ ավարտական կուրսերի ուսանողներինը` 4330 դրամ, միջնակարգ մասնագիտական ուսումնական հաստատությունների (այդ թվում` քոլեջի) սովորողների կրթաթոշակի չափը` 3970 դրամ:
Արցախի պետական համալսարանի քննաշրջանի արդյունքով միայն ,,գերազանց,, գնահատականներ ունեցող` պետական պատվերով սովորող ուսանողների կրթաթոշակը սահմանել 4330 դրամ, իսկ ավարտական կուրսերի ուսանողներինը` 4510 դրամ.
բ) պետական պատվերով սովորող ասպիրանտների կրթաթոշակի չափը` 5290 դրամ.
գ) Արցախի պետական համալսարանի և միջնակարգ մասնագիտական ուսումնական հաստատությունների (այդ թվում` քոլեջի)` բժշկական ցուցումով ակադեմիական արձակուրդում գտնվող` պետական պատվերով սովորող ուսանողներին և սովորողներին ուսումնական հաստատությունների հաշվին վճարվող ամսական նպաստի չափը` 1300 դրամ:
2. ՈՒժը կորցրած ճանաչել Լեռնային Ղարաբաղի Հանրապետության կառավարության 1997 թ. փետրվարի 25-ի ,,Լեռնային Ղարաբաղի Հանրապետության պետական բարձրագույն և միջնակարգ մասնագիտական ուսումնական հաստատությունների պետական պատվերով սովորող ուսանողների և ասպիրանտների կրթաթոշակների չափը սահմանելու մասին,, թիվ 30 որոշումը: