ք.Ստեփանակերտ

Ղեկավարվելով «Պետական կառավարչական հիմնարկների մասին» Լեռնային Ղարաբաղի Հանրապետության օրենքի 11-րդ և «Քաղաքացիական ծառայության մասին» Լեռնային Ղարաբաղի Հանրապետության օրենքի 29-րդ հոդվածներով` Լեռնային Ղարաբաղի Հանրապետության կառավարությունը որոշում է.

1. Միացման ձևով վերակազմակերպել Լեռնային Ղարաբաղի Հանրապետության կառավարության աշխատակազմի «ԼՂՀ վարչապետի վերահսկողական ծառայություն» և «Իրավաբանական վարչություն» կառուցվածքային ստորաբաժանումները և այդ կապակցությամբ Լեռնային Ղարաբաղի Հանրապետության կառավարության 2003 թվականի օգոստոսի 26-ի «Լեռնային Ղարաբաղի Հանրապետության կառավարության աշխատակազմ» պետական կառավարչական հիմնարկ ստեղծելու մասին» թիվ 243 որոշման թիվ 2 հավելվածը շարադրել նոր խմբագրությամբ` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Կ Ա Ռ ՈՒ Ց Վ Ա Ծ Ք

1. Իրավաբանական և վերահսկողական վարչություն

1) Ազգային ժողովի հետ կապերի բաժին

2) Պետաիրավական բաժին

3) ԼՂՀ կառավարության և ԼՂՀ վարչապետի որոշումների կատարման ընթացիկ վերահսկողության և կառավարության ծրագրերի իրականացման վերահսկողության բաժին

4) ԼՂՀ վարչապետի հանձնարարականների և քաղաքացիների դիմում-բողոքների կատարման վերահսկողության բաժին

2. Տարածքային կառավարման և տեղական ինքնակառավարման վարչություն

1) Տարածքային կառավարման բաժին

2) Տեղական ինքնակառավարման բաժին

3. Տեղեկատվության և հասարակայնության հետ կապերի վարչություն

1) Մամուլի բաժին

2) Կայքի թողարկման բաժին

4. Գործերի կառավարչություն

5. Ազգային փոքրամասնությունների և կրոնի հարցերի բաժին

6. Անձնակազմի կառավարման բաժին

7. Արձանագրային բաժին

8. Առաջին բաժին

9. Համակարգչային բաժին

10. Քարտուղարություն

11. Ֆինանսական և հաշվապահական հաշվառման բաժին»: