ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 Ո Ր Ո Շ ՈՒ Մ

  ք.Ստեփանակերտ

 «Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածի 5-րդ մասին համապատասխան` Լեռնային Ղարաբաղի Հանրապետության կառավարությունը  ո ր ո շ ու մ է.

 1. Լեռնային Ղարաբաղի Հանրապետության կառավարության 2008 թվականի հունիսի 20-ի «Լեռնային Ղարաբաղի Հանրապետությունում տրանսպորտային միջոցների պարտադիր տեխնիկական զննության փաստաթղթին (կտրոնին) ներկայացվող պահանջները և շրջանառության կարգը հաստատելու մասին» թիվ 452 որոշման մեջ կատարել հետևյալ փոփոխությունները և լրացումները՝

 1) որոշումը լրացնել թ.թ. 2 և 3 հավելվածներով` համաձայն թ.թ. 1 և 2 հավելվածների.

 2) որոշման 1-ին կետը շարադրել հետևյալ խմբագրությամբ.

«1. Հաստատել`

1) Լեռնային Ղարաբաղի Հանրապետությունում տրանuպորտային միջոցների պարտադիր տեխնիկական զննության փաuտաթղթին (կտրոնին) ներկայացվող պահանջները և շրջանառության կարգը` համաձայն թիվ 1 հավելվածի.

2) տեխնիկական զննության կտրոնի դիմային կողմի գծապատկերը` համաձայն թիվ 2 հավելվածի.

3) տեխնիկական զննության կտրոնի հակառակ կողմի գծապատկերը` համաձայն թիվ 3 հավելվածի».

3) որոշման հավելվածում`

ա. «Լեռնային Ղարաբաղի Հանրապետության տնտեսական զարգացման նախարար» բառերը բոլոր հոլովաձևերով փոխարինել «Լեռնային Ղարաբաղի Հանրապետության կառավարությանն առընթեր արտադրական ենթակառուցվածքների վարչության պետ» բառերով՝ համապատասխան հոլովաձևերով,

բ. «Լեռնային Ղարաբաղի Հանրապետության տնտեսական զարգացման նախարարություն» բառերը բոլոր հոլովաձևերով փոխարինել «Լեռնային Ղարաբաղի Հանրապետության կառավարությանն առընթեր արտադրական ենթակառուցվածքների վարչություն» բառերով՝ համապատասխան հոլովաձևերով,

գ. «նախարարություն» բառը բոլոր հոլովաձևերով փոխարինել «վարչություն» բառով` համապատասխան հոլովաձևերով,

դ. «Հավելված» բառը փոխարինել «Հավելված թիվ 1» բառերով,

ե. 7-րդ և 8-րդ կետերը շարադրել հետևյալ խմբագրությամբ.

«7. Տեխնիկական զննության կտրոնի դիմային կողմը պարունակում է հետևյալ տեղեկատվությունը`

1) տպագրական եղանակով կատարված տեքստերը`

ա. «ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅՈՒՆ», «ՏԵԽՆԻԿԱԿԱՆ ԶՆՆՈՒԹՅԱՆ ԿՏՐՈՆ»,

բ. տրանսպորտային միջոցի հաջորդ տեխնիկական զննություն անցկացնելու տարեթիվը` 20 մմ բարձրությամբ թվերով և քառակուսի վանդակ` հաջորդ տեխնիկական զննություն անցկացնելու ամիսը նշելու համար,

գ. տեխնիկական զննության կտրոնի հերթական համարը նշող վեցանիշ թիվ.

Տեխնիկական զննության կայանի ծածկագիրն է` 0100,

2) թեթև մարդատար ավտոմոբիլի ուրվանկարը:

8. Տեխնիկական զննության կտրոնի հակառակ կողմը պարունակում է հետևյալ տեղեկատվությունը`

1) տպագրական եղանակով կատարված հետևյալ գրառումները` տեխնիկական զննության կտրոնի հերթական համարը նշող վեցանիշ թիվը, «Մակնիշը», «Համարանիշը», «Թողարկման տարեթիվը», «Թափքը», «Շարժիչը», «Հենասարքը», «Գույնը», «Նույնականացման (VIN) համարը», «Տեխնիկական զննության կայանի ծածկագիրը», «Հատուկ նշումներ», «Հսկիչ», «Տալու ամսաթիվը` _20 թ.» և « Կ.Տ.».

2) 1-ին ենթակետում նշված տվյալների լրացման համար անհրաժեշտ նշագծված տարածություն:».

զ. 14-րդ կետը և տեխնիկական զննության կտրոնի գծապատկերն ուժը կորցրած ճանաչել,

է. 19-րդ կետից հանել «սերիաների և» բառերը,

ը. 21-րդ կետում «հրաման» բառը փոխարինել «հանձնարարական» բառով,

թ. 22-րդ կետում «հրամանի» բառը փոխարինել «հանձնարարականի» բառով,

ժ. 32-րդ կետը շարադրել հետևյալ խմբագրությամբ.

«32. Տվյալ տարվա համար նախատեսված չօգտագործված կտրոնները մինչև հաջորդ տարվա հունվարի 10-ը համապատասխան ընդունման -հանձնման ակտով վերադարձվում են վարչություն»:

ժա. Ուժը կորցրած ճանաչել Լեռնային Ղարաբաղի Հանրապետությունում ավտոտրանսպորտային միջոցների պարտադիր տեխնիկական զննություն իրականացնող տեխնիկական զննության կայանների ծածկագրերի ցանկը:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

ԳԾԱՊԱՏԿԵՐ

ՏԵԽՆԻԿԱԿԱՆ ԶՆՆՈՒԹՅԱՆ ԿՏՐՈՆԻ ԴԻՄԱՅԻՆ ԿՈՂՄԻ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅՈՒՆ

ՏԵԽՆԻԿԱԿԱՆ ԶՆՆՈՒԹՅԱՆ ԿՏՐՈՆ

Գ Ծ Ա Պ Ա Տ Կ Ե Ր

ՏԵԽՆԻԿԱԿԱՆ ԶՆՆՈՒԹՅԱՆ ԿՏՐՈՆԻ ՀԱԿԱՌԱԿ ԿՈՂՄԻ