ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
ք.Ստեփանակերտ
ԼՂՀ տարածքում բնակվող կենսաթոշակառուներին «Արցախ» տարածքային հավելում տալու կարգի մասին
Լեռնային Ղարաբաղի Հանրապետության կառավարությունը որոշում է.
Հաստատել ԼՂՀ տարածքում բնակվող կենսաթոշակառուներին «Արցախ» տարածքային հավելում տալու կարգը (կցվում է):
| |
Հաստատված է
ԼՂՀ կառավարության
1999թ. մարտի «30»-ի
թիվ 61 որոշմամբ |
Կարգ
Լեռնային Ղարաբաղի Հանրապետության տարածքում բնակվող կենսաթոշակառուներին «Արցախ» տարածքային հավելում տալու
|
1. |
Սույն կարգով սահմանվում են ԼՂՀ տարածքում բնակվող կենսաթոշակառուների կենսաթոշակներին ամենամսյա «Արցախ» տարածքային հավելում` նշանակելու և վճարելու պայմանները:
|
|
2. |
«Արցախ» տարածքային հավելումը նշանակվում է ԼՂՀ տարածքում մշտապես բնակվող բոլոր տեսակի կենսաթոշակառուների կենսաթոշակների համար և վճարվում է կենսաթոշակների հետ մեկտեղ կենսաթոշակառուներին կամ նրանց օրինական ներկայացուցիչներին, եթե կենսաթոշակի և փոխհատուցման ընդհանուր գումարը չի գերազանցում 30000 դրամը:
|
|
3. |
Այն կենսաթոշակառուներին, ովքեր բացակայում են Լեռնային Ղարաբաղի Հանրապետությունից, բացակայության ժամանակաշրջանի համար տարածքային հավելումը չի վճարվում` բացառությամբ այն կենսաթոշակառուների, ովքեր բացակայում են բուժման մեկնելու պատճառով` փաստը հաստատող փաստաթղթի ներկայացման պայմանով:
|
|
4. |
Պետության լրիվ խնամքի տակ գտնվող կենսաթոշակառուներին հավելումը տրվում է «Լեռնային Ղարաբաղի Հանրապետության քաղաքացիների պետական կենսաթոշակային ապահովության մասին» ԼՂՀ օրենքի 48-րդ հոդվածով սահմանված կենսաթոշակի չափի համամասնությամբ` տարածքային հավելումի 25 տոկոսի չափով:
|
|
5. |
Կենսաթոշակառուի մահվան դեպքում վճարվող` թաղման նպաստի գումարի հաշվարկումներում նշանակված տարածքային հավելումը չի հաշվառվում: |