ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 Ո Ր Ո Շ ՈՒ Մ

 ք.Ստեփանակերտ

Հիմք ընդունելով «Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածը՝ Լեռնային Ղարաբաղի Հանրապետության կառավարությունը որոշում է.

1. Լեռնային Ղարաբաղի Հանրապետության կառավարության 2007 թվականի դեկտեմբերի 25-ի «Չաշխատող կանանց համար հղիության և ծննդաբերության նպաստ սահմանելու մասին» թիվ 722 որոշման հավելվածում կատարել հետևյալ փոփոխություններն ու լրացումը.

1) 4-րդ կետի առաջին պարբերությունը շարադրել հետևյալ խմբագրությամբ.

«4. Նպաստ ստանալու համար չաշխատող կինը Լեռնային Ղարաբաղի Հանրապետության սոցիալական ապահովության նախարարության «Սոցիալական ապահովության ծառայություն» գործակալության` իր փաստացի բնակության վայրը սպասարկող տարածքային բաժին է ներկայացնում գրավոր դիմում և հետևյալ փաստաթղթերը.

ա) բժշկական հաստատության կողմից տրված` Լեռնային Ղարաբաղի Հանրապետության օրենսդրությամբ սահմանված ժամանակավոր անաշխատունակության թերթիկը,

բ) անձնագիրը (անձը հաստատող փաստաթուղթը) և դրա պատճենը,

գ) սոցիալական ապահովության քարտն ու դրա պատճենը կամ Լեռնային Ղարաբաղի Հանրապետության սոցիալական ապահովության նախարարության կողմից` Լեռնային Ղարաբաղի Հանրապետության օրենսդրությամբ սահմանված կարգով տրամադրված` սոցիալական ապահովության քարտ չունենալու մասին տեղեկանքը:»,

2) 4-րդ կետի երկրորդ պարբերության առաջին նախադասությունում «տրվել է» բառերը փոխարինել «և անհրաժեշտ փաստաթղթերը ներկայացվել են» բառերով,

3) 5-րդ կետի երկրորդ պարբերությունը «Հղիության» բառից հետո լրացնել «154-րդ օրը և» բառերով:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: