ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ПРАВИТЕЛЬСТВО НАГОРНО-КАРАБАХСКОЙ РЕСПУБЛИКИ
Ո Ր Ո Շ ՈՒ Մ
П О С Т А Н О В Л Е Н И Е
|
"16" ԴԵԿՏԵՄԲԵՐԻ 1997թ. |
N 189 |
ք.Ստեփանակերտ
г.Степанакерт
Լեռնային Ղարաբաղի Հանրապետության կենսաթոշակային և զբաղվածության հիմնադրամի գործունեության բարելավման միջոցառումների մասին
Լեռնային Ղարաբաղի Հանրապետության կենսաթոշակային և զբաղվածության հիմնադրամի գործունեության բարելավման, կենսաթոշակների նշանակման և վճարման, ինչպես նաև պարտադիր սոցիալական ապահովագրության վճարումների գանձման արդյունավետության բարձրացման նպատակով Լեռնային Ղարաբաղի Հանրապետության կառավարությունը որոշում է.
1. Սահմանել, որ Լեռնային Ղարաբաղի Հանրապետության կենսաթոշակային և զբաղվածության հիմնադրամի կառավարման մարմինը հիմնադրամի խորհուրդն է:
2. Լեռնային Ղարաբաղի Հանրապետության կենսաթոշակային և զբաղվածության հիմնադրամի խորհրդի կազմի մեջ մտնում են Լեռնային Ղարաբաղի Հանրապետության սոցիալական ապահովության նախարարը (խորհրդի նախագահ), Լեռնային Ղարաբաղի Հանրապետության ֆինանսների և էկոնոմիկայի նախարարը, Լեռնային Ղարաբաղի Հանրապետության առողջապահության նախարարը, Լեռնային Ղարաբաղի Հանրապետության կենսաթոշակային և զբաղվածության հիմնադրամի նախագահը (խորհրդի անդամներ):
3. Հաստատել Լեռնային Ղարաբաղի Հանրապետության կենսաթոշակային և զբաղվածության հիմնադրամի խորհրդի կազմը (կցվում է):
4. Լեռնային Ղարաբաղի Հանրապետության կենսաթոշակային և զբաղվածության հիմնադրամի խորհրդին`
ա) երկամսյա ժամկետում Լեռնային Ղարաբաղի Հանրապետության կառավարության հաստատմանը ներկայացնել Լեռնային Ղարաբաղի Հանրապետության կենսաթոշակային և զբաղվածության հիմնադրամի կանոնադրությունը.
բ) մինչև 1998 թվականի դեկտեմբերի 1-ը Լեռնային Ղարաբաղի Հանրապետության կառավարության քննարկմանը ներկայացնել Լեռնային Ղարաբաղի Հանրապետության կենսաթոշակային ապահովության ռազմավարության հիմնադրույթները:
5. Իրավունք վերապահել Լեռնային Ղարաբաղի Հանրապետության կենսաթոշակային և զբաղվածության հիմնադրամի խորհրդին` ազատել պարտադիր սոցիալական ապահովագրության վճարումների ապառքներ չունեցող ապահովադիրներին ժամկետանց պարտքերի նկատմամբ հաշվարկված տույժերից կամ հետաձգել դրանց վճարման ժամկետը, կամ` նվազեցնել տույժերի գումարի չափը:
6. Լեռնային Ղարաբաղի Հանրապետության սոցիալական ապահովության նախարարության համակարգի սոցիալական ապահովության տարածքային (շրջանային) կենտրոնների կենսաթոշակների նշանակմամբ և վճարմամբ զբաղվող աշխատողներին տեղափոխել Լեռնային Ղարաբաղի Հանրապետության կենսաթոշակային և զբաղվածության հիմնադրամի շրջանային (քաղաքային) բաժանմունքները` վերջիններս վերանվանելով Լեռնային Ղարաբաղի Հանրապետության կենսաթոշակային և զբաղվածության հիմնադրամի կենսաթոշակային ապահովագրության շրջանային (քաղաքային) կենտրոններ:
7. Լեռնային Ղարաբաղի Հանրապետության սոցիալական ապահովության նախարարությանը` մեկամսյա ժամկետում համապատասխան փոփոխություններ մտցնել նախարարության կանոնադրության մեջ և ներկայացնել Լեռնային Ղարաբաղի Հանրապետության կառավարության հաստատմանը:
8. Լեռնային Ղարաբաղի Հանրապետության շրջանային (քաղաքային) վարչակազմերին` սոցիալական ապահովության տարածքային (շրջանային կենտրոններում ազատվող գույքը անհատույց կերպով փոխանցել Լեռնային Ղարաբաղի Հանրապետության կենսաթոշակային և զբաղվածության հիմնադրամի կենսաթոշակային ապահովագրության շրջանային (քաղաքային) կենտրոններին:
9. Սահմանել, որ Լեռնային Ղարաբաղի Հանրապետության կենսաթոշակային և զբաղվածության հիմնադրամի կողմից կենսթոշակների նշանակման և վճարման աշխատանքների վերհսկողությունը իրականացնում են Լեռնային Ղարաբաղի Հանրապետության սոցիալական ապահովության և Լեռնային Ղարաբաղի Հանրապետության էկոնոմիկայի և ֆինանսների նախարարությունները:
10. Սույն որոշումն ուժի մեջ է մտնում 1998 թվականի հունվարի 1-ից:
|
ԼՂՀ վարչապետ |
ԼԵՈՆԱՐԴ ՊԵՏՐՈՍՅԱՆ |
| |
Հավելված
ԼՂՀ կառավարության 1997 թվականի
«16» դեկտեմբերի
թիվ 189 որոշման |
Լեռնային Ղարաբաղի Հանրապետության կենսաթոշակային և զբաղվածության հիմնադրամի խորհրդի կազմը
|
Առուշանյան Ս.Զ. |
- ԼՂՀ սոցիալական ապահովության նախարար, խորհրդի նախագահ
|
|
Թևոսյան Ս.Ա. |
- ԼՂՀ էկոնոմիկայի և ֆինանսների նախարար, խորհրդի անդամ
|
|
Պետրոսյան Ա.Մ. |
- ԼՂՀ առողջապահության նախարար, խորհրդի անդամ
|
|
Ավետիսյան Վ.Ա. |
- ԼՂՀ կենսաթոշակային և զբաղվածության հիմնադրամի նախագահ, խորհրդի անդամ |
|
ԼՂՀ կառավարության
գործերի կառավարիչ |
Ս. ԳՐԻԳՈՐՅԱՆ |