ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

Լեռնային Ղարաբաղի Հանրապետության կառավարության 1998թ. հուլիսի 29-ի «Լեռնային Ղարաբաղի Հանրապետության արդարադատության պետական վարչության կանոնադրությունը և կենտրոնական աշխատակազմի կառուցվածքը հաստատելու մասին» թիվ 122 որոշման մեջ կատարել հետևյալ փոփոխությունները և լրացումները.

1. Որոշման 1-ին կետում «12 հաստիքային միավոր» բառերը փոխարինել «23 հաստիքային միավոր» բառերով:

2. ԼՂՀ արդարադատության պետական վարչության կանոնադրության «ժ» կետը շարադրել նոր խմբագրությամբ «Կազմակերպում և իրականացնում է հարկադիր կատարման ենթակա դատական ակտերի կատարումը:

Հարկադիր կատարման ենթակա են`

- քաղաքացիական գործերով դատարանի վճիռները և որոշումները, բացառությամբ իրավաբանական անձին կամ քաղաքացուն սնանկ ճանաչելու և մրցութային վարույթ սկսելու մասին վճռի.

- քրեական գործերով դատարանի դատավճիռները և որոշումները` գույքային բռնագանձումների մասով.

- միջնորդ դատարանների վճիռները.

- Լեռնային Ղարաբաղի Հանրապետության միջազգային պայմանագրերով նախատեսված դեպքերում օտարերկրյա դատարանների և միջնորդ դատարանների վճիռներն ու որոշումները:

3. Որոշմամբ հաստատված Լեռնային Ղարաբաղի Հանրապետության արդարադատության պետական վարչության կենտրոնական աշխատակազմի կառուցվածքի մեջ լրացնել «Դատական ակտերի հարկադիր կատարման ապահովման վարչություն» տողը: