ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

Լեռնային Ղարաբաղի Հանրապետության կառավարությունը որոշում է.

1. Սահմանել, որ 1999 թվականի հունվարի 1-ից ԼՂՀ ներքին գործերի նախարարության, ԼՂՀ ազգային անվտանգության պետական վարչության և ԼՂՀ արտակարգ իրավիճակների վարչության համակարգերի հրամանատարական և շարքային անձնակազմի ծառայողների /այսուհետև` զինծառայողների/ և նրանց ընտանիքների անդամների կենսաթոշակների վճարող է հանդիսանում Լեռնային Ղարաբաղի Հանրապետության պետական կենսաթոշակային հիմնադրամը:

2. ԼՂՀ ներքին գործերի նախարարության, ԼՂՀ ազգային անվտանգության պետական վարչության և ԼՂՀ արտակարգ իրավիճակների վարչության համակարգի կենսաթոշակային ապահովության կառուցվածքային ստորաբաժանումներին` Լեռնային Ղարաբաղի Հանրապետության պետական կենսաթոշակային հիմնադրամին փոխանցել`

ա/ մինչև 1999 թվականի հունվարի 10-ը զինծառայողների կենսաթոշակային գործերը` հետագա վճարումներն իրականացնելու համար.

բ/ 1999 թվականի հունվարի 1-ից հետո այն զինծառայողների կենսաթոշակային գործերը, որոնց կենսաթոշակ է նշանակվել, կենսաթոշակի նշանակման օրվանից 10-օրյա ժամկետում:

3. ԼՂՀ պետական կենսաթոշակային հիմնադրամին` սահմանված կարգով ապահովել զինծառայողներին և նրանց ընտանիքների անդամներին նշանակված պետական կենսաթոշակների վճարումը:

4. ԼՂՀ ֆինանսների նախարարությանը` սահմանված կարգով պետական բյուջեից համապատասխան միջոցներ հատկացնել ԼՂՀ պետական կենսաթոշակային հիմնադրամին զինծառայողների և նրանց ընտանիքներին նշանակված պետական կենսաթոշակների վճարումը ապահովելու համար: