ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

«Զինծառայողների և նրանց ընտանիքների անդամների սոցիալական ապահովության մասին» ԼՂՀ օրենքի 41 հոդվածին համապատասխան Լեռնային Ղարաբաղի Հանրապետության կառավարությունը որոշում է

1. Հանձնարարել ԼՂՀ պետական կենսաթոշակային հիմնադրամին.

ա) ապահովել զինծառայողների և նրանց ընտանիքների անդամների կենսաթոշակների, փոխհատուցումների, պատվովճարի և «Արցախ» տարածքային հավելման նշանակման վերահսկողությունը և կազմակերպել դրանց վճարումը.

բ) զինծառայողներին և նրանց ընտանիքների անդմաներին վճարումները իրականացնել համապատասխան մարմինների` սոցիալական ապահովության խնդիրներն իրականացնող ստորաբաժանումների կողմից կենսաթոշակների փոխհատուցումների, պատվովճարի և «Արցախ» տարածքային հավելման նշանակման ճշտությունը հիմնադրամում ստուգելուց հետո:

2. Հանձնարարել ԼՂՀ պաշտպանության նախարարությանը, ԼՂՀ ներքին գործերի նախարարությանը և ԼՂՀ ազգային անվտանգության պետական վարչությանը.

ա) ապահովել անհրաժեշտ պայմաններ կենսաթոշակների, փոխհատուցումների, պատվովճարի և «Արցախ» տարածքային հավելման նախկինում կատարած նշանակումների ճշտությունը ստուգելու համար.

բ) նոր նշանակումների հետ կապված գործերը ոչ ուշ, քան 10 օրվա ընթացքում, ներկայացնել ԼՂՀ պետական կենսաթոշակային հիմնադրամ` ստուգելու համար: Նշված գործերը ենթակա են վերադարձման 10-օրյա ժամկետում:

3. ԼՂՀ ֆինանսների նախարարությանը` սահմանված կարգով պետական բյուջեից հատկացնել համապատասխան միջոցներ ԼՂՀ պետական կենսաթոշակային հիմնադրամին` զինծառայողներին և նրանց ընտանիքների անդամներին կենսաթոշակների, փոխհատուցումների և պատվովճարի վճարումը ապահովելու համար:

4. ՈՒժը կորցրած ճանաչել ԼՂՀ կառավարության 1998 թվականի դեկտեմբերի 24-ի թիվ 279 և 1999թ. մարտի 2-ի թիվ 24 որոշումները:

5. Սույն որոշումն ուժի մեջ է մտնում 2000թ. ապրիլի 1-ից: