ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.

1.Լեռնային Ղարաբաղի Հանրապետության կառավարության 2008 թվականի փետրվարի 26-ի «Բանկերի կողմից հիփոթեքային վարկավորմամբ բնակարաններ և բնակելի տներ ձեռք բերելու պետական աջակցության ապահովման կարգը հաստատելու մասին» թիվ 101 որոշմամբ հաստատված կարգում`

1) 4.3-րդ ենթակետը շարադրել հետևյալ խմբագրությամբ.

«4.3 վարկի ժամկետը`

● գնման կամ կառուցման համար` նվազագույնը 15 տարի.

● վերանորոգման համար` մինչև 10 տարի.

Քաղաքացին իր ցանկությամբ կարող է դիմել ավելի կարճ ժամկետով վարկ ստանալու համար:».

2) 4.4-րդ ենթակետում`

ա. «վերանորոգման համար` մինչև 5000,0 հազար դրամը:» պարբերությունը շարադրել հետևյալ խմբագրությամբ.

«բազմաբնակարան բնակելի շենքերի բնակարանների վերանորոգման համար` մինչև 5000,0 հազար դրամը,».

բ. լրացնել հետևյալ բովանդակությամբ նոր պարբերություն.

«առանձնատների վերանորոգման համար` մինչև 7000,0 հազար դրամը:».

3) 7.13-րդ ենթակետի «Սուբսիդավորման ժամկետը սահմանվում է առավելագույնը 5 տարի:» նախադասությունը շարադրել հետևյալ խմբագրությամբ.

«Սկզբնական սուբսիդավորման ժամկետը սահմանվում է մինչև 5 տարի` հետագայում ժամկետի երկարաձգման հնարավորության պայմանով:»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: