ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

Լեռնային Ղարաբաղի Հանրապետության կառավարությունը որոշում է.

1. (կետն ուժը կորցրել է 29.12.1998 N 294)

2. Ուժը կորցրած ճանաչել ԼՂՀ կառավարության 1996 թվականի ապրիլի 8-ի «ԼՂՀ կառավարության 1995 թվականի հունիսի 19-ի «ԼՂՀ-ում տնտեսական գործունեության առանձին տեսակներով զբաղվելու կարգի հաստատման մասին» թիվ 109 և 1995 թվականի հուլիսի 25-ի «ԼՂՀ-ում տնտեսական գործունեության առանձին տեսակներով զբաղվելու ու լիցենզիաների տրման համար անհրաժեշտ փաստաթղթերի անվանացանկի հաստատման մասին» թիվ 162 որոշումներում լրացումներ և փոփոխություններ կատարելու մասին» թիվ 75 որոշման թիվ 1 հավելվածի 1-ին կետը:

3. ԼՂՀ կառավարության 1998թ. մարտի 26-ի «ԼՂՀ կառավարության 1995 թվականի մարտի 14-ի «ԼՂՀ ձեռնարկությունների պետական ռեգիստրի մասին» թիվ 30 որոշման մեջ լրացում կատարելու մասին» թիվ 39 որոշումը շարադրել հետևյալ բովանդակությամբ նոր խմբագրությամբ.

«ԼՂՀ կառավարությունը որոշում է.

ԼՂՀ կառավարության 1995թ. մարտի 14-ի «ԼՂՀ ձեռնարկությունների պետական ռեգիստրի մասին» թիվ 30 որոշմամբ հաստատված «Ձեռնարկությունների պետական ռեգիստրի ստեղծման և գործունեության հիմունքների» «Ձեռնարկությունների և անհատ ձեռներեցների սկզբնական պետական գրանցման կարգը» բաժնի առաջին պարբերությունը շարադրել հետևյալ խմբագրությամբ.

«Ձեռնարկության հիմնադրին (հիմնադիրներին), ձեռնարկատիրական գործունեությամբ զբաղվել ցանկացող անձանց ԼՂՀ վիճակագրության, պետական ռեգիստրի և վերլուծության պետական վարչության կամ նրա համապատասխան շրջանային բաժնի կողմից սկզբնական և ընթացիկ պետական գրանցման նպատակով համապատասխան փաստաթղթերի պատրաստման համար տրվում է գրանցման ընթացակարգի մասին տեղեկանք` տվյալ տեղեկանքը չպահանջող մնացած բոլոր փաստաթղթերը ներկայացնելուց հետո: Սույն հիմունքներով սահմանված փաստաթղթերը ներկայացնելուց հետո գրանցամատյանում կատարվում է գրառում:»:

4. Սույն որոշման 1-ին, 2-րդ և 3-րդ կետերի պահանջները տարածել ԼՂՀ կառավարության 1998թ. մարտի 26-ի «Լեռնային Ղարաբաղի Հանրապետությունում քաղաքաշինական գործունեության լիցենզավորման կարգի մասին» թիվ 33 որոշման և ԼՂՀ կառավարության 1998թ. մարտի 26-ի «Լեռնային Ղարաբաղի Հանրապետության բժշկական և դեղագործական գործունեության պետական մասնագիտական լիցենզավորման ու դրա իրականացման կարգի հաստատման մասին» թիվ 41 որոշման վրա: