ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

 ք.Ստեփանակերտ

Քաղաքաշինական գործունեության բարելավման և կանոնակարգման նպատակով Լեռնային Ղարաբաղի Հանրապետության կառավարությունը որոշում է.

1. ԼՂՀ կառավարության մարտի 26-ի ‹‹ԼՂՀ քաղաքաշինական գործունեության լիցենզավորման կարգի մասին›› թիվ 33 որոշմամբ հաստատված կարգում կատարել հետևյալ փոփոխությունները.

1.5 շարադրել հետևյալ կերպ`

1.5. ԼՂՀ տարածքում քաղաքաշինական գործունեություն իրականացնելու լիցենզավորման են ենթակա`

● քաղաքաշինական գործունեություն իրականացնող ոչ պետական ձեռնարկությունները, հիմք ընդունելով նշված ձեռնարկությունների գործադիր տնօրենների կամ տեխնիկական ղեկավարների և այդ կազմակերպություններում հատուկ աշխատանքներ իրականացնող մասնագետների լիցենզիաները.

● պետական և ոչ պետական քաղաքաշինության գործունեության վերահսկողություն իրականացնող մասնագետները /ցանկը կցվում է հավելված թիվ 1/:

1.6 ավելացնել.

1.6 Հայաստանի Հանրապետությունում լիցենզավորված կազմակերպությունները, ֆիզիկական և իրավաբանական անձինք, ԼՂՀ տարածքում քաղաքաշինական գործունեություն իրականացնում են ԼՂՀ քաղաքաշինության նախարարությունում գրանցվելուց հետո:

2.2 ավելացնել`

2.2 ‹‹և իրականացնում մասնագիտական գիտելիքների ստուգումը համակարգչային տեստավորման ձևով»:

2. Սույն որոշումն ուժի մեջ է մտնում 2000 թվականի հուլիսի 1-ից: