ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

Լեռնային Ղարաբաղի Հանրապետության կառավարությունը որոշում է.

1. Լեռնային Ղարաբաղի Հանրապետության 1998թ. նոյեմբերի 24-ի «Լեռնային Ղարաբաղի Հանրապետությունում հսկիչ-դրամարկղային մեքենաների ներդրման միջոցառումների մասին» թիվ 250 որոշման մեջ (Լեռնային Ղարաբաղի Հանրապետության կառավարության 1999թ. մարտի 23-ի թիվ 52 և 2000թ. փետրվարի 1-ի թիվ 7 որոշումների խմբագրությամբ) կատարել հետևյալ լրացումները`

որոշմամբ հաստատված գործունեության տարբեր ոլորտներում հսկիչ-դրամարկղային մեքենաների ներդրման ժամկետացանկի`

ա/ 6-րդ կետից հետո լրացնել հետևյալ բովանդակությամբ նոր 7 և 8 կետեր.

7. Խանութների (առևտրական գործունեության իրականացման համար կառուցված կամ այդ նպատակին հարմարեցված ու սարքավորված, առևտրական դահլիչ ունեցող մշտական շինությունների) միջոցով, 10 քառակուսի մետրը գերազանցող առևտրական տարածք ունեցող կրպակների միջոցով իրականացվող առևտրական գործունեություն  1 հուլիսի 2001թ.

8. Բենզինի և (կամ) դիզելային վառելիքի, հեղուկ գազի 1 հուլիսի մանրածախ վաճառքի կազմակերպում    1 հուլիսի 2001թ.

բ/ որոշմամբ հաստատված ցանկի (այն ձեռնարկությունների, որոնց համար հսկիչ-դրամարկղային մեքենաների ներդրումը պարտադիր չէ) «ա» ենթակետը «կերոսինի» բառից հետո լրացնել «բենզինի և (կամ) դիզելային վառելիքի, հեղուկ գազի» բառերով:

2. Սույն որոշումն ուժի մեջ է մտնում պաշտոնական հրապարակման պահից: