ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
|
«23» նոյեմբերի 2010թ. |
N 752-Ն |
ք.Ստեփանակերտ
ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2009 ԹՎԱԿԱՆԻ ՀՈՒՆՎԱՐԻ 20-Ի ԹԻՎ 15-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.
1. Լեռնային Ղարաբաղի Հանրապետության կառավարության 2009 թվականի հունվարի 20-ի «Պետական նպաստների, ծնելիության և բազմազավակության խթանման միջոցառումների մասին» թիվ 15-Ն որոշման մեջ կատարել հետևյալ փոփոխություններն ու լրացումները.
1) որոշման 1-ին կետի 1-ին ենթակետից հանել «բնակության վայրով ու վերջինիս» բառերը.
2) որոշման թիվ 1 հավելվածի`
ա. առաջին նախադասությունից հանել «հաշվառման կամ բնակության վայրից և» բառերը.
բ. 2-րդ կետը շարադրել հետևյալ խմբագրությամբ`
«2. Նպաստի իրավունք ունեցող անձի կարգավիճակից կախված՝ պետական նպաստի բազային չափի բազմապատիկ գործակիցներն են.
|
NN |
կատեգորիաներ |
գործակից |
|
1. |
18 տարին չլրացած երեխաներ, այդ թվում |
|
|
ա |
Հաշմանդամ երեխաներ |
3.0 |
|
բ |
Միայնակ մոր երեխաներ |
2.0 |
|
գ |
Առանց ծնողական խնամքի մնացած երեխաներ |
5.0 |
|
դ |
Միակողմանի ծնողազուրկ երեխաներ |
3.5 |
|
ե |
Ալիմենտ ստացող երեխաներ |
1.3 |
|
զ |
Ժամկետային զինծառայողների երեխաներ |
1.5 |
|
է |
1-ին խմբի հաշմանդամների երեխաներ |
2.5 |
|
ը |
2-րդ խմբի հաշմանդամների երեխաներ |
1.5 |
|
թ |
5 և ավելի անչափահաս երեխաներ ունեցող ընտանիքների երեխաներ |
1.5 |
|
ժ |
4 անչափահաս երեխաներ ունեցող ընտանիքների երեխաներ |
1.3 |
|
ժա |
3 անչափահաս երեխաներ ունեցող ընտանիքների երեխաներ |
1.0 |
|
2. |
Մինչև 2 տարեկան երեխա խնամող անձինք |
2.5 |
գ. 29-րդ կետից հետո լրացնել հետևյալ բովանդակությամբ 29.1-րդ կետ.
«29.1. 1-ին կամ 2-րդ խմբի հաշմանդամների երեխաներին կամ հաշմանդամ երեխաներին նշանակված նպաստ վճարելը կասեցվում է` հաշմանդամության ժամկետը լրանալու դեպքում, նշված հանգամանքի առաջացման ամսվան հաջորդող ամսի 1-ից:
Կասեցված նպաստի վճարումը վերսկսվում է կասեցման օրվանից, եթե սույն կետի 1-ին պարբերության մեջ նշված նպաստառուն հաշմանդամության ժամկետը լրանալուց հետո երեք ամսվա ընթացքում կրկին հաշմանդամ ճանաչվելու և նպաստի իրավունքը պահպանելու դեպքում հաշմանդամության ժամկետը լրանալուց հետո` հաշմանդամ ճանաչվելու օրվանից վեց ամսվա ընթացքում, նպաստ նշանակող ստորաբաժանում է ներկայացնում բժշկասոցիալական փորձաքննության ոլորտում իրավասու պետական մարմնի կողմից տրված` հաշմանդամությունը հաստատող տեղեկանքը և դրա պատճենը:
Սույն կետով սահմանված կասեցման ժամանակահատվածի համար պետական նպաստը վճարվում է` մինչև կասեցումն ունեցած հաշմանդամության խմբի համար հաշվարկված պետական նպաստի չափով:».
դ. 30-րդ կետի 3-րդ ենթակետից հետո լրացնել հետևյալ բովանդակությամբ 3.1-րդ ենթակետ.
«3.1) նպաստի իրավունք ունեցող 1-ին կամ 2-րդ խմբի հաշմանդամների երեխաների կամ հաշմանդամ երեխաների պարագայում` հաշմանդամության ժամկետը լրանալուց հետո, երեք ամսվա ընթացքում, կրկին հաշմանդամ չճանաչվելու դեպքում.»:
2. Սույն որոշման 1-ին կետի 2-րդ ենթակետի «գ» և «դ» պարբերություններն ուժի մեջ են մտնում պաշտոնական հրապարակման պահից, իսկ 1-ին ենթակետն ու 2-րդ ենթակետի «ա» և «բ» պարբերությունները` 2011 թվականի հունվարի 1-ից:
|
ԼԵՌՆԱՅԻՆ ՂԱՐԱԲԱՂԻ
ՀԱՆՐԱՊԵՏՈՒԹՅԱՆ ՎԱՐՉԱՊԵՏ |
Ա. ՀԱՐՈՒԹՅՈՒՆՅԱՆ |