ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2003 թվականի

մայիսի 21-ին

«ԶԱՆԳՎԱԾԱՅԻՆ ԼՐԱՏՎՈՒԹՅԱՆ ՄԻՋՈՑՆԵՐԻ ՄԱՍԻՆ» ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Զանգվածային լրատվության միջոցների մասին» Լեռնային Ղարաբաղի Հանրապետության օրենքի (այսուհետ` օրենք) առաջին հոդվածը շարադրել հետևյալ խմբագրությամբ`

Սույն օրենքում օգտագործվում են հետևյալ հիմնական հասկացությունները.

- զանգվածային լրատվություն՝  մարդկանց անսահմանափակ շրջանակների համար նախատեսված տպագիր, ձայնային, ձայնատեսային և այլ տեղեկություններ ու նյութեր.

- զանգվածային լրատվության միջոցներ` պարբերական տպագիր հրատարակություն, ռադիոհեռուստատեսածրագիր, կանոնավոր կերպով տեղեկություններ թողարկող ձեռնարկություններ (լրատվական գործակալություններ, լուսանկարչական գործակալություններ, կինոխրոնիկայի ստուդիաներ և այլն), ինչպես նաև զանգվածային լրատվության տարածման այլ ձևեր.

- պարբերական տպագիր հրատարակություններ` թերթ, հանդես, ալմանախ, տեղեկագիր, մշտական անվանում և ընթացիկ համար ունեցող, տարեկան առնվազն մեկ անգամ լույս տեսնող այլ հրատարակություններ.

- ռադիոհեռուստատեսածրագրեր` մշտական անվանում ունեցող և առնվազն կես տարին մեկ եթեր արձակվող պարբերական ձայնային և ձայնատեսային տեղեկությունների և նյութերի (հաղորդումների) ամբողջություն.

- պետական գաղտնիք`  տեղեկություններ, որոնք կարգավորվում են պետական գաղտնիքների և դրանց պաշտպանության մասին օրենքով.

- ծառայողական գաղտնիք` օրենքներով կարգավորվող տեղեկություններ նախաքննության մարմինների, ազգային անվտանգության ծառայությունների, ներքին գործերի նախարարության, երկրի պաշտպանության մարմինների օպերատիվ գործունեության մասին.

- կոմերցիոն գաղտնիք` սուբյեկտների տնտեսական գործունեության՝ օրենքով կարգավորվող գաղտնիքներ.

- անձի առողջության մասին գաղտնիք (բժշկական գաղտնիք)` անձի առողջության մասին տեղեկություններ, որոնք կարգավորվում են առողջապահության մասին օրենքով.

- պաշտոնական հաղորդագրություն /տեղեկատվություն/` Լեռնային Ղարաբաղի Հանրապետության Նախագահի, Ազգային ժողովի, Ազգային ժողովի նախագահի, կառավարության, վարչապետի, կենտրոնական ընտրական հանձնաժողովի, տեղական ինքնակառավարման մարմինների կամ նրանց լիազորած անձանց պաշտոնապես ներկայացրած և հրապարակման ենթակա` պետության ներքին և արտաքին քաղաքականության վերաբերյալ, հանրության շահերի պաշտպանությանն առնչվող, արտակարգ իրավիճակներին վերաբերող լրատվություն.

- ազատ լրագրող` զանգվածային լրատվության միջոցի հետ պայմանագրային կամ փոխադարձ համաձայնությամբ այլ հարաբերություններով կապված, պարբերաբար մասնագիտական աշխատանք կատարող ֆիզիկական անձ, որը Լեռնային Ղարաբաղի Հանրապետության կառավարության կողմից լիազորված մարմնից ստացել է «ազատ լրագրող» վկայական:»:

Հոդված 2. Օրենքի 2-րդ հոդվածում`

ա) 2-րդ կետում «եթե Լեռնային Ղարաբաղի Հանրապետության օրենսդրությամբ այլ բան չի նախատեսված» բառերը փոխարինել «,բացառությամբ Լեռնային Ղարաբաղի Հանրապետության օրենսդրությամբ սահմանված դեպքերի» բառերով.

բ) 7-րդ կետը համարել 2¹-րդ հոդված և շարադրել հետևյալ խմբագրությամբ`

«Զանգվածային լրատվության միջոցների մասին» Լեռնային Ղարաբաղի Հանրապետության օրենսդրությունը կազմված է սույն օրենքից, «Հեռուստատեսության և ռադիոյի մասին», «Հեղինակային և հարակից իրավունքների մասին», «Գովազդի մասին», «Լեզվի մասին» Լեռնային Ղարաբաղի Հանրապետության օրենքներից, այլ իրավական ակտերից: Լեռնային Ղարաբաղի Հանրապետությունում զանգվածային լրատվության միջոցներն առաջնորդվում են Լեռնային Ղարաբաղի Հանրապետության տարածքում գործող օրենքներով:

Եթե Լեռնային Ղարաբաղի Հանրապետության միջազգային պայմանագրերով զանգվածային լրատվության միջոցների կազմակերպման և գործունեության վերաբերյալ սահմանված են այլ նորմեր, քան նախատեսված են սույն օրենքով, ապա կիրառվում են միջազգային պայմանագրի նորմերը:»:

Հոդված 3. Օրենքի 3-րդ հոդվածում`

ա) 3-րդ կետում «պետական պաշտոնական հաղորդագրություններ» բառակապակցությունը փոխարինել «պաշտոնական հաղորդագրություն (տեղեկատվություն)» բառակապակցությամբ.

բ) հանել հոդվածի «Սույն հոդվածում օգտագործվող հասկացությունները» մասը:

Հոդված 4. Օրենքի 5-րդ հոդվածը շարադրել հետևյալ խմբագրությամբ`

Զանգվածային լրատվության միջոցի հիմնադիր կարող է լինել Լեռնային Ղարաբաղի Հանրապետության քաղաքացին, կուսակցությունը, հասարակական-քաղաքական և հասարակական կազմակերպությունը: Կուսակցությունները, հասարակական-քաղաքական և հասարակական կազմակերպությունները չեն կարող լինել ռադիոյի և հեռուստաընկերության, ռադիոհեռուստաընկերության հիմնադիր:

Լեռնային Ղարաբաղի Հանրապետության պետական իշխանության, տարածքային և տեղական ինքնակառավարման մարմինները, գերատեսչությունները կարող են հիմնադրել զանգվածային լրատվության միջոց, բացառությամբ ռադիոյի և հեռուստաընկերության, ռադիոհեռուստաընկերության:»:

Հոդված 5. Օրենքի 6-րդ հոդվածի 3-րդ մասում «Լեռնային Ղարաբաղի Հանրապետու-թյան արդարադատության պետական վարչությանը» բառերը փախարինել «Լեռնային Ղարաբաղի Հանրապետության կառավարության կողմից լիազորված մարմնին» բառերով:»:

Հոդված 6. Օրենքի 7-րդ հոդվածը լրացնել հետևյալ բովանդակությամբ «ե» ենթակետով.

«ե) Եթե զանգվածային լրատվության միջոցի հիմնադիր անձը կորցրել է Լեռնային Ղարաբաղի Հանրապետության քաղաքացիությունը:»:

Հոդված 7. Օրենքի 11-րդ հոդվածի 5-րդ կետում «պետական մարմինների հետ հարաբերություններում» բառերից հետո ավելացնել «արտերկրում» բառը:

Հոդված 8. Օրենքի 13-րդ հոդվածի «ա» ենթակետում «ստանալ պաշտոնական փաստաթղթերին և նյութերին ծանոթանալու հնարավորություն» բառերից հետո ավելացնել «,բացառությամբ «Լեռնային Ղարաբաղի Հանրապետության օրենսդրությամբ սահմանված դեպքերի» բառերը:

Հոդված 9. Օրենքի 14-րդ հոդվածի «դ» ենթակետից հանել «կամ վերաբերում են հանրաճանաչ անձանց» բառերը:

Հոդված 10. Օրենքի 15-րդ հոդվածի առաջին կետում «Հայաստանի հանրապետության» բառերից հետո ավելացնել «,ինչպես նաև արտերկրի» բառերը:

Հոդված 11. Օրենքի 17-րդ հոդվածում`

ա) «ե» ենթակետում «գինը» բառից հետո ավելացնել «,գինը պայմանագրային» բառերը.

բ) «է» ենթակետում «վկայագրի» բառը փոխարինել «գրանցման վկայականի» բառերով:

Հոդված 12. Օրենքի 18-րդ հոդվածում «ազգային» բառը փոխարինել «հանրապետական» բառով:

Հոդված 13. Օրենքի 22-րդ հոդվածի 2-րդ մասը հանել:

Հոդված 14. Օրենքը լրացնել հետևյալ բովանդակությամբ 32-րդ, 33-րդ և 34-րդ հոդվածներով:

Բարեգործական հովանավորությունը ֆիզիկական և /կամ/ իրավաբանական անձի ներդրումն է ուղղակի կամ անուղղակի ֆինանսավորման ձևով, որի նպատակը զանգվածային լրատվական միջոցի մասնագիտական գործունեության իրականացմանը և որակի բարձրացմանն օժանդակելն է:

Զանգվածային լրատվության միջոցների նկատմամբ բարեգործական հովանավորոթյունը համարվում է զանգվածային լրատվության միջոցների թողարկման ոչ առևտրային գործունեություն:

Հասարակական-քաղաքական և կրոնական կազմակերպությունները չեն կարող բարեգործական հովանավորության ֆինանսավորողներ լինել:

Արգելվում է լրատվության, պաշտոնական հաղորդագրությունների և քաղաքական բնույթի հրապարակումների բարեգործական հովանավորությունը, ինչպես նաև հովանավորությամբ թողարկվող /հրատարակվող/ նյութերի նկատմամբ հովանավորողի կողմից որևէ միջամտություն: Բարեգործական հովանավորությամբ հրատարակվող նյութերը կարող են ուղեկցվել բարեգործական հովանավորի մասին հակիրճ ծանուցմամբ:

Հանրաքվեների և ընտրությունների քարոզչությանը նախորդող և դրանց անցկացման ժամանակաշրջանում զանգվածային լրատվության միջոցները գործում են հանրաքվեների և ընտրությունների մասին օրենսդրությանը համապատասխան:

Արտակարգ և ռազմական դրության պայմաններում զանգվածային լրատվության միջոցները գործում են «Ռազմական դրության մասին» Լեռնային Ղարաբաղի Հանրապետության օրենքին համաձայն:»:

Հոդված 16. Սույն օրենքն ուժի մեջ է մտնում հրապարակման պահից: