ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

"30" մարտի 1999թ.

N 63

 ք.Ստեփանակերտ

 

Անշարժ գույքի պետական միասնական կադաստրի վարման կարգի և անշարժ գույքի համակարգված դիտարկումների (մոնիտորինգ) իրականացման մասին

 

Լեռնային Ղարաբաղի Հանրապետության կառավարությունը որոշում է.

1. Սահմանել, որ անշարժ գույքի հաշվառումը, կադաստրային գնահատումը և պետական գրանցումն իրականացնում է Լեռնային Ղարաբաղի Հանրապետության անշարժ գույքի պետական միասնական կադաստրի վարչությունը:

2. Սահմանել, որ անշարժ գույքի բազմաբնույթ կադաստր վարող պետական կառավարման մարմիններն անշարժ գույքի հաշվառումն իրականացնում են միասնական ծրագրերով, նույնացված կադաստրային փաստաթղթերով` հաշվի առնելով հողերի, շենքերի, շինությունների հաշվառման տվյալների անհրաժեշտությունն անշարժ գույքի պետական միասնական կադաստրի վարման համար:

3. Սահմանել, որ անշարժ գույքի համակարգված դիտարկումներն (մոնիտորինգ) իրականացնում է Լեռնային Ղարաբաղի Հանրապետության անշարժ գույքի պետական միասնական կադաստրի վարչությունը` ապահովելով համագործակցությունը բազմաբնույթ կադաստրի վարման նպատակով համակարգված դիտարկումներ իրականացնող պետական կառավարման մարմինների հետ:

4. Հաստատել`

ա) անշարժ գույքի հաշվառման կարգը (կցվում է).

բ) անշարժ գույքի կադաստրային գնահատման իրականացման կարգը (կցվում է).

գ) անշարժ գույքի պետական գրանցման կարգը (կցվում է).

դ) անշարժ գույքի համակարգված դիտարկումների (մոնիտորինգ) իրականացման կարգը (կցվում է):

5. Սույն որոշումն ուժի մեջ է մտնում 1999 թվականի հունիսի 1-ից:

 

 

ԼՂՀ վարչապետ

Ժ. ՊՈՂՈՍՅԱՆ

 

 

Հաստատված է ԼՂՀ կառավարության 1999թ. մարտի 30-ի թիվ 63 որոշմամբ

 

ԿԱՐԳ

 

անշարժ գույքի հաշվառման

 

1. Լեռնային Ղարաբաղի Հանրապետությունում առկա անշարժ գույքը (անկախ սեփականության ձևից) ենթակա է հաշվառման:

Անշարժ գույքի հաշվառումը կատարվում է անշարժ գույքի առկայության, նպատակային նշանակության, սեփականության ձևի, իրավունքի տեսակի, օգտագործման նպատակի, դրա որակի, քանակի ու տեսքերի վերաբերյալ հավաք տվյալներ ստանալու, անշարժ գույքի գնահատման, քարտեզագրման և նրա նկատմամբ իրավազորությունների պետական գրանցման համար:

3. Անշարժ գույքի հաշվառման օբյեկտ են`

ա) քաղաքացիներին սեփականության իրավունքով պատկանող անշարժ գույքը.

բ) պետական սեփականություն հանդիսացող անշարժ գույքը.

գ) համայնքների սեփականություն հանդիսացող անշարժ գույքը.

դ) ոչ պետական ձեռնարկություններին և կազմակերպություններին սեփականության իրավունքով պատկանող անշարժ գույքը.

ե) օտարերկրյա պետություններին, օտարերկրյա քաղաքացիներին, քաղաքացիություն չունեցող անձանց, օտարերկրյա իրավաբանական անձանց և միջազգային կազմակերպություններին սեփականության իրավունքով պատկանող անշարժ գույքը.

զ) տիրազուրկ, լքված և բռնագրավված անշարժ գույքը.

է) անավարտ (կիսակառույց), ինքնակամ կառուցված (զբաղեցված) շենքերը, շինությունները և մելիորատիվ նախապատրաստվող, ինքնակամ զբաղեցված հողերը:

4. Անշարժ գույքի հաշվառման ընթացքում անշարժ գույքը դասակարգվում է`

ա) ըստ սեփականության ձևերի, իրավունքի տեակների.

բ) ըստ նպատակային նշանակության.

գ) ըստ որակի և քանակի.

դ) ըստ օգտագործման նպատակի.

ե) ըստ տեսքերի:

5. Անշարժ գույքի հաշվառումը կատարվում է ըստ վարչատարածքային բաժանման` համայնք, շրջան, հանրապետություն:

6. Անշարժ գույքի հաշվառման, ինչպես նաև գնահատման և պետական գրանցման նպատակով Լեռնային Ղարաբաղի Հանրապետության տարածքը բաժանվում է կադաստրային տարածքների, ենթատարածքների, սեկտորների, թաղամասերի և անշարժ գույքի միավորների: Կադաստրային տարածքները համապատասխանում են շրջանային բաժանմանը և ընդգրկում շրջանի վարչական սահմաններում գտնվող հողերը:

Կադաստրային տարածքները բաժանվում են կադաստրային ենթատարածքների, որոնք համապատասխանում են համայնքների վարչական սահմաններին, և կադաստրային սեկտորների, որոնք ընդգրկում են շրջանի վարչական սահմաններում առկա, բայց համայնքների վարչական սահմաններից դուրս գտնվող հողերը:

Կադաստրային ենթատարածքներն ու սեկտորները բաժանվում են առանձին թաղամասերի և անշարժ գույքի միավորների:

Կադաստրային տարածքների և ենթատարածքների համար կազմվում են առանձին հաշվառման գրքեր:

Հաշվառման գրքերի ձևերը հաստատում է Լեռնային Ղարաբաղի Հանրապետության կառավարությունը:

Հաշվառման գրքերի լրացման մեթոդական ցուցումները տալիս է Լեռնային Ղարաբաղի Հանրապետության անշարժ գույքի պետական միասնական կադաստրի վարչությունը:

Կադաստրային տարածքներին, ենթատարածքներին, սեկտորներին, թաղամասերին և անշարժ գույքի միավորներին (հողամաս, շենք, շինություն) տրվում է առանձին կադաստրային ծածկագիր: Շենքերը և շինությունները կապվում են համապատասխան հողամասի միավորի հետ, որոնց ծածկագիրը հողամասի միավորի կադաստրային ծածկագրի ածանցյալն է:

Անշարժ գույքի կադաստրային ծածկագրման կարգը հաստատում է Լեռնային Ղարաբաղի Հանրապետության կառավարությունը:

7. Անշարժ գույքը ենթակա է քանակական և որակական հաշվառման:

8. Անշարժ գույքի քանակական հաշվառումն անշարժ գույքի առկա վիճակի քանակական բնութագրումն է` արտահայտված մակերեսով և ծավալով, ըստ սեփականության ձևի, նպատակային նշանակության, օգտագործման նպատակի, իրավունքի տեսակի և տեսքի:

Անշարժ գույքի քանակական հաշվառումը կատարվում է քարտեզագրման և այլ հանույթների իրականացման, նոր արտանկարումների, գույքագրման, ստուգիչ չափումների ընթացքում ու բնության մեջ կատարված փոփոխությունների հաշվառման հիման վրա:

9. Անշարժ գույքի որակական հաշվառումն անշարժ գույքի որակական բնութագրումն է` կախված հողի դասից, մեխանիկական կազմից, բերրիությունից, կուլտուր-տեխնիկական վիճակից և ամրակայված գույքի կառուցապատման տեխնիկական վիճակից, տեղադրությունից (գոտուց), հաղորդակցուղիների առկայությունից, կոմունալ և կապի համակարգերի ապահովվածությունից:

10. Անշարժ գույքի հաշվառման հիմնական փաստաթղթերն են`

ա) անշարժ գույքի հաշվառման գրքերը` համայնքների, շրջանների, հանրապետության.

բ) կադաստրային քարտեզները (հատակագծերը):

11. Անշարժ գույքի վերաբերյալ կադաստրային տվյալների պարբերական ճշտման և թարմացման նպատակով անշարժ գույքի հաշվառումը նախատեսում է`

ա) սկզբնական հաշվառում.

բ) ընթացիկ հաշվառում:

12. Անշարժ գույքի սկզբնական հաշվառումն ընդգրկում է`

ա) անշարժ գույքի վերաբերյալ հավաք տվյալների ստացումը, դասկարգումը, առկա նյութերի ուսումնասիրումը.

բ) կադաստրային հանույթները, դաշտային հետազոտությունները և սրբագրական արտանկարումները, անշարժ գույքի վերաբերյալ ելակետային տվյալների և կադաստրային քարտեզների (հատակագծերի) ստացումը.

գ) անշարժ գույքի նպատակային նշանակության, սեփականության ձևերի, օգտագործման նպատակի, տեսքերի և իրավունքի տեսակների, որակական ու քանակական հատկանիշների, տեղադրության, չափսերի որոշումը և դասակարգումը.

դ) սկզբնական, ելակետային նյութերի ստացումը, դասակարգումը, անշարժ գույքի առկայության և բաշխման մասին հաշվետվության ներդրումը, հաշվառման գրքերում սկզբնական, ելակետային տվյալների լրացումը:

13. Անշարժ գույքի ընթացիկ հաշվառման նպատակն է`

ա) ընթացիկ տարում անշարժ գույքի նպատակային նշանակության, օգտագործման նպատակի, տեսքերի, որակական և քանակական փոփոխությունների հայտնաբերումը.

բ) անշարժ գույքի վերաբերյալ կադաստրային տվյալների լրացման, թարմացման և անընդհատության ապահովումը:

14. Անշարժ գույքի հաշվառումը կատարվում է անընդհատ` սկզբնական հաշվառման ելակետային տվյալների հիման վրա` տարվա ընթացքում կատարված որակական և քանակական փոփոխություններն արտացոլելով հաշվառման տեքստային (հաշվառման գրքերում) և գրաֆիկական (քարտեզագրական) փաստաթղթերում:

15. Համայնքների և շրջանների հաշվառման գրքերում լրացված սկզբնական հաշվառման տվյալների հիման վրա համայնքների ղեկավարները (Ստեփանակերտ քաղաքում` Ստեփանակերտի քաղաքապետը) և շրջանների վարչակազմերի ղեկավարները, անշարժ գույքի պետական միասնական կադաստրի վարմանն աջակցելու նպատակով, իրականացնում են անշարժ գույքի ընթացիկ հաշվառումը:

Անշարժ գույքի ընթացիկ հաշվառման ժամանակ հաշվի են առնվում հետևյալ փոփոխությունները.

ա) անշարժ գույքի սեփականության ձևի, իրավունքի տեսակի և սեփականատերերի (օգտագործողների), դրանց նկատմամբ սահմանափակումների.

բ) անշարժ գույքի նպատակային նշանակության.

գ) հողատեսքերի և հողամասերի, շենքերի, շինությունների օգտագործման նպատակի.

դ) հողամասերի, շենքերի, շինությունների չափսերի.

ե) համայնքների, շրջանների վարչական սահմանների.

զ) հողերի իրացման, բարելավման, բազմամյա տնկարկների (հիմնում, քանդում).

է) ոռոգելի և չորացված հողերի վիճակի.

ը) նոր անտառատնկումների և անտառահատումների թույլտվությունների.

թ) նոր հողօգտագործման (այդ թվում` ինքնակամ զբաղեցված հողի), շենքերի, շինությունների կառուցման (այդ թվում` ինքնակամ, ինչպես նաև ինքնակամ զբաղեցված), առկա անշարժ գույքի վերակառուցման, քանդման կամ վերացման.

ժ) անշարժ գույքի միավորման, բաժանման և հողամասերի սահմանների.

ժա) անշարժ գույքի որակական հատկանիշների:

16. Անշարժ գույքի հաշվառումն ընդգրկում է նաև անշարժ գույքի գույքագրումը: Անշարժ գույքի գույքագրումն կատարվում է սկզբնական հաշվառման տվյալների հիման վրա` անշարժ գույքի պետական միասնական կադաստրի տվյալների թարմացման նպատակով:

17. Անշարժ գույքի առկայության և բաշխման մասին հաշվետվության կազմման կարգն ու ժամկետները սահմանում է Լեռնային Ղարաբաղի Հանրապետության կառավարությունը:

Նշված հաշվետվության հաստատումից հետո ստացված տվյալները լրացվում են Լեռնային Ղարաբաղի Հանրապետության անշարժ գույքի պետական միասնական կադաստրում:

18. Անշարժ գույքի հաշվառման աշխատանքները կատավում են Լեռնային Ղարաբաղի Հանրապետության պետական բյուջեի միջոցների հաշվին:

 

 

Հաստատված է ԼՂՀ կառավարության 1999թ. մարտի 30-ի թիվ 63 որոշմամբ

 

ԿԱՐԳ

 

անշարժ գույքի կադաստրային գնահատման իրականացման

 

1. Անշարժ գույքի կադաստրային գնահատումն իրականացվում է`

ա) հողի հարկի և գույքահարկի գանձման նպատակով.

բ) անշարժ գույքի որակական չափանիշների և տնտեսական գնահատականի սահմանման նպատակով:

2. Անշարժ գույքի որակական չափանիշներն արտահայտվում են հողի և ամրակայված գույքի որակական հատկանիշներով, տեղադրությամբ (գոտիով), շենքերի և շինությունների կառուցապատման տեխնիկական վիճակով:

3. Անշարժ գույքի տնտեսական գնահատականն արտահայտվում է հողի և ամրակայված գույքի արտադրական հնարավորություններով, բնապահպանական և գործառական նշանակությամբ, տարածագնահատման գոտիականությամբ, տրանսպորտային հաղորդակցությունների հագեցվածությամբ և հողի բերրիությամբ:

4. Անշարժ գույքի կադաստրային գնահատումն իրականացնում է Լեռնային Ղարաբաղի Հանրապետության անշարժ գույքի պետական միասնական կադաստրի վարչությունը` իր տարածքային մարմինների միջոցով:

5. Կադասստրային գնահատման ենթակա է Լեռնային Ղարաբաղի Հանրապետության տարածքում սահմանված կարգով հաշվառված անշարժ գույքը (անկախ սեփականության ձևից):

6. Անշարժ գույքի կադաստրային գնահատումը կատարվում է Լեռնային Ղարաբաղի Հանրապետության օրենսդրությամբ սահմանված կարգով:

7. Անշարժ գույքի գնահատման նպատակով հանրապետության տարածքը բաժանվում է անշարժ գույքի տեղադրության (դիրքի) տարածագնահատման գոտիների:

8. Տարածագնահատման գոտիները հաստատում է Լեռնային Ղարաբաղի Հանրապետության կառավարությունը:

9. Մելիորատիվ նախապատրաստվող հողը և անավարտ (կիսակառույց) շենքերը, շինությունները գնահատվում են դրանք համապատասխան հողատեսքերի և շենքերի, շինությունների շարքը (ըստ ավարտվածության աստիճանի) դասելու միջոցով:

10. Մելիորատիվ նախապատրաստվող հողը և (կիսակառույց) շենքերը, շինությունները համապատասխան հողատեսքերի և շենքերի, շինությունների շարքը (ըստ ավարտվածության աստիճանի) դասելու տեխնիկական չափանիշներն ու կարգը հաստատում է Լեռնային Ղարաբաղի Հանրապետության կառավարությունը:

11. Անշարժ գույքի գնահատումը կատարվում է անշարժ գույքի հաշվառման տվյալների հիման վրա: Նշված տվյալների բացակայության կամ հողամասի և ամրակայված գույքի փոփոխության դեպքում անշարժ գույքի գնահատումը կատարվում է գնահատման համար անհրաժեշտ տվյալները տեղում հավաքելուց ու անհրաժեշտության դեպքում չափագրումներ, կադաստրային հանույթներ կատարելուց հետո: Տեղանքում (բնության մեջ) անշարժ գույքի վերաբերյալ անհրաժեշտ տվյալներ հավաքելը, չափագրումներ, կադաստրային հանույթներ կատարելը կարող են իրականացվել ինչպես անշարժ գույքի պետական միասնական կադաստր վարող մարմնի նախաձեռնությամբ, այնպես էլ` անշարժ գույքի սեփականատիրոջ կամ օգտագործողի պահանջով:

12. Անշարժ գույքի չափագրումներ, կադաստրային հանույթներ կատարելու համար անշարժ գույքի պետական միասնական կադաստր վարող մարմինը պարտավոր է նշված աշխատանքների իրականացման համար սահմանված ժամկետից 15 օր առաջ դրա մասին գրավոր հայտնել գույքի սեփականատիրոջը, օգտագործողին:

Աշխատանքների կատարման ժամկետի մասին ծանուցագիրն ուղարկվում է անշարժ գույքի հասցեով, եթե անշարժ գույքի սեփականատերը մինչև այդ այլ հասցե չի ներկայացրել:

Անշարժ գույքի սեփականատերը, օգտագործողը (նրանց ներկայացուցիչը) իրավունք ունի ոչ ուշ, քան աշխատանքների րականացման համար սահմանված ժամկետից 2 օր առաջ դիմելու անշարժ գույքի պետական միասնական կադաստր վարող մարմնին` աշխատանքների կատարման օրը կամ ժամը փոխելու համար: Փոխված ժամկետների մասին սեփականատերը, օգտագործողը (նրանց ներկայացուցիչը) գրավոր հայտնում է աշխատանքների կատարման համար սահմանված նոր ժամկետից 5 օր առաջ:

13. Անշարժ գույքի չափագրման, կադաստրային հանույթների աշխատանքները կատարվում են սեփականատիրոջ, օգտագործողի (նրանց ներկայացուցչի) ներկայությամբ: Անշարժ գույքի չափագրման տվյալները, կադաստրային հանույթները լրացվում են հատուկ ձևաթղթի (անշարժ գույքի դասավորության ուրվագծի) վրա, որն ստորագրում են չափագրողը և անշարժ գույքի սեփականատերը, օգտագործողը (նրանց ներկայացուցիչը): Ստորագրելուց սեփականատիրոջ, օգտագործողի (նրանց ներկայացուցչի) հրաժարման դեպքում անշարժ գույքի պետական միասնական կադաստր վարող մարմինը կազմում է դրա վերաբերյալ արձանագրություն:

14. Անշարժ գույքի սեփականատերը, օգտագործողը (նրանց ներկայացուցիչը) իրավունք ունի չափագրման և գնահատման վերաբերյալ իր առարկությունները գրավոր ներկայացնել անշարժ գույքի պետական միասնական կադաստր վարող մարմնի տարածքային մարմին կամ դրա վերադաս մարմին և պահանջել նոր չափագրում:

Անշարժ գույքի նոր չափագրումը կատարվում է հողի կամ ամրակայված գույքի սեփականատիրոջ, օգտագործողի հաշվին (բացի անշարժ գույքի պետական միասնական կադաստր վարող մարմնի նախաձեռնությամբ կատարված չափագրումներից):

Եթե անշարժ գույքի նոր չափագրման ընթացքում անշարժ գույքի գնահատման արժեքը չափագրման անճշտության հետևանքով փոխվի, ապա նոր չափագրման և գնահատման համար սեփականատիրոջ, օգտագործողի կողմից մուծված վճարը նրան է վերադարձվում նոր գնահատման աշխատանքների ավարտից հետո` երկօրյա ժամկետում: Սեփականատիրոջ, օգտագործողի հաշվին է կատարվում նաև այն անշարժ գույքի չափագրումը, որի սեփականատերը, օգտագործողը (նրանց ներկայացուցիչը) սահմանված ժամկետում չի մասնակցել չափագրման և գնահատման աշխատանքներին կամ չափագրման ընթացքում գրավոր առարկություններ չի ներկայացրել:

15. Եթե անշարժ գույքի սեփականատերը, օգտագործողը (նրանց ներկայացուցիչը) չափագրումների համար սահմանված ժամկետում չեն մասնակցում այդ աշխատանքներին, ապա անշարժ գույքի պետական միասնական կադաստր վարող մարմինն անշարժ գույքի չափագրումները կատարում է սեփականատիրոջ, օգտագործողի համաձայնությամբ, առանց նրանց մասնակցության` կազմելով դրա վերաբերյալ համապատասխան արձանագրություն:

16. Եթե անշարժ գույքի սեփականատերը, օգտագործողը (նրանց ներկայացուցիչը) սահմանված ժամկետում թույլ չեն տալիս իրականացնել չափագրման. կադաստրային հանույթների կատարման աշխատանքները, ապա անշարժ գույքի պետական միասնական կադաստր վարող մարմինն իրավունք ունի անշարժ գույքի դասավորության ուրվագիծը կազմել առանց սեփականատիրոջ, օգտագործողի (նրանց ներկայացուցչի) մասնակցության` ելնելով առկա այն տվյալներից, որոնք հնարավոր է ձեռք բերել առանց հողամաս կամ շինություն մուտք գործելու` նախօրոք կազմելով համապատասխան արձանագրություն:

17. Անշարժ գույքի չափագրման, կադաստրային հանույթների կատարման աշխատանքների ժամանակ անշարժ գույքի պետական միասնական կադաստր վարող մարմինն իրավունք ունի`

ա) անշարժ գույքի սեփականատիրոջ, օգտագործողի (նրանց ներկայացուցչի) մասնակցությամբ կատարելու հողամասերի, շենքերի, շինությունների անհրաժեշտ չափագրումներ.

բ) անհրաժեշտ փաստաթղթեր պահանջելու անշարժ գույքի սեփականատիրոջից, օգտագործողից (նրանց ներկայացուցչից) և նրանց համաձայնությամբ մուտք գործել հողամաս կամ շինության առանձին տարածքներ:

18. Անշարժ գույքի չափագրման, կադաստրային հանույթների կատարման աշխատանքների ժամանակ անշարժ գույքի պետական միասնական կադաստր վարող մարմինը պարտավոր է`

ա) անշարժ գույքի սեփականատիրոջ, օգտագործողի (նրանց ներկայացուցչի) պահանջով ներկայացնել իր ծառայողական վկայականը.

բ) աշխատանքները կատարել ժամը 9.00-ից մինչև ժամը 18.00-ն ընկած ժամանակահատվածում.

գ) աշխատանքները կատարելիս չվնասել սեփականատիրոջ, օգտագործողի գույքը.

դ) չափագրման արդյունքների մասին տեղեկացնել անշարժ գույքի սեփականատիրոջը, օգտագործողին (նրանց ներկայացուցչին).

ե) չհրապարակել անշարժ գույքի չափագրման ընթացքում իրեն հայտնի դարձած` անշարժ գույքի սեփականատիրոջ, օգտագործողի պետական, ծառայողական և առևտրային գաղտնիքները:

19. Անշարժ գույքի սեփականատերը, օգտագործողն իրավունք ունեն`

ա) ծանոթանալու անշարժ գույքի չափագրման, կադաստրային հանույթների և գնահատման վերաբերյալ բոլոր տվյալներին.

բ) անշարժ գույքի պետական միասնական կադաստր վարող մարմնի ներկայացուցչին չտրամադրելու նրա գործառույթներին չառնչվող փաստաթղթեր, թույլ չտալու իրականացնել անշարժ գույքի չափագրման, գնահատման աշխատանքներին չառնչվող գործողություններ.

գ) Լեռնային Ղարաբաղի Հանրապետության օրենսդրությամբ սահմանված կարգով պահանջելու հասցված վնասի փոխհատուցում:

20. Անշարժ գույքի սեփականատերը, օգտագործողը կամ նրանց ներկայացուցիչը պարտավոր են`

ա) անշարժ գույքի պետական միասնական կադաստր վարող մարմնի ներկայացուցչին թույլ տալ սահմանված ժամկետում անարգել իրականացնել սեփականության իրավունքով իրենց պատկանող կամ օգտագործման հանձնված հողամասի, շենքի, շինության չափագրումը, մասնակցել դրա աշխատանքներին.

բ) անշարժ գույքի պետական միասնական կադաստր վարող մարմնի ներկայացուցչին տրամադրել անհրաժեշտ փաստաթղթեր անշարժ գույքի փաստացի կատարված որակական և քանակական փոփոխությունների վերաբերյալ.

գ) չխոչընդոտել անշարժ գույքի չափագրումն իրականացնող անձանց աշխատանքները:

21. Անշարժ գույքի սեփականատերը, օգտագործողը կարող են անշարժ գույքի գնահատման արդյունքները գանգատարկել անշարժ գույքի պետական միասնական կադաստր վարող վերադաս մարմնին, որը պարտավոր է գանգատին պատասխանել այն ստանալու օրվանից մեկամսյա ժամկետում: Գանգատի վերաբերյալ անշարժ գույքի պետական միասնական կադաստր վարող վերադաս մարմնի պատասխանն անշարժ գույքի սեփականատիրոջ, օգտագործողի կողմից կարող է գանգատարկվել դատական կարգով:

22. Անշարժ գույքի պետական միասնական կադաստր վարող մարմնի ընդունած որոշման ու անշարժ գույքի գնահատման տվյալների գանգատարկումը հիմք չի հանդիսանում սեփականատիրոջ, օգտագործողի կողմից հողի հարկի և գույքահարկի չմուծման համար:

23. Անշարժ գույքի պետական միասնական կադաստր վարող մարմինը պարտավոր է սահմանված կարգով փոխհատուցել անշարժ գույքի սեփականատիրոջը, օգտագործողին, պետությանը` իր մեղքով կատարված սխալ գնահատումների կամ իր պարտականությունները չկատարելու կամ ոչ պատշաճ կատարելու հետևանքով պատճառված վնասները:

24. Լեռնային Ղարաբաղի Հանրապետության անշարժ գույքի պետական միասնական կադաստրի վարչության տարածքային մարմինները Լեռնային Ղարաբաղի Հանրապետության հարկային պետական վարչության համապատասխան տարածքային մարմիններ են ներկայացնում`

ա) մինչև յուրաքնաչյուր տարվա օգոստոսի 1-ը` համայնքների (Ստեփանակերտ քաղաքի), շրջանների վարչական սահմաններում հուլիսի 1-ի դրությամբ ԼՂՀ քաղաքացիներին սեփականության (օգտագործման) իրավունքով պատկանող` հաշվառված և գնահատված տնամերձ բնակելի տան շինարարության ու դրա սպասարկման, գյուղացիական կամ գյուղացիական կոլեկտիվ տնտեսություն վարելու, այգեգործական (ամառանոցային) հողամասերի ամփոփ ցուցակը` համաձայն N 1 հավելվածի, և նշված հողամասերի վերագնահատման ամփոփ հաշվարկը` համաձայն N 2 հավելվածի.

բ) մինչև յուրաքանչյուր տարվա օգոստոսի 1-ը` համայնքների (Ստեփանակերտ քաղաքի), շրջանների վարչական սահմաններում հուլիսի 1-ի դրությամբ ԼՂՀ պետական և ոչ պետական ձեռնարկություններին, կազմակերպություններին, օտարերկրյա պետություններին և միջազգային կազմակերպություններին, իրավաբանական անձանց, քաղաքացիներին և քաղաքացիություն չունեցող անձանց սեփականության (օգտագործման) իրավունքով պատկանող` հաշվառված և գնահատված հողամասերի ամփոփ ցուցակը` համաձայն N 3 հավելվածի, և նշված հողամասերի վերագնահատման ամփոփ հաշվարկը` համաձայն N 4 հավելվածի.

գ) մինչև յուրաքանչյուր ամսվա 15-ը` նախորդ ամսվա ընթացքում ԼՂՀ քաղաքացիներին սեփականության (օգտագործման) իրավունքով պատկանող հողամասերի, սեփականատերերի (օգտագործողների) փոփոխման վերաբերյալ տեղեկություններ` համաձայն N 5 հավելվածի.

դ) մինչև յուրաքանչյուր ամսվա 15-ը` նախորդ ամսվա ընթացքում ԼՂՀ պետական և ոչ պետական ձեռնարկություններին, կազմակերպություններին, օտարերկրյա պետություններին և միջազգային կազմակերպություններին, իրավաբանական անձանց, քաղաքացիներին և քաղաքացիություն չունեցող անձանց սեփականության (օգտագործման) իրավունքով պատկանող հողամասերի, սեփականատերերի (օգտագործողների) փոփոխման վերաբեյալ տեղեկություններ` համաձայն N 6 հավելվածի.

ե) մինչև յուրաքանչյուր ամսվա 15-ը` նախորդ ամսվա ընթացքում սեփականության (օգտագործման) իրավունքով նոր գրանցված հողամասերի, հաշվառման և գնահատման վերաբերյալ տեղեկություններ` համաձայն N 7 հավելվածի.

զ) մինչև յուրաքանչյուր ամսվա 15-ը` նախորդ ամսվա ընթացքում հողամասերի նկատմամբ սեփականության (օգտագործման) իրավունքի դադարման վերաբերյալ տեղեկություններ` համաձայն N 8 հավելվածի.

է) մինչև յուրաքանչյուր ամսվա 15-ը` նախորդ ամսվա ընթացքում ինքնակամ զբաղեցված հողերի վերաբերյալ տեղեկություններ` համաձայն N 9 հավելվածի.

ը) մինչև գնահատման (վերագնահատման) տարվա սեպտեմբերի 1-ը` համայնքների (Ստեփանակերտ քաղաքի), շրջանների վարչական սահմաններում տվյալ տարվա հուլիսի 1-ի դրությամբ հարկատուներին սեփականության (օգտագործման) իրավունքով պատկանող` հաշվառված և գնահատված բնակելի, հասարակական ու արտադրական նշանակության շենքերի և շինությունների (այդ թվում` կիսակառույց) ամփոփ ցուցակը` համաձայն N 10 հավելվածի, և նշված շենքերի ու շինությունների գնահատման ամփոփ հաշվարկները` համաձայն NN 11 և 11ա հավելվածների.

թ) մինչև յուրաքանչյուր ամսվա 15-ը` նախորդ ամսվա ընթացքում հարկատուներին սեփականության (օգտագործման) իրավունքով պատկանող շենքերի և շինությունների (այդ թվում` կիսակառույց), սեփականատերերի (օգտագործողների) փոփոխման վերաբերյալ տեղեկություններ` համաձայն N 12 հավելվածի.

ժ) մինչև յուրաքանչյուր ամսվա 15-ը` նախորդ ամսվա ընթացքում սեփականության (օգտագործման) իրավունքով նոր գրանցված շենքերի և շինությունների (այդ թվում` կիսակառույց) հաշվառման և գնահատման վերաբերյալ տեղեկություններ` համաձայն N 13 հավելվածի.

ժա) մինչև յուրաքանչյուր ամսվա 15-ը` նախորդ ամսվա ընթացքում շենքերի և շինությունների (այդ թվում` կիսակառույց) նկատմամբ սեփականության (օգտագործման) իրավունքի դադարման վերաբերյալ տեղեկություններ` համաձայն N 14 հավելվածի.

ժբ) մինչև յուրաքանչյուր ամսվա 15-ը` նախորդ ամսվա ընթացքում քանդված կամ վերացված շենքերի և շինությունների վերաբերյալ տեղեկություններ` համաձայն N 15 հավելվածի.

ժգ) մինչև յուրաքանչյուր ամսվա 15-ը` նախորդ ամսվա ընթացքում ինքնակամ կառուցված (զբաղեցված) շենքերի և շինությունների վերաբերյալ տեղեկություններ` համաձայն N 16 հավելվածի:

 

 

Հաստատված է ԼՂՀ կառավարության 1999թ. մարտի «30»-ի թիվ 63 որոշմամբ

 

ԿԱՐԳ

 

անշարժ գույքի պետական գրանցման

 

1, Անշարժ գույքի պետական գրանցումն իրականացնում է Լեռնային Ղարաբաղի Հանրապետության անշարժ գույքի պետական միասնական կադաստրի վարչությունը` իր տարածքային մարմինների միջոցով:

2. Անշարժ գույքի պետական գրանցման օբյեկտներ են ԼՂՀ տարածքում առկա անշարժ գույքը (անկախ սեփականության ձևից), դրա նկատմամբ սեփականության (օգտագործման) իրավունքը, դրա նկատմամբ սահմանափակումները, գրավը (հիփոթեք), օգտակալությունը (սերվիտուտ) և այլ իրավունքներ, դրանց ծագումը, փոփոխումը, դադարումը:

3. Անշարժ գույքի սեփականության (օգտագործման) իրավունքի պետական գրանցման սուբյեկտներն են`

ա) Լեռնային Ղարաբաղի Հանրապետությունը`

ի դեմս Ազգային ժողովի` օրենսդրությամբ վերապահված լիազորությունների սահմաններում.

ի դեմս կառավարության` օրենսդրությամբ վերապահված լիազորությունների սահմաններում.

բ) համայնքները`

ի դեմս տեղական ինքնակառավարման մարմինների` օրենսդրությամբ նրանց վերապահված իրավասությունների սահմաններում.

գ) իրավաբանական անձինք (պետական ձեռնարկությունները, պետական հիմնարկները և կազմակերպությունները, ոչ պետական ձեռնարկությունները և կազմակերպությունները).

դ) քաղաքացիները.

ե) օտարերկրյա`

- պետությունները և միջազգային կազմակերպությունները.

- իրավաբանական անձինք.

- քաղաքացիները և քաղաքացիություն չունեցող անձինք:

4. Պարտադիր պետական գրանցման ենթակա անշարժ գույքն ու փաստաթղթերն են`

ա) անշարժ գույքի սուբյեկտներին հատկացված և որպես սեփականություն կամ օգտագործման անցած հողամասերը (տնամերձ, այգեգործական (ամառանոցային), բնակելի տան շինարարության և դրա սպասարկման, գյուղացիական կամ գյուղացիական կոլեկտիվ տնտեսություն վարելու, ինչպես նաև քաղաքաշինական գործունեություն ծավալելու համար) և շենքերը, շինությունները.

բ) անշարժ գույքի օտարման (ձեռքբերման), վարձակալության, ենթավարձակալության, օգտագործման, գրավի (հիփոթեքի), փոխանակման և օգտակալության պայմանագրերը, օգտակալության վերաբերյալ որոշումները, դատական վճիռները, ինչպես նաև սեփականության (օգտագործման) իրավունքով պատկանող անշարժ գույքի սեփականատերերի (օգտագործողների) փոփոխման մասին որոշումները.

գ) հողամասերը, շենքերը, շինությունները մշտական օգտագործման հանձնելու մասին որոշումները կամ պայմանագրերը.

դ) հողամասերի սահմանների փոփոխման, միավորման և բաժանման մասին պայմանագրերը.

ե) անշարժ գույքի օգտագործման սահմանափակումների մասին որոշումները կամ պայմանագրերը.

զ) անշարժ գույքի նկատմամբ սեփականության իրավունքի դադարման մասին որոշումները, վճիռներն ու դատավճիռները.

է) հողամասերի, շենքերի, շինությունների մշտական օգտագործման կամ վարձակալության իրավունքի դադարման մասին որոշումներն ու վճիռները.

ը) անշարժ գույքից կամ նրա մի մասից սեփականատիրոջ հրաժարվելու մասին որոշումները.

թ) անշարժ գույքի նկատմամաբ սեփականության իրավունքի առանձին իրավազորություններ (անշարժ գույքը տիրապետելու, օգտագործելու, փոփոխությունների ենթարկելու, սեփականության իրավունքը փոփոխելու, այլ անձանց իրավունքը բացառելու).

ժ) Լեռնային Ղարաբաղի Հանրապետության օրենսդրությամբ սահմանված կարգով անշարժ գույքի ձեռքբերման վերաբերյալ այլ փաստաթղթեր:

5. Լեռնային Ղարաբաղի Հանրապետությունում գործում է անշարժ գույքի միավորների հաշվառման և պետական գրանցման միասնական համակարգ:

6. Անշարժ գույքի պետական գրանցման համակարգի հիմնական փաստաթղթերն են`

ա) անշարժ գույքի նկատմամբ իրավունքների պետական գրանցման միասնական մատյանը.

բ) կադաստրային քարտեզը (հատակագիծը).

գ) անշարժ գույքի յուրաքանչյուր օբյեկտի համար կազմված կադաստրային գործը:

7. Անշարժ գույքի նկատմամբ իրավունքների պետական գրանցման միասնական մատյանը բաղկացած է անշարժ գույքի միավորի գրանցման թերթիկներից: Անշարժ գույքի յուրաքանչյուր միավորի համար լրացվում է առանձին գրանցման թերթիկ:

Գրանցման թերթիկը բաժանվում է հետևյալ բաժինների.

ա) անշարժ գույքի միավորի նկարագրում, որտեղ նշվում են հողամասի, շենքի, շինության կադաստրային ծածկագիրը, գտնվելու վայրը, չափը, կադաստրային արժեքը, օգտագործման նպատակը, նպատակային նշանակությունը և այլն.

բ) անշարժ գույքի միավորի նկատմամբ իրավազորությունները, ինչպես նաև այդ իրավազորությունների սուբյեկտները և նրանց մասին տվյալները.

գ) անշարժ գույքի միավորի նկատմամբ սահմանափակումները:

Անշարժ գույքի նկատմամբ իրավունքների պետական գրանցման միասնական մատյանում գրանցումները կատարվում են ըստ սեփականության ձևերի: Անշարժ գույքի նկատմամբ իրավունքների պետական գրանցման միասնական մատյանի ձևը հաստատում է Լեռնային Ղարաբաղի Հանրապետության կառավարությունը:

8. Անշարժ գույքի պետական գրանցման նպատակով Լեռնային Ղարաբաղի Հանրապետության տարածքը բաժանվում է կադաստրային տարածքների, ենթատարածքների, սեկտորների, թաղամասերի և անշարժ գույքի միավորների, որոնց համար կազմվում են կադաստրային քարտեզներ (հատակագծեր): Կադաստրային քարտեզում արտացոլվում են անշարժ գույքի միավորները, սահմանները, դրանց տեղադրությունը, տեսքերն ու տեսակները և այլն: Կադաստրային քարտեզներում նշված հողամասերի, շենքերի, շինությունների և այլ ամրակայված գույքի սահմանագծերի և անկյունագծերի կոորդինատները լրացվում են անշարժ գույքի պետական միասնական կադաստրի կոորդինատային ժողովածուում և կապակցվում Լեռնային Ղարաբաղի Հանրապետությունում գործող ընդհանուր կոորդինատային համակարգին:

Կադաստրային քարտեզների ձևերն ու մասշտաբները սահմանվում են Լեռնային Ղարաբաղի Հանրապետության կառավարության կողմից:

Սեփականատիրոջ ցանկությամբ, սահմանված կարգով վճարի մուծումից հետո, հողակտորի սահմանագծերն անշարժ գույքի պետական միասնական կադաստր վարող մարմնի կողմից տեղանքում ամրացվում են համապատասխան սահմանանիշերով: Սահմանանիշերը անօրինականորեն փոխելու, վնասելու կամ սահմանագծի խախտման դեպքում մեղավոր անձինք օրենքով սահմանված կարգով ենթարկվում են պատասխանատվության և վճարում են բոլոր ծախսերը` կապված սահմանանիշերի վերականգնման հետ:

9. Անշարժ գույքի, յուրաքանչյուր օբյեկտի համար կազմվում է կադաստրային գործ, որի մեջ ընդգրկվում են անշարժ գույքի առանձին միավորների նկատմամբ իրավունքներ և սահմանափակումներ հաստատող հետևյալ փաստաթղթերը.

ա) սեփականատիրոջ, օգտագործողի դիմումը.

բ) անշարժ գույքի սուբյեկտներին հատկացված և որպես սեփականություն կամ օգտագործման անցած հողերի (տնամերձ, այգեգործական (ամառանոցային), բնակելի տան շինարարության և դրա սպասարկման, գյուղացիական կամ գյուղացիական կոլեկտիվ տնտեսություն վարելու, ինչպես նաև քաղաքաշինական գործունեություն ծավալելու համար) և շենքերի, շինությունների մասին որոշումներ.

գ) ավարտված շինարարությամբ, վերակառուցմամբ շենքերի և շինությունների` շահագործման հանձնման վերաբերյալ փաստաթղթեր.

դ) հողամասի, շենքերի, շինությունների հատակագծեր` տրված համապատասխան պետական իրավասու մարմինների կողմից.

ե) կտակի և ըստ օրենքի իրավահաջորդության իրավունքը հաստատող փաստաթղթեր.

զ) Լեռնային Ղարաբաղի Հանրապետության օրենսդրությամբ սահմանված կարգով կնքված, պետական սեփականություն հանդիսացող անշարժ գույքի սեփականաշնորհման պայմանագրեր.

է) անշարժ գույքի բռնագրավման վերաբերյալ վճիռներ և դատավճիռներ.

ը) անշարժ գույքի նկատմամբ համատեղ կամ ընդհանուր բաժնային սեփականության չափը հաստատող փաստաթղթեր.

թ) գյուղական բնակավայրերում տնտեսությունների գրքերից (ծխամատյաններ) կատարված քաղվածքներ.

ժ) անշարժ գույքի օտարման (ձեռքբերման), վարձակալության, ենթավարձակալության, օգտագործման, հիփոթեքի, փոխանակման և սերվիտուտի պայմանագրեր, ինչպես նաև սերվիտուտի վերաբերյալ դատական որոշումներ ու վճիռներ.

ժա) հողը, շենքերը, շինությունները օգտագործման հանձնելու մասին որոշումներ կամ պայմանագրեր.

ժբ) հողամասի սահմանների փոփոխման, միավորման կամ բաժանման մասին պայմանագրեր.

ժգ) անշարժ գույքի նկատմամբ սեփականության իրավունքի դադարման մասին որոշումներ,վճիռներ ու դատավճիռներ.

ժդ) հողի, շենքերի, շինությունների օգտագործման կամ վարձակալության իրավունքի դադարման մասին որոշումներ ու վճիռներ.

ժե) անշարժ գույքի կամ նրա մի մասից սեփականատիրոջ հրաժարվելու մասին որոշումներ.

ժզ) անշարժ գույքի նկատմամբ սեփականության իրավունքի առանձին իրավազորություններ (անշարժ գույքը տիրապետելու, օգտագործելու, փոփոխությունների ենթարկելու, հիփոթեքի տակ դնելու, սեփականության իրավունքը փոփոխելու, այլ անձանց իրավունքը բացառելու) հաստատող և Լեռնային Ղարաբաղի Հանրապետության օրենսդրությամբ սահմանված` անշարժ գույքի օտարման և օգտագործման հանձնելու վերաբերյալ այլ փաստաթղթեր.

ժէ) անշարժ գույքի պետական գրանցման նպատակով մուծված պետական տուրքի անդորրագիր:

10. Դիմումների հաշվառման մատյանում կատարվում են հետևյալ նշումները.

ա) դիմումի ընդունման օրը, ժամը, ընդունված փաստաթղթերի ցանկը.

բ) դիմողի տվյալները` համաձայն հավաստող փաստաթղթի.

դ) անշարժ գույքի պետական գրանցման վերաբերյալ այլ նշումներ.

ե) դիմողի և դիմումն ընդունող անձի ստորագրությունները:

Դիմումների հաշվառման մատյանի ձևը հաստատում է Լեռնային Ղարաբաղի Հանրապետության անշարժ գույքի պետական միասնական կադաստրի վարչությունը:

11. Անշարժ գույքի նկատմամբ իրավազորություններ ունեցող սուբյեկտները Լեռնային Ղարաբաղի Հանրապետության օրենսդրությամբ սահմանված կարգով անշարժ գույքի պետական միասնական կադաստր վարող մարմնի տարածքային մարմիններ են ներկայացնում անշարժ գույքի պետական գրանցման ենթակա փաստաթղթերը: Անշարժ գույքի պետական միասնական կադաստր վարող տարածքային մարմիններն ստուգում են ներկայացված փաստաթղթերի համապատասխանությունը Լեռնային Ղարաբաղի Հանրապետության օրենսդրությանը: Անհամապատասխանության դեպքում ներկայացված փաստաթղթերը հնգօրյա ժամկետում վերադարձվում են` թերությունների մասին պարտադիր նշումներով: Փաստաթղթերի ստուգումից հետո կազմվում է անշարժ գույքի վերաբերյալ կադաստրային գործ, և գրանցում է կատարվում անշարժ գույքի պետական գրանցման միասնական մատյանում:

12. Անշարժ գույքը գրանցված է համարվում անշարժ գույքի պետական գրանցման միասնական մատյանում գրանցման պահից, որից հետո անշարժ գույքի վերաբերյալ տեղեկությունները 24 ժամվա ընթացքում փոխանցվում են անշարժ գույքի պետական միասնական կադաստրի տեղեկատվական կենտրոն:

13. Անշարժ գույքի պետական գրանցումից անմիջապես հետո Լեռնային Ղարաբաղի Հանրապետության անշարժ գույքի պետական միասնական կադաստր վարող տարածքային մարմնի կողմից տրվում է անշարժ գույքի սեփականության (օգտագործման) իրավունքի գրանցման վկայական:

Անշարժ գույքի սեփականության (օգտագործման) իրավունքի գրանցման վկայականի ձևը հաստատում է Լեռնային Ղարաբաղի Հանրապետության կառավարությունը:

14. Անշարժ գույքի պետական գրանցումը կատարում է անշարժ գույքի գտնվելու վայրի` անշարժ գույքի պետական միասնական կադաստր վարող տարածքային մարմինը:

15. Անշարժ գույքի պետական գրանցումը կատարվում է 15-օրյա ժամկետում` անշարժ գույքի պետական միասնական կադաստր վարող մարմինների կողմից փաստաթղթերի ընդունման օրվանից սկսած:

16. Հողամասերի սահմանների փոփոխման (միավորման կամ բաժանման) պայմանագրերը ենթակա են պետական գրանցման: Փոփոխությունները կատարվում են օրենքով նախատեսված դեպքերում` համապատասխան փաստաթղթերի (դրանց գրանցման թերթիկները փակելու և գրանցման նոր թերթիկներ բացելու միջոցով) և դատարանի վճռի առկայության դեպքում, որոնց հիման վրա փոփոխություններ են կատարվում անշարժ գույքի կադաստրային քարտեզներում և անշարժ գույքի նկատմամբ իրավունքը հաստատող փաստաթղթերում:

17. Հողամասերի սահմանների փոփոխման, միավորման կամ բաժանման վերաբերյալ դիմումները կարող են մերժվել, եթե այդ փոփոխությունները հակասում են օրենքին, քաղաքաշինական, հողաշինարարական կամ սանիտարական նորմերին: Անշարժ գույքի օբյեկտի որևէ մասը և դրա նկատմամբ իրավազորությունը չեն կարող ստանալ պետական գրանցում, եթե սեփականատերն անշարժ գույքը նախապես սահմանված կարգով չի բաժանել առանձին միավորների:

18. Անշարժ գույքի գրավի (հիփոթեքի) պայմանագիրը ենթակա է պետական գրանցման: Գրավի (հիփոթեքի) պայմանագրի պետական գրանցումը կատարվում է գրավի (հիփոթեքի) առարկա հանդիսացող գույքի գտնվելու վայրում:

Իրավաբանական անձանց` մի քանի վայրում գտնվող անշարժ գույքի գրավի (հիփոթեքի) պայմանագիրը գրանցվում է իրավաբանական անձի գտնվելու վայրում: Գրավի (հիփոթեքի) պայմանագրի պետական գրանցումը կատարվում է գրավատուի դիմումի հիման վրա: Գրավի (հիփոթեքի) պայմանագրի պետական գրանցման համար պետք է ներկայացվի գրավի (հիփոթեքի) պայմանագիրը:

19. Անշարժ գույքի գրավի (հիփոթեքի) պարտավորության ծավալի, ժամկետի, ինչպես նաև գրավի (հիփոթեքի) առարկա հանդիսացող անշարժ գույքի սեփականատիրոջ փոփոխման դեպքում գրավառուի համաձայնությամբ կատարվում է գրավի (հիփոթեքի) պայմանագրի վերագրանցում: Գրավի (հիփոթեքի) պայմանագրի գրանցումն ուժի մեջ է մինչև գրավով (հիփոթեքով) ապահովված պարտավորության լրիվ կատարումը:

20. Այն դեպքում, երբ անշարժ գույքի գրավի (հիփոթեքի) մասին երկու և ավելի պայմանագրեր գրանցված են եղել միևնույն անշարժ գույքի գրավի (հիփոթեքի) առարկայի նկատմամբ, նախապատվություն ունի այն պահանջը, որը բխում է ավելի վաղ գրանցված պայմանագրից:

21. Անշարժ գույքի գրավի (հիփոթեքի) իրավունքի գրանցումը և հիփոթեքի իրավունքի գրանցման վկայականը չեղյալ են հայտարարվում`

ա) հիփոթեքի վկայականի տիրոջ դիմումով.

բ) գրավառուի և գրավատուի համատեղ դիմումի հիման վրա.

գ) անշարժ գույքի գրավը (հիփոթեքը) դադարեցնելու մասին դատարանի վճռով, որոշումով:

22. Անշարժ գույքի գրավի (հիփոթեքի) պայմանագրի գրանցումից հետո անշարժ գույքի նկատմամբ սահմանված կարգով սահմանափակում (արգելադրում) է կիրառվում: Անշարժ գույքի գրավի (հիփոթեքի) պայմանագրի գրանցման ընթացքում դրան հակասող փաստաթուղթ չպետք է գրանցվի:

23. Անշարժ գույքի գրավի (հիփոթեքի) պայմանագրի պետական գրանցումից անմիջապես հետո անշարժ գույքի պետական միասնական կադաստր վարող մարմինը գրավառուին է տալիս գրավի (հիփոթեքի) իրավունքի գրանցման վկայական, որի ձևը հաստատում է Լեռնային Ղարաբաղի Հանրապետության կառավարությունը:

24. Գրավի (հիփոթեքի) պայմանագրի պետական գրանցումը հաստատվում է գրավի (հիփոթեքի) պայմանագրի հիման վրա` գրավը (հիփոթեքը) գրանցած մարմնի լրիվ անվանման, գրանցման տարվա, ամսվա, ամսաթվի, վայրի և գրանցման համարի նշումով: Այդ տվյալները վավերացվում են անշարժ գույքի պետական միասնական կադաստր վարող մարմնի պաշտոնատար անձի ստորագրությամբ և կնիքով: Անշարժ գույքի պետական միասնական կադաստր վարող մարմինը գրավի (հիփոթեքի) պայմանագրի պատճենը պահում է իր գործերում:

25. Պետական սեփականություն հանդիսացող անշարժ գույքի օգտագործման (այդ թվում` վարձակալության) իրավունքը պետական մարմնի կողմից որևէ այլ անձի` սահմանված կարգով տրամադրելիս, անշարժ գույքի պետական գրանցման միասնական մատյանում գրանցվում են օգտագործման (այդ թվում` վարձակալության) իրավունք ստացած անձի մասին տվյալները:

26. Համայնքի սեփականություն հանդիսացող անշարժ գույքի օգտագործման (այդ թվում` վարձակալության) իրավունքը համայնքի ղեկավարի կողմից որևէ այլ անձի` սահմանված կարգով տրամադրելիս, անշարժ գույքի պետական գրանցման միասնական մատյանում գրանցվում են օգտագործման (այդ թվում` վարձակալության) իրավունք ստացած անձի մասին տվյալները:

27. Անշարժ գույքի վարձակալության պայմանագրերը ենթակա են պետական գրանցման` համաձայն սույն կարգի: Վարձակալության պայմանագրի պետական գրանցումը կատարվում է վարձակալության առարկա հանդիսացող անշարժ գույքի գտնվելու վայրում: Վարձակալության պայմանագրի պետական գրանցումը կատարվում է վարձակալի դիմումի հիման վրա: Վարձակալության պայմանագրի պետական գրանցման համար պետք է ներկայացվեն վարձակալության պայմանագիրը և պայմանագրում նշված փաստաթղթերը:

28. Անշարժ գույքի վարձակալության պայմանագրի, պարտավորությունների, ժամկետի, ինչպես նաև վարձակալության տրված անշարժ գույքի սեփականատիրոջ փոփոխման դեպքում կատարվում է անշարժ գույքի վարձակալության պայմանագրի վերագրանցում: Անշարժ գույքի վարձակալության պայմանագրի գրանցումն ուժի մեջ է մինչև նշված պայամանագրով նախատեսված ժամկետի ավարտը:

Անշարժ գույքի վարձակալության իրավունքի պետական գրանցումը և անշարժ գույքի վարձակալության իրավունքի գրանցման վկայականը չեղյալ են հայտարարվում`

ա) վարձակալի և վարձատուի համատեղ դիմումի հիման վրա.

բ) անշարժ գույքի վարձակալության պայմանագիրը դադարեցնելու մասին դատարանի վճռով.

գ) վարձակալության պայմանագրի ժամկետի ավարտվելու դեպքում:

Անշարժ գույքի վարձակալության պայմանագիրը գրանցված է համարվում անշարժ գույքի պետական գրանցման միասնական մատյանում` գրանցման պահից:

Վարձակալի իրավունքները հաստատվում են վարձակալության իրավունքի գրանցման վկայականով, որի ձևը հաստատում է Լեռնային Ղարաբաղի Հանրապետության կառավարությունը: Պետական գրանցման ենթակա են նաև ենթավարձակալության պայմանագրերը (անշարժ գույքի վարձակալության պայմանագրերի պետական գրանցման կարգին համապատասխան):

29. Պետական գրանցման ենթակա են նաև անշարժ գույքը տիրապետելու, օգտագործելու, փոփոխությունների ենթարկելու, անշարժ գույքի նկատմամբ այլ անձանց իրավունքը բացառելու, սեփականության իրավունքը փոփոխելու իրավազորությունները:

30. Եթե պետությունը կամ որևէ անձ, համաձայն օրենքի, դատարանի վճռի կամ որևէ այլ իրավական ակտի, անշարժ գույքի նկատմամբ ձեռք է բերում սեփականության իրավունք, ապա շահագրգիռ անձանց դիմումի հիման վրա, անհրաժեշտ փաստաթղթերի առկայության դեպքում, պետությունը կամ կոնկրետ անձն անշարժ գույքի պետական գրանցման միասնական մատյանում գրանցվում է որպես սեփականատեր:

31. Անշարժ գույքի նկատմամբ սեփականության իրավունքի դադարեցման մասին դատարանի վճիռները, դատավճիռները, անշարժ գույքից կամ դրա մի մասից սեփականատիրոջ հրաժարվելու մասին որոշումները, անշարժ գույքի վարձակալության, մշտական օգռագործման իրավունքի դադարեցման մասին որոշումները ենթակա են պետական գրանցման` համապատասխան փոփոխություններ կատարելով անշարժ գույքի պետական գրանցման միասնական մատյանում և կադաստրային քարտեզում:

32. Պետական գրանցման է ենթակա անշարժ գույքի արտոնված օգտագործման իրավունքը:

Արտոնված օգտագործման իրավունքի պետական գրանցումը կատարվում է սույն կարգին համապատասխան:

33. Երկու և ավելի սեփականատերերի պատկանող անշարժ գույքի պետական գրանցումը (յուրաքանչյուրի գրանցման թերթիկը) պետք է պարունակի ընդհանուր համատեղ և ընդհանուր բաժնային սեփականության մասին տեղեկություններ, իսկ ընդհանուր բաժնային սեփականության դեպքում պետք է նշվի յուրաքանչյուր սեփականատիրոջ բաժնեմասը:

34. Պետական պարտադիր գրանցման են ենթակա նաև օգտակալության պայմանագրերը:

Օգտակալության իրավունք կարող է տրվել նաև դատարանի վճռով:

Օգտակալության վերաբերյալ անշարժ գույքի պետական գրանցման միասնական մատյանում փոփոխությունները կատարվում են շահագրգիռ անձանց դիմումների հիման վրա կամ դատարանի վճռով:

35. Անշարժ գույքի նկատմամբ սահմանափակումների վերաբերյալ դատարանի վճռի առկայության դեպքում անշարժ գույքը ենթակա չէ պետական գրանցման:

Սահմանափակման գրանցման ընթացքում դրան հակասող փաստաթուղթ չպետք է գրանցվի:

36. Այն անշարժ գույքի օբյեկտի գրանցումը, որը գտնվում է չգրանցված հողամասում, որի օրինականությունը, սակայն, հաստատվում է համապատասխան փաստաթղթերով, կատարվում է սույն կարգին համապատասխան, իսկ չգրանցված հողամասին տրվում է պայմանական համար:

37. Շենքերում գտնվող անշարժ գույքի առանձին օբյեկտներից (միավորներից` բնակարաններ, առևտրի, սպասարկման օբյեկտներ և այլն) յուրաքանչյուրը, որը մեկից ավելի սեփականատերի սեփականություն է, իր առանձին համարով պետք է գրանցվի անշարժ գույքի կադաստրային քարտեզում և պետք է ունենա առանձին գրանցման թերթիկ:

Շենքերում գտնվող բնակարանների, առևտրի, սպասարկման օբյեկտների և այլ շինությունների անհատական համարները պետք է կապված լինեն այն հողակտորների համարներին, որոնց վրա գտնվում են այդ շենքերը:

Անշարժ գույքի պետական գրանցման թերթիկում պետք է նշվի տվյալ անշարժ գույքի միավորին վերաբերող ընդհանուր տարածքի նկատմամբ իրավունքի տեսակը:

Անշարժ գույքի կադաստրային գործում պետք է լինի շենքի հատակագիծը, որտեղ պետք է նշվեն անշարժ գույքի առանձին միավորները, ընդհանուր սեփականության կամ օգտագործման տրված յուրաքանչյուր մասը:

Շենքում գտնվող անշարժ գույքի յուրաքանչյուր օբյեկտին (միավորին) վերաբերող փաստաթուղթ, համաձայնագիր կամ սահմանափակում պետք է ընդգրկվեն անշարժ գույքի բոլոր օբյեկտների գրանցման թերթիկներում և կադաստրային գործերում, որոնց վերաբերում են նշված փաստաթղթերը, համաձայնագրերը կամ սահմանափակումները:

38. Անշարժ գույքի սեփականատերերը, օգտագործողներն իրավունք ունեն`

ա) սահմանված կարգով ստանալու կադաստրային տեղեկություններ անշարժ գույքի կադաստրային տվյալների վերաբերյալ.

բ) վերադասության, դատական կարգով գանգատարկելու անշարժ գույքի պետական միասնական կադաստր վարող մարմնի պաշտոնատար անձանց գործողությունները.

գ) դատական կարգով պահանջելու անշարժ գույքի պետական միասնական կադաստր վարող մարմնի պաշտոնատար անձանց ապօրինի գործողությունների պատճառով իրենց հասցված վնասի փոխհատուցումը:

39. Անշարժ գույքի պետական միասնական կադաստր վարող մարմնի կողմից չեն ընդունվում մատիտով գրված, ոչ պատշաճ մակարդակով ձևակերպված, ջնջումներով, ուղղումներով ներկայացված փաստաթղթերը:

Անշարժ գույքի պետական գրանցման ենթակա փաստաթղթերը ներկայացվում են երկու օրինակից` բնօրինակը և պատճենը:

40. Անշարժ գույքի պետական գրանցման ժամանակ թույլ տրված սխալների ուղղումը կատարվում է դիմումի հիման վրա կամ անշարժ գույքի պետական միասնական կադաստր վարող մարմնի պաշտոնատար անձի նախաձեռնությամբ` անհրաժեշտ փաստաթղթերի առկայության դեպքում:

41. Անշարժ գույքի պետական գրանցման ժամանակ թույլ տրված սխալները, եթե դրանք էականորեն չեն ազդում անշարժ գույքի նկատմամբ իրավազորությունների բնույթի և բովանդակության վրա, կարող են անշարժ գույքի պետական միասնական կադաստր վարող մարմնի կողմից ուղղվել ինքուրույնաբար` դրա մասին տեղյակ պահելով շահագրգիռ կողմերին:

42. Անշարժ գույքի պետական գրանցման ժամանակ թույլ տրված սխալները, եթե դրանք ազդում են անշարժ գույքի նկատմամբ իրավազորությունների բնույթի և բովանդակության վրա, կարող են ուղղվել անշարժ գույքի պետական միասնական կադաստր վարող մարմնի կողմից` միայն շահագրգիռ կողմերի գրավոր համաձայնության առկայության դեպքում:

43. Եթե անշարժ գույքի պետական գրանցումը կատարվել է որևէ իրավասու պետական մարմնի տված փաստաթղթի հիման վրա, ապա թույլ տրված սխալների ուղղումը կարող է կատարվել միայն այդ մարմնի ներկայացրած փաստաթղթում համապատասխան ուղղում կատարելուց հետո:

44. Անշարժ գույքի պետական գրանցման համար նյութերը նախապատրաստելու, փաստաթղթերի պատճենները և այլ փաստաթղթերը տալու համար անշարժ գույքի պետական միասնական կադաստր վարող մարմնի կողմից գանձվում է պետական տուրք` օրենքով սահմանված չափով: Փաստաթղթերի պատճենները տրվում են շահագրգիռ անձանց դիմումների հիման վրա: Պատճենների վրա նշվում են իսկական փաստաթղթի գրանցման համարը, ամսաթիվը, ինչպես նաև` պատճենը տալու ամսաթիվը:

45. Անշարժ գույքի պետական միասնական կադաստր վարող մարմին ներկայացված փաստաթղթերի գրանցումը մերժվում է, եթե դրանք չեն համապատասխանում Լեռնային Ղարաբաղի Հանրապետության օրենսդրությանը:

Արգելվում է այլ պատճառով անշարժ գույքի պետական գրանցման մերժումը (այդ թվում` աննպատակահարմարության պատճառաբանությամբ):

46. Անշարժ գույքի պետական գրանցման համակարգը բաց է:

Միայն պետական, ծառայողական և առևտրային գաղտնիք պարունակող կադաստրային տվյալները հրապարակման ենթակա չեն:

Անշարժ գույքի կադաստրային տվյալները պահպանվում են Լեռնային Ղարաբաղի Հանրապետության օրենսդրությամբ սահմանված կարգով:

Անշարժ գույքի կադաստրային տվյալների մասին տեղեկության տրամադրման կարգը սահմանում է Լեռնային Ղարաբաղի Հանրապետության կառավարությունը:

Պետական, ծառայողական և առևտրային գաղտնիք պարունակող, պետական գաղտնիք հանդիսացող կամ գաղտնագրված տեղեկությունների բացահայտմանը նպաստող տեղեկատվություն պարունակող անշարժ գույքի նկատմամբ իրավունքը գրանցվում է հատուկ կարգով, որը սահմանում է Լեռնային Ղարաբաղի Հանրապետության անշարժ գույքի պետական միասնական կադաստրի վարչությունը` համաձայնեցնելով Լեռնային Ղարաբաղի Հանրապետության ներքին գործերի նախարարության և ազգային անվտանգության պետական վարչության հետ:

(46-րդ կետը լրաց. 01.02.2000 N 10)

47. Անշարժ գույքի պետական միասնական կադաստրի տվյալների մասին տեղեկատվությունը հրապարակելիս անշարժ գույքի պետական միասնական կադաստր վարող մարմիններն անկախ են և պատասխանատվություն են կրում հրապարակված տեղեկատվության հավաստիության համար:

48. Անշարժ գույքի պետական գրանցման ենթակա փաստաթղթերը, անշարժ գույքի նկատմամբ իրավունք հաստատող վկայականները և անշարժ գույքի վերաբերյալ այլ տվյալները Լեռնային Ղարաբաղի Հանրապետության անշարժ գույքի պետական միասնական կադաստրի վարչության ու դրա տարածքային մարմինների կողմից պահվում են անժամկետ:

(կարգը լրաց. 01.02.2000 N 10)

 

 

Հաստատված է ԼՂՀ կառավարության 1999թ. մարտի «30»-ի թիվ 63 որոշմամբ

 

ԿԱՐԳ

 

անշարժ գույքի համակարգված դիտարկումների (մոնիտորինգ) իրականացման

 

1. Անշարժ գույքի համակարգված դիտարկումը (մոնիտորինգ) դիտարկվող օբյեկտների, անշարժ գույքի սկզբնական հաշվառման փաստաթղթերի կամ անմիջական դիտարկումների հիման վրա անշարժ գույքի վիճակի, արժեքի, դրա վրա ազդող որակական չափանիշների ուսումնասիրումն է:

2. Անշարժ գույքի համակարգված դիտարկումներն իրականացնում է Լեռնային Ղարաբաղի Հանրապետության անշարժ գույքի պետական միասնական կադաստրի վարչությունը:

3. Անշարժ գույքի համակարգված դիտարկման օբյեկտ է Լեռնային Ղարաբաղի Հանրապետության տարածքում առկա անշարժ գույքը` հողը (ըստ նպատակային նշանակության) և ամրակայված գույքը (անկախ սեփականության ձևից):

4. Անշարժ գույքի համակարգված դիտարկումների արդյունքում ստացվում են հավաք տվյալներ անշարժ գույքի վիճակի և արժեքի վրա ազդող գործոնների վերաբերյալ:

5. Անշարժ գույքի վիճակի վերաբերյալ համակարգված դիտարկումների ժամանակ ուսումնասիրվում են`

ա) հողը` ըստ նպատակային նշանակության, որպես գույք, և դրա վրա ազդող փոփոխությունները.

բ) հողատեսքերի փոփոխությունները.

գ) հողի` որպես գույքի, վրա ազդեցություն ունեցող բնական և արհեստական գործոնները.

դ) շենքերի, շինությունների փոփոխությունները, դրանց վրա ազդեցություն ունեցող բնական և արհեստական գործոնները.

ե) շենքերի, շինությունների տեխնիկական վիճակը.

զ) շենքերի, շինությունների մաշվածության աստիճանը.

է) շենքերի, շինությունների` հաղորդակցուղիներով ապահովվածությունը.

ը) շենքերի, շինությունների հարկայնությունը.

թ) շենքերի, շինությունների տեսակը.

ժ) հողի, շենքերի և շինությունների վիճակի վրա ազդող այլ գործոններ:

6. Անշարժ գույքի արժեքի վերաբերյալ համակարգված դիտարկումների ժամանակ ուսումնասիրվում են`

ա) անշարժ գույքի վրա շուկայի ազդեցությունը` սահմանված ժամկետներում.

բ) անշարժ գույքի շուկայում` անշարժ գույքի արժեքի վրա ազդող գործոնները (գտնվելու վայրը, չափը, հարկը, դիրքը, ճանապարհների ու հաղորդակցուղիների առկայությունը և այլն).

գ) անշարժ գույքի տեղադրությունը (գոտին).

դ) անշարժ գույքը` որպես արտադրության, տարածքային, քաղաքաշինական, բնապահպանական արժեք ունեցող գույք, դրա վրա ազդող գործոնները.

ե) անշարժ գույքի նկատմամբ պահանջարկի փոփոխությունը.

զ) անշարժ գույքի գնագոյացման գոտիները, դրանց վրա ազդող գործոնները:

7. Անշարժ գույքի համակարգված դիտարկումներն իրականացվում են Լեռնային Ղարաբաղի Հանրապետության կառավարության հաստատած միասնական մեթոդիկայով` միասնական ծրագրերով` համագործակցություն ծավալելով բազմաբնույթ կադաստրի վարման նպատակով համակարգված դիտարկումներ իրականացնող մարմինների հետ` նույնացված կադաստրային փաստաթղթեր և անշարժ գույքի պետական միասնական կադաստրի համար հավաք տվյալներ ապահովելու նպատակով:

8. Անշարժ գույքի համակարգված դիտարկումներն իրականացվում են`

ա) ըստ վարչատարածքային բաժանման.

բ) ըստ անշարժ գույքի տեղադրման (գոտիների).

գ) ըստ անշարժ գույքի առանձին միավորների (հողամաս, շենք, շինություն):

9. Անշարժ գույքի համակարգված դիտարկումներն իրականացվում են համատարած և ընտրանքային դիտարկումների ձևով:

10. Անշարժ գույքի համակարգված դիտարկումների ընթացքում կատարվում են ուսումնասիրություններ` հաշվի առնելով անշարժ գույքի վիճակի և արժեքի վրա ազդող գործոնները` կապված օրական, ամսական, տարեկան, հնգամյա, տարեշրջանային (սեզոնային) և անշարժ գույքի վրա էական ազդեցություն ունեցող այլ ժամանակահատվածների հետ:

11. Անշարժ գույքի համակարգված դիտարկումների իրականացման ժամանակ սեփականատերերը, օգտագործողները, վարձակալներն անշարժ գույքի համակարգված դիտարկումներ իրականացնող մարմիններին տրամադրում են անհրաժեշտ տվյալներ:

12. Անշարժ գույքի համակարգված դիտարկումներ իրականացնող պետական մարմինները, նշված դիտարկումներն իրականացնելիս, անհրաժեշտության դեպքում կարող են այդ աշխատանքներում պայմանագրային հիմունքներով ընդգրկել այլ անձանց:

13. Անշարժ գույքի համակարգված դիտարկումների արդյունքները ներկայացվում են պետական կառավարման, տեղական ինքնակառավարման մարմիններ, սեփականատերերին, օգտագործողներին, վարձակալներին` անհրաժեշտ միջոցներ ձեռնարկելու համար:

14. Անշարժ գույքի համակարգված դիտարկումների տվյալների տրամադրումը կատարվում է անշարժ գույքի տեղեկատվության տրամադրման կարգի համաձայն:

15. Անշարժ գույքի համակարգված դիտարկումներն իրականացվում են Լեռնային Ղարաբաղի Հանրապետության պետական բյուջեի միջոցների հաշվին:

16. Անշարժ գույքի համակարգված դիտարկումների տվյալներն ընդգրկվում են յուրաքանչյուր տարվա անշարժ գույքի ընթացիկ հաշվառման արդյունքում կազմված` անշարժ գույքի առկայության ու բաշխման մասին հաշվետվության մեջ:

17. Անշարժ գույքի համակարգված դիտարկումների ժամանակացույցը, ձևերը, փաստաթղթերը սահմանում է Լեռնային Ղարաբաղի Հանրապետության անշարժ գույքի պետական միասնական կադաստրի վարչությունը:

 

 

Հավելված N 1

 

ԱՄՓՈՓ ՑՈՒՑԱԿ

 

1999թ. հուլիսի 1-ի դրությամբ __________________ շրջանի ______________ համայնքում ԼՂՀ քաղաքացիներին սեփականության (օգտագործման) իրավոււնքով պատկանող` հաշվառված և գնահատված տնամերձ, բնակելի տան շինարարության ու դրա սպասարկման, գյուղացիական կամ գյուղացիական կոլեկտիվ տնտեսություն վարելու, այգեգործական (ամառանոցային) հողամասերի

 

NN ը/կ	Սեփականա-  տիրոջ (օգտագործողի)անունը, ազգանունը	Սեփականա-տիրոջ (օգտագործո- ղի) հասցեն	Հողամասի կադաստրային համարը (ծածկագիրը)	Հողամասի գտնվելու վայրը (հասցեն)	Հողամասի կադաս- տրային արժեքը (հազ. դրամ)	Սեփակա- նության (օգտագործ- ման) իրավունքի գրանցման (որոշման) համարը և թվագրությունը	Ընդհանուր սեփականության դեպքում
							համատեղ սեփակա-նատերերի թիվը	բաժնեմասը (տոկոս)
1	2	3	4	5	6	7	8	9

 

ԼՂՀ անշարժ գույքի պետական

միասնական կադաստրի վարչության

___________տարածքային մարմնի ղեկավար

 

__________________                               ___________________         (ստորագրությունը)                                 (անունը, ազգանունը)

 

«____» ______________ 1999թ.

Կ.Տ.

 

 

Հավելված N 2

 

ԱՄՓՈՓ ՀԱՇՎԱՐԿ

 

1999թ. հուլիսի 1-ի դրությամբ________________ շրջանի ___________ համայնքում ԼՂՀ քաղաքացիներին սեփականության (օգտագործման) իրավունքով պատկանող` հաշվառված տնամերձ, բնակելի տան շինարարության ու դրա սպասարկման, գյուղացիական կամ գյուղացիական կոլեկտիվ տնտեսություն վարելու, այգեգործական (ամառանոցային) հողամասերի վերագնահատման

 

Գնահատող մարմինը_____________

«____»_______________1999թ.

 

NN ը/կ	Հողամասի կադաստրա- յին համարը (ծածկագիրը)	Հողամասի ընդհանուր մակերեսը (քառ.մ)	Հողամասի մեկ քառ. մետրի կադաստրա- յին արժեքը (դրամ)	Հողամասի տեղադրու-թյան գործակիցը	Հողամասի կադաստրա- յին արժեքի փոփոխման գործակիցը	Հողամասի վերագնա-հատված կադաստրա- յին արժեքը (հազ. դրամ)
1	2	3	4	5	6	7

 

ԼՂՀ անշարժ գույքի պետական

միասնական կադաստրի վարչության

___________________տարածքային մարմնի ղեկավար

 

_____________________             ________________________ (ստորագրությունը)                         (անունը, ազգանունը)

 

«____»______________1999թ.

Կ.Տ.

 

 

Հավելված N 3

 

ԱՄՓՈՓ ՑՈՒՑԱԿ

 

1999թ. հուլիսի 1-ի դրությամբ___________շրջանի___________համայնքում ԼՂՀ պետական և ոչ պետական ձեռնարկություններին, կազմակերպություններին, օտարերկրյա պետություններին և միջազգային կազմակերպություններին, իրավաբանական անձանց, քաղաքացիներին և քաղաքացիություն չունեցող անձանց սեփականության (օգտագործման) իրավունքով պատկանող` հաշվառված և գնահատված հողամասերի

 

N/N ը/կ	Սեփակա- նատիրոջ (օգտագործողի) անվանումը	Սեփակա-նատիրոջ (օգտագործողի) իրավաբանական հասցեն	Հողամասի կադաստրային համարը (ծածկագիրը)	Հողամասի գտնվելու վայրը (հասցեն)	Հողամասի կադաստ-րային արժեքը (հազ.դրամ)	Սեփակա- նության (օգտագործ- ման) իրավունքի գրանցման (որոշման) համարը և թվագրությունը	Ընդհանուր սեփականության դեպքում
							համատեղ սեփա-կանատե-րերի թիվը	Բաժնեմասը (տոկոսը)
1	2	3	4	5	6	7	8	9

 

ԼՂՀ անշարժ գույքի պետական

միասնական կադաստրի վարչության

____________ տարածքային մարմնի ղեկավար

 

________________                                  _____________________ (ստորագրությունը)                                     (անունը, ազգանունը)

 

«____»___________1999թ.

Կ.Տ.

 

 

Հավելված N 4

 

ԱՄՓՈՓ ՀԱՇՎԱՐԿ

 

1999թ. հուլիսի 1-ի դրությամբ___________ շրջանի ____________ համայնքում ԼՂՀ պետական և ոչ պետական ձեռնարկություններին, կազմակերպություններին, օտարերկրյա պետություններին և միջազգային կազմակերպություններին իրավաբանական անձանց, քաղաքացիներին և քաղաքացիություն չունեցող անձանց սեփականության (օգտագործման) իրավունքով պատկանող` հաշվառված հողամասերի վերագնահատման

 

Գնահատող մարմինը ___________

«_____»____________1999թ.

 

NN ը/կ	Հողամասի կադաստրային համարը (ծածկագիրը)	Հողամասի ընդհանուր մակերեսը (քառ.մ)	Հողամասի մեկ քառ. մետրի կադաստրա- յին արժեքը (դրամ)	Հողամասի տեղադրու-թյան գործակիցը	Հողամասի կադաստրա- յին արժեքի փոփոխման գործակիցը	Հողամասի վերագնա-հատված կադաստրա- յին արժեքը (հազ. դրամ)
1	2	3	4	5	6	7

 

ԼՂՀ անշարժ գույքի պետական

միասնական կադաստրի վարչության

_______________տարածքային մարմնի ղեկավար

 

___________________                              _______________________ (ստորագրությունը)                                      (անունը, ազգանունը)

 

«_____»_____________ 1999թ.

Կ.Տ.

 

 

Հավելված N 5

 

ՏԵՂԵԿՈՒԹՅՈՒՆՆԵՐ

 

1999թ.___________________ ամսվա ընթացքում __________ շրջանի ________ համայնքում ԼՂՀ քաղաքացիներին սեփականության (օգտագործման) իրավունքով պատկանող հողամասերի սեփականատերերի (օգտագործողների) փոփոխման վերաբերյալ

 

N/N ը/կ	Նախկին սեփականա- տիրոջ (օգտագործողի)		Նոր սեփականա-տիրոջ (օգտագործո-ղի) անունը, ազգանունը	Նոր սեփակա-նատիրոջ (օգտագոր-ծողի) հասցեն	Հողամասի կադաստ- րային համարը (ծածկագիրը)	Հողամասի գտնվելու վայրը (հասցեն)	Հողամասի կադաստրա-յին արժեքը (հազ.դրամ)	Սեփակա- նության (օգտագործման) իրավունքի գրանցման (որոշման) համարը և թվագրությունը	Ընդհանուր սեփականության դեպքում
	անունը, ազգա-նունը	հաշվա-ռումից (գրան-ցումից) հանելու թվագրու-թյունը							համատեղ սեփա-կանա- տե- րերի թիվը	բաժնե-մասը (տո-կոս)
1	2	3	4	5	6	7	8	9	10	11

 

ԼՂՀ անշարժ գույքի պետական

միասնական կադաստրի վարչության

______________ տարածքային մարմնի ղեկավար

 

___________________                              _______________________ (ստորագրությունը)                                      (անունը, ազգանունը)

 

«_____»_______________1999թ.

Կ.Տ.

 

 

Հավելված N 6

 

ՏԵՂԵԿՈՒԹՅՈՒՆՆԵՐ

 

1999թ.____________ ամսվա ընթացքում _________ շրջանի ____________ համայնքում ԼՂՀ պետական և ոչ պետական ձեռնարկություններին, կազմակերպություններին, օտարերկրյա պետություններին և միջազգային կազմակերպություններին, իրավաբանական անձանց, քաղաքացիներին և քաղաքացիություն չունեցող անձանց սեփականության (օգտագործման) իրավունքով պատկանող հողամասերի սեփականատերերի (օգտագործողների) փոփոխման վերաբերյալ

 

N/N ը/կ	Նախկին սեփականատիրոջ (օգտագործողի)		Նոր սեփակա-նատիրոջ (օգտագոր-ծողի) անվա- նումը	Նոր սեփակա-նատիրոջ (օգտագոր-ծողի) իրա- վաբանա- կան հասցեն	Հողամասի կադաս-տրային համարը (ծածկա- գիրը)	Հողամասի գտնվելու վայրը (հասցեն)	Հողամասի կադաստ-րային արժեքը (հազ. դրամ)	Սեփականու- թյան (օգտա- գործման) իրավունքի գրանցման (որոշման) համարը և թվագրու- թյունը	Ընդհանուր սեփականության դեպքում
	անվա-նումը	հաշվա-ռումից, (գրանցու-մից) հանելու թվագրու-թյունը							համա- տեղ սեփա-կանա-տե- րերի թիվը	բաժնե-մասը (տո- կոս)
1	2	3	4	5	6	7	8	9	10	11

 

ԼՂՀ անշարժ գույքի պետական

միասնական կադաստրի վարչության

____________տարածքային մարմնի ղեկավար

 

___________________                              _______________________ (ստորագրությունը)                                      (անունը, ազգանունը)

 

«____»_________________1999թ.

Կ.Տ.

 

 

Հավելված N 7

 

ՏԵՂԵԿՈՒԹՅՈՒՆՆԵՐ

 

1999թ._____________________ ամսվա ընթացքում _____________ շրջանի _____________ համայնքում սեփականության (օգտագործման) իրավունքով նոր գրանցված հողամասերի, հաշվառման և գնահատման վերաբերյալ

 

NN ը/կ	Սեփակա-նատիրոջ (օգտա-գործողի) անունը, ազգանունը կամ անվանումը	Սեփակա-նատիրոջ (օգտա-գործողի) հասցեն կամ իրավա-բանական հասցեն	Հողամասի կադաստ-րային համարը (ծածկագիրը)	Հողամասի գտնվելու վայրը (հասցեն)	Հողամասի կադաստ-րային արժեքը (հազ.դրամ)	Սեփակա-նության (օգտա-գործման) իրավունքի գրանցման (որոշման) համարը և թվագրությունը	Ընդհանուր սեփակա-նության դեպքում
							համատեղ սեփակա-նատերերի թիվը	բաժնեմասը (տոկոս)
1	2	3	4	5	6	7	8	9

 

 

ԼՂՀ անշարժ գույքի պետական

միասնական կադաստրի վարչության

______________տարածքային մարմնի ղեկավար

 

___________________                              _______________________ (ստորագրությունը)                                      (անունը, ազգանունը)

 

«______»________________1999թ.

Կ.Տ.

 

 

Հավելված N 8

 

ՏԵՂԵԿՈՒԹՅՈՒՆՆԵՐ

 

1999թ._______________ ամսվա ընթացքում ____________ շրջանի _______________ համայնքում հողամասերի նկատմամբ սեփականության (օգտագործման) իրավունքի դադարման վերաբերյալ

 

N/N ը/կ	Սեփականատիրոջ (օգտագործողի)			Հողամասի կադաստր- ային համարը (ծածկագիրը)	Հողամասի գտնվելու վայրը (հասցեն)	Հողամա- սի կա-դաստրա-յին արժեքը (հազ. դրամ)	Ընդհանուր սեփա- կանության դեպքում		իրավունքի դադարման մասին որոշումը, համարը և թվագրու-թյունը
	անունը, ազգանունը կամ անվանումը	սեփականու- թյան (օգտագործ- ման) իրավունքի գրանցման (որոշման) համարը և թվագրությունը	հասցեն կամ իրավաբա- նական հասցեն				համա- տեղ սեփա-կանա-տերերի թիվը	բաժնե-մասը (տոկոս)
1	2	3	4	5	6	7	8	9	10

 

ԼՂՀ անշարժ գույքի պետական

միասնական կադաստրի վարչության

__________ տարածքային մարմնի ղեկավար

 

___________________                              _______________________ (ստորագրությունը)                                      (անունը, ազգանունը)

 

«_____»______________1999թ.

Կ.Տ.

 

 

Հավելված N 9

 

ՏԵՂԵԿՈՒԹՅՈՒՆՆԵՐ

 

1999թ.___________ ամսվա ընթացքում _________ շրջանի _________ համայնքում ինքնակամ զբաղեցված հողերի վերաբերյալ

 

N/N ը/կ	Ինքնակամ զբաղեցրած սուբյեկտի		Հողամասի գտնվելու վայրը (հասցեն)	Հողամասի ընդհանուր մակերեսը (քառ.մ)	Հողամասի կադաստրային արժեքը (հազ.դրամ)	Այլ տեղեկություններ և տվյալներ
	անունը, ազգանունը կամ անվանումը	հասցեն կամ իրավաբանա-կան հասցեն
1	2	3	4	5	6	7

 

ԼՂՀ անշարժ գույքի պետական

միասնական կադաստրի վարչության

___________ տարածքային մարմնի ղեկավար

 

___________________                              _______________________ (ստորագրությունը)                                      (անունը, ազգանունը)

 

«____»_______________1999թ.

Կ.Տ.

 

 

Հավելված N 10

 

ԱՄՓՈՓ ՑՈՒՑԱԿ

 

1999 թվականի հուլիսի 1-ի դրությամբ___________ շրջանի __________ համայնքում հարկատուներին սեփականության (օգտագործման) իրավունքով պատկանող, հաշվառված և գնահատված _________________________ նշանակության շենքերի և շինությունների (այդ թվում կիսակառույց)

                (բնակելի, հասարակական, արտադրական)

 

N/N ը/կ	Սեփականատիրոջ (օգտագործողի)		Շենքի, շինության				Ընդհանուր սեփականության դպքում		Սեփականության (օգտագործման) իրավունքի ձևակերպման
	ազգանունը, անունը կամ ձեռնարկու- թյան անվանումը	հաշվառման (գրանցման) հասցեն կամ ձեռնարկության իրավա- բանական հասցեն	կադաստ-րային գնահատ- ման արժեքը (հազ.դրամ)	գտնվելու վայրը (հասցեն)	անվա-նումը (օգտա-գործ- ման նպա-տակը)	կադաստ-րային ծածկա- գիրը (հա-մարը)	համատեղ սեփակա-նատերերի թիվը	բաժնե- մասը (տոկոս)	որոշման համարը և թվագրու- թյունը	գրանցման համարը և թվագրու-թյունը
1	2	3	4	5	6	7	8	9	10	11

Տեղեկությունները ներկայացվում են կանոնակարգված, քաղաքային համայնքներում` ըստ փողոցների և հասցեների (բնակելի շենք, բնակարան) համարակալման աճող հերթականության, իսկ գյուղական համայնքներում ըստ ծխամատյանների (շենքերի և շինությունների սեփականատերերի):

 

ԼՂՀ անշարժ գույքի պետական

միասնական կադաստրի վարչության

_____________տարածքային մարմնի ղեկավար

 

_________________________                         ________________________ (ստորագրությունը)                                             (անունը, ազգանունը)

 

«______»________________1999թ.

Կ.Տ.

 

 

Հավելված N 11

 

ԱՄՓՈՓ ՀԱՇՎԱՐԿ

 

1999 թվականի հուլիսի 1-ի դրությամբ __________շրջանի___________համայնքում հարկատուներին սեփականության (օգտագործման) իրավունքով պատկանող հաշվառված

 ___________________________ նշանակության շենքերի և շինությունների (այդ թվում` կիսակառույց)

                 (բնակելի, հասարակական, արտադրական)

 

Գնահատող մարմինը______________

«____»___________________1999թ.

 

NN ը/կ	Շենքի, շինության
	կադաստ- րային ծածկա- գիրը (համարը)	անվա- նումը (նպա- տակային նշանակու- թյունը)	գնահատման գործակիցները									գնահատման արժեքը (հազ.դրամ)
			Ամ	Մ	Գգ	Գծ	Գբ	Գհ	Գվ	Գմ	Գա
1	2	3	4	5	6	7	8	9	10	11	12	13

 

ԼՂՀ անշարժ գույքի պետական

միասնական կադաստրի վարչության

______________ տարածքային մարմնի ղեկավար

 

___________________                              _______________________ (ստորագրությունը)                                      (անունը, ազգանունը)

 

«_____»________________1999թ.

Կ.Տ.

 

 

Հավելված N 11 ա

 

ԱՄՓՈՓ ՀԱՇՎԱՐԿ

 

1999 թվականի հուլիսի 1-ի դրությամբ_____________ շրջանի _________ համայնքում հարկատուներին սեփականության (օգտագործման) իրավունքով պատկանող հաշվառված անհատական տների, այգետնակների և դրանց կից շենքերի, շինությունների և առանձին ավտոտնակների գնահատման

 

Գնահատող մարմինը

«____»___________1999թ.

 

NN	Շենքի, շինության
ը/կ	կադաստ-րային ծածկա- գիրը (համարը)	անվա-նումը	գնահատման գործակիցները																գնահատման արժեքը (հազ.դրամ)
			Աշ	Ծշ	Ապ	Ծպ	Աբ	Մբ	Գգ	Գհ	Գտ	Գծ	Գն	Գահ	Գկ	Գվ	Գմ	Գա
1	2	3	4	5	6	7	8	9	10	11	12	13	14	15	16	17	18	19	20

 

ԼՂՀ անշարժ գույքի պետական

միասնական կադաստրի վարչության

______________ տարածքային մարմնի ղեկավար

 

_____________________                           ________________________ (ստորագրությունը)                                         (անունը, ազգանունը)

 

«_____»________________1999թ.

Կ.Տ.

 

 

Հավելված N 12

 

Տ Ե Ղ Ե Կ ՈՒ Թ Յ ՈՒ Ն Ն Ե Ր

 

1999 թվականի _______________ ամսվա ընթացքում ___________ շրջանի _________ համայնքում հարկատուներին սեփականության (օգտագործման) իրավունքով պատկանող շենքերի և շինությունների (այդ թվում կիսակառույց) սեփականատերերի (օգտագործողների) փոփոխման վերաբերյալ

 

NN ը/կ	Նախկին սեփականատիրոջ (օգտագործողի)			Նոր սեփականատիրոջ (օգատգործողի)		Շենքի, շինության					Ընդհանուր սեփական-ության դեպքում		Սեփականության (օգտագործման) ձևակերպման
	ազգա-նունը, անունը կամ ձեռ-նարկու-թյան անվա-նումը	հաշվառ-ման (գրանց-ման) հասցեն կամ ձեռնարկու-թյան իրավա- բանա- կան հասցեն	հաշվա- ռումից (գրան-ցումից) հանելու թվա-գրու-թյունը	ազգա-նունը, անունը կամ ձեռնար-կության անվա-նումը	հաշվառ-ման, (գրանց-ման) հասցեն կամ ձեռնար-կության իրավա-բանա-կան հասցեն	գնա- հատ- ման կա-դաստ-րային արժեքը (հազ. դրամ)	գտնվե-լու վայրը (հաս-ցեն)	նպատա-կային նշանա- կությունը (բնակելի, հասարա-կական, արտադրա-կան)	ան- վա- նումը (օգտա-գործ- ման նպա-տակը)	կադա-ստրային ծածկա-գիրը (հա-մարը)	համա- տեղ սեփակա-նատերերի թիվը	բաժնե-մասը (տոկս)	որոշ-ման համարը և թվա-գրու-թյունը	գրանց-ման համարը և թվա-գրու-թյունը
1	2	3	4	5	6	7	8	9	10	11	12	13	14	15

 

ԼՂՀ անշարժ գույքի պետական

միասնական կադաստրի վարչության

__________________ տարածքային մարմնի ղեկավար

 

________________________                              __________________________ (ստորագրությունը)                                                   (անունը, ազգանունը)

 

«_____»______________1999թ.

 

 

Հավելված N 13

 

Տ Ե Ղ Ե Կ ՈՒ Թ Յ ՈՒ Ն Ն Ե Ր

 

1999 թվականի __________ ամսվա ընթացքում ___________ շրջանի _________ համայնքում սեփականության (օգտագործման) իրավունքով նոր գրանցված շենքերի և շինությունների (այդ թվում` կիսակառույց) հաշվառման և գնահատման վերաբերյալ

 

NN ը/կ	Սեփականատիրոջ (օգտագործողի)		Շենքի, շինության					Ընդհանուր սեփականության դեպքում		Սեփականության (օգտագործման) ձևակերպման
	ազգանունը, անունը կամ ձեռնարկության անվանումը	հաշվառման (գրանցման) հասցեն կամ ձեռնարկու- թյան իրավաբանա-կան հասցեն	կադաստ-րային գնահատ-ման արժեքը (հազ.դրամ)	գտնվե-լու վայրը (հաս-ցեն)	նպատա- կային նշանա-կությունը (բնակելի, հասարա-կական, արտա-դրական)	անվա- նումը (օգտա գործման նպա-տակը)	կա- դաստ- րային ծած-կագիրը (հա-մարը)	համատեղ սեփակա-նատերերի թիվը	բաժնեմասը (տոկոս)	որոշման համարը և թվագրու-թյունը	գրանցման համարը և թվագրու-թյունը
1	2	3	4	5	6	7	8	9	10	11	12

ԼՂՀ անշարժ գույքի պետական

միասնական կադաստրի վարչության

___________տարածքային մարմնի ղեկավար

 

_____________________                           ________________________ (ստորագրությունը)                                         (անունը, ազգանունը)

 

«______»________________1999թ.

 

 

Հավելված N 14

 

Տ Ե Ղ Ե Կ ՈՒ Թ Յ ՈՒ Ն Ն Ե Ր

 

1999 թվականի __________ ամսվա ընթացքում ______ շրջանի ______ համայնքում շենքերի և շինությունների (այդ թվում կիսակառույց) նկատմամբ սեփականության (օգտագործման) իրավունքի դադարման վերաբերյալ

 

NN ը/կ	Սեփականատիրոջ (օգտագործողի)			Շենքի, շինության					Ընդհանուր սեփականության դեպքում		Իրավունքի դադարման մասին որոշումը, համարը և թվագրությունը
	ազգա- նունը, անունը կամ ձեռնար-կության անվա-նումը	սեփա- կանու- թյան (օգտա-գործման) իրավուն- քի գրանց- ման (որոշման) համարը և թվագրու-թյունը	հաշվառ- ման (գրանց- ման) հասցեն կամ ձեռնար-կության իրավա-բանական հասցեն	կադաստ-րային գնահատ-ման արժեքը (հազ. դրամ)	գտնվելու վայրը (հասցեն)	նպատա- կային նշանակու-թյունը (բնակելի, հասարա-կական, արտա-դրական)	անվա- նումը (օգտա-գործման նպա-տակը)	կադաստ-րային ծածկա-գիրը (համարը)	համատեղ սեփականա-տերերի թիվը	բաժնե-մասը (տոկոս)
1	2	3	4	5	6	7	8	9	10	11	12

 

ԼՂՀ անշարժ գույքի պետական

միասնական կադաստրի վարչության

_________ տարածքային մարմնի ղեկավար

 

________________________                              ________________________ (ստորագրությունը)                                                  (անունը, ազգանունը)

 

«____»____________1999թ.

Կ.Տ.

 

 

Հավելված N 15

 

Տ Ե Ղ Ե Կ ՈՒ Թ Յ ՈՒ Ն Ն Ե Ր

 

1999թ.________________ ամսվա ընթացքում ___________ շրջանի __________ համայնքի քանդված կամ վերացված շենքերի և շինությունների վերաբերյալ

 

N/N	Սեփականատիրոջ (օգատոգրծողի)			Շենքի, շինության					Ընդհանուր սեփականության դեպքում		Քանդման (վերացման) մասին որոշումը, համարը և թվագրու-թյունը
	ազգանունը, անունը կամ ձեռնարկ-ության անվանումը	սեփական-ության (օգտա-գործման) իրավունքի գրանցման (որոշման) համարը և թվագրու-թյունը	հաշվառ- ման (գրանց- ման) հասցեն կամ ձեռ- նարկու- թյան իրավաբան-ական հասցեն	կադաստ-րային գնահատ-ման արժեքը (հազ. դրամ)	գտնվելու վայրը (հասցեն)	նպատակային նշանակությունը	անվանումը (օգտագործ-ման նպատակը)	կադաստ-րային ծածկագիրը (համարը)	համատեղ սեփականա-տերերի թիվը	բաժ- նե- մասը (տոկոս)
1	2	3	4	5	6	7	8	9	10	11	12

ԼՂՀ անշարժ գույքի պետական

միասնական կադաստրի վարչության

_________________ տարածքային մարմնի ղեկավար

 

____________________________                     _______________________ (ստորագրությունը)                                              (անունը, ազգանունը)

 

«_____»________________1999թ.

Կ.Տ.

 

 

Հավելված N 16

 

Տ Ե Ղ Ե Կ ՈՒ Թ Յ ՈՒ Ն Ն Ե Ր

 

1999թ.________________ ամսվա ընթացքում ____________ շրջանի _______ համայնքում ինքնակամ կառուցված (զբաղեցված) շենքերի, շինությունների վերաբերյալ

 

N/N ը/կ	Ինքնակամ զբաղեցրած սուբյեկտի		Շենքի, շինության					Այլ տեղեկություններ և տվյալներ
	անունը, ազգանունը կամ անվանումը	հասցեն կամ իրավաբանա- կան հասցեն	ընդհանուր մակերեսը (քառ. մ)	կադաստ-րային արժեքը (հազ.դրամ)	գտնվելու վայրը (հասցեն)	նպատա- կային նշանակու-թյունը	օգտագործ- ման նպատակը
1	2	3	4	5	6	7	8	9

 

ԼՂՀ անշարժ գույքի պետական

միասնական կադաստրի վարչության

_______________ տարածքային մարմնի ղեկավար

 

_______________________                          __________________________ (ստորագրությունը)                                              (անունը, ազգանունը)

 

«____»______________ 1999թ.

Կ.Տ.