ք.Ստեփանակերտ

«Հարկերի մասին» Լեռնային Ղարաբաղի Հանրապետության օրենքի 20-րդ հոդվածին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.

1. Հաստատել`

1) Լեռնային Ղարաբաղի Հանրապետության կառավարությանն առընթեր անշարժ գույքի կադաստրի պետական կոմիտեի կողմից անշարժ գույքի և դրա նկատմամբ գրանցված իրավունքների վերաբերյալ տեղեկությունները Լեռնային Ղարաբաղի Հանրապետության կառավարությանն առընթեր հարկային պետական ծառայություն ներկայացնելու կարգը՝ համաձայն N 1 հավելվածի.

2) շարժական գույքը հաշվառող կամ շարժական գույքի նկատմամբ իրավունքները գրանցող մարմինների կողմից շարժական գույքի և դրանց սեփականատերերի վերաբերյալ տեղեկությունները Լեռնային Ղարաբաղի Հանրապետության կառավարությանն առընթեր հարկային պետական ծառայություն ներկայացնելու կարգը՝ համաձայն N 2 հավելվածի:

2. Սույն որոշման համաձայն առաջին տեղեկությունը ներկայացվում է 2011 թվականի հունվար-սեպտեմբեր ամիսների համար` մինչև 2011 թվականի դեկտեմբերի 15-ը:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

1. Անշարժ գույքի և դրա նկատմամբ գրանցված իրավունքների վերաբերյալ տեղեկությունները (այսուհետ` տեղեկություններ) Լեռնային Ղարաբաղի Հանրապետության կառավարությանն առընթեր հարկային պետական ծառայություն են ներկայացվում յուրաքանչյուր ամսվա համար` մինչև տվյալ ամսվան հաջորդող ամսվա 15-ը (ներառյալ)՝ բացառությամբ Լեռնային Ղարաբաղի Հանրապետության կառավարության 2011 թվականի սեպտեմբերի 27-ի N 716-Ն որոշման 2-րդ կետում նշված դեպքի:

2. Տեղեկությունները ներկայացվում են էլեկտրոնային եղանակով` «Էմ Էս Էքսել» (MS Excell) էլեկտրոնային ֆայլի տեսքով` ուղեկից գրությամբ:

3. Ուղեկից գրությունը ստորագրվում է տվյալ պետական մարմնի իրավասու պաշտոնատար անձի կամ նրան փոխարինող անձի կողմից:

4. Լեռնային Ղարաբաղի Հանրապետության կառավարությանն առընթեր հարկային պետական ծառայությանը սույն կարգով սահմանված տեղեկությունները տրամադրվում են անվճար:

5. Ստացված տեղեկություններն օգտագործվում են բացառապես ծառայողական նպատակներով և հրապարակման ենթակա չեն:

6. Անշարժ գույքի և անշարժ գույքի սեփականատերերի փոփոխության վերաբերյալ տեղեկությունները` համաձայն Լեռնային Ղարաբաղի Հանրապետության կառավարության 2011 թվականի սեպտեմբերի 27-ի N 716-Ն որոշման N 1 հավելվածի ձևի, Լեռնային Ղարաբաղի Հանրապետության կառավարությանն առընթեր հարկային պետական ծառայություն է ներկայացնում Լեռնային Ղարաբաղի Հանրապետության կառավարությանն առընթեր անշարժ գույքի կադաստրի պետական կոմիտեն:

7. Ձևի տիտղոսային մասը լրացվում է հետևյալ կարգով`

1) «20.... թվականի» արտահայտության կետերով առանձնացված մասում լրացվում է այն թվականը, որի համար ներկայացվում են տեղեկությունները.

2) «....................... ամսում» արտահայտության կետերով առանձնացված մասում տառերով լրացվում է այն ամիսը, որի համար ներկայացվում են տեղեկությունները.

3) «I. Հեռախոսահամարը» տողում լրացվում է Լեռնային Ղարաբաղի Հանրապետության կառավարությանն առընթեր անշարժ գույքի կադաստրի պետական կոմիտեի` տեղեկությունները լրացնելու և ներկայացնելու համար պատասխանատու պաշտոնատար անձի հեռախոսահամարը.

4) «II. Ամսաթիվը» տողում լրացվում է տեղեկությունները ներկայացնելու օրը, ամիսը, տարեթիվը:

8. Անշարժ գույքին առնչվող տեղեկությունները (ձևի 1-28-րդ սյունակները) լրացվում են հետևյալ կարգով՝

1) «1. N/N» սյունակում լրացվում է տողի հերթական համարը.

2) «2. Գույքի նպատակային նշանակությունը» սյունակում լրացվում է տվյալ անշարժ գույքի նպատակային նշանակությունը.

- անհատական բնակելի տուն

- բազմաբնակարան բնակելի շենքի բնակարան

- այգետնակ (ամառանոց)

- բազմաբնակարան բնակելի շենք

- բազմաբնակարան շենքի ոչ բնակելի տարածք

- ավտոտնակ

- հասարակական նշանակության շենք կամ շինություն

- արտադրական նշանակության շենք կամ շինություն

- հողամաս.

3) «3. Գործարքի տեսակը» սյունակում լրացվում է տվյալ գործարքի տեսակը.

- անշարժ գույքի նվիրատվություն

- անշարժ գույքի ժառանգություն

- անշարժ գույքի առուվաճառք

- անշարժ գույքի վարձակալություն

- անշարժ գույքի անհատույց օգտագործում

- նոր ստեղծված անշարժ գույքի նկատմամբ սեփականության իրավունքի պետական գրանցում

- անշարժ գույքի նկատմամբ սեփականության իրավունքի դադարում.

4) «4. Անշարժ գույքի գտնվելու վայրը» սյունակում լրացվում է անշարժ գույքի գտնվելու վայրը.

5) «5. Անշարժ գույքի օտարման ամսաթիվը» սյունակում լրացվում է նշված անշարժ գույքի օտարման ամսաթիվը.

6) «6. Գույքի նկատմամբ իրավունքների պետական գրանցման միասնական մատյանի գրանցման թերթիկի համարը» սյունակում լրացվում է տվյալ անշարժ գույքի նկատմամբ իրավունքների պետական գրանցման միասնական մատյանի գրանցման թերթիկի համարը.

7) «7. Պայմանագրի գումարը» սյունակում Հայաստանի Հանրապետության դրամով լրացվում են`

ա. գույքի օտարման դեպքում` առք ու վաճառքի պայմանագրում արտացոլված ամբողջ գումարի մեծությունը,

բ. գույքի վարձակալության դեպքերում` մեկ ամսվա համար նախատեսված գումարը,

գ. նվիրատվության, ժառանգության, անհատույց օգտագործման կամ հատուցում չենթադրող այլ դեպքերում` 7-րդ սյունակում նշվում է «0».

8) «8. Կադաստրային արժեքը» սյունակում լրացվում է տվյալ գույքի կադաստրային արժեքը` Հայաստանի Հանրապետության դրամով.

9) «9. Օտարողի (վարձատուի)` բաժնեմասը» սյունակում լրացվում է նշված գույքի նկատմամբ օտարողին պատկանող բաժնային սեփականության չափը` տոկոսներով կամ կոտորակով: Ընդ որում, եթե`

ա. գույքն օտարողին (վարձատուին) պատկանում է միանձնյա սեփականության իրավունքով, ապա 9-րդ սյունակում նշվում է «100»,

բ. գույքն ընդհանուր համատեղ սեփականության իրավունքով պատկանում է մի քանի անձանց, ապա նշված գույքի հետ կապված գործարքն արտացոլվում է մեկ հերթական համարի տակ (առաջին սյունակում նշվում է նույն հերթական համարը), իսկ յուրաքանչյուր համասեփականատիրոջ տվյալների դիմաց, 9-րդ սյունակում, նշվում է «համատեղ» բառը,

գ. գույքը բաժնային սեփականության իրավունքով պատկանում է մի քանի անձանց, ապա նշված գույքի հետ կապված գործարքն արտացոլվում է մեկ հերթական համարի տակ (առաջին սյունակում նշվում է նույն հերթական համարը), իսկ յուրաքանչյուր սեփականատիրոջ տվյալների դիմաց, 9-րդ սյունակում, լրացվում է իր բաժնեմասի չափը` տոկոսներով կամ կոտորակով.

10) «10. Օտարողի (վարձատուի)` անունը» սյունակում լրացվում է օտարողի (վարձատուի) անունը.

11) «11. Օտարողի (վարձատուի)` ազգանունը» սյունակում լրացվում է օտարողի (վարձատուի) ազգանունը.

12) «12. Օտարողի (վարձատուի)` հայրանունը» սյունակում լրացվում է օտարողի (վարձատուի) հայրանունը.

13) «13. Օտարողի (վարձատուի)` անվանումը» սյունակը լրացվում է, եթե օտարողը (վարձատուն) իրավաբանական անձ է: Սյունակում լրացվում է տվյալ իրավաբանական անձի լրիվ անվանումը.

14) «14. Օտարողի (վարձատուի)` սոցիալական քարտի կամ քարտ չունենալու մասին տեղեկանքի համարը» սյունակում լրացվում է օտարողի (վարձատուի) ներկայացրած սոցիալական ապահովության քարտի համարը կամ սոցիալական քարտ չունենալու մասին լիազոր մարմնի կողմից տրամադրված տեղեկանքի համարը (առկայության դեպքում).

15) «15. Օտարողի (վարձատուի)` ՀՎՀՀ» սյունակը լրացվում է, եթե օտարողը (վարձատուն) իրավաբանական անձ է կամ անհատ ձեռնարկատեր: Սյունակում լրացվում է օտարողի (վարձատուի) հարկ վճարողի հաշվառման համարը.

16) «16. Օտարողի (վարձատուի)` հաշվառման վայրը» սյունակում լրացվում է օտարողի (վարձատուի) հաշվառման վայրը, իսկ դրա բացակայության դեպքում` Լեռնային Ղարաբաղի Հանրապետությունում հիմնական բնակության վայրը.

17) «17. Օտարողի (վարձատուի)` անձնագրի տվյալները» սյունակում լրացվում է օտարողի (վարձատուի) անձնագրի սերիան, համարը, տալու օրը, ամիսը, տարեթիվը և անձնագիրը տրամադրած ոստիկանության մարմնի ծածկագիրը.

18) «18. Ձեռք բերողի (վարձակալի)` բաժնեմասը» սյունակում լրացվում է նշված գույքի նկատմամբ ձեռք բերողին պատկանող բաժնային սեփականության չափը` տոկոսներով կամ կոտորակով: Ընդ որում, եթե`

ա. գույքը ձեռք բերողին պատկանում է միանձնյա սեփականության իրավունքով, ապա 18-րդ սյունակում նշվում է «100»,

բ. գույքն ընդհանուր համատեղ սեփականության իրավունքով ձեռք է բերվում մի քանի անձանց կողմից, ապա նշված գույքի հետ կապված գործարքն արտացոլվում է մեկ հերթական համարի տակ (առաջին սյունակում նշվում է նույն հերթական համարը), իսկ յուրաքանչյուր համասեփականատիրոջ տվյալների դիմաց, 18-րդ սյունակում, նշվում է «համատեղ» բառը,

գ. գույքը բաժնային սեփականության իրավունքով ձեռք է բերվում մի քանի անձանց կողմից, ապա նշված գույքի հետ կապված գործարքն արտացոլվում է մեկ հերթական համարի տակ (առաջին սյունակում նշվում է նույն հերթական համարը), իսկ յուրաքանչյուր սեփականատիրոջ տվյալների դիմաց, 18-րդ սյունակում, լրացվում է իր բաժնեմասի չափը` տոկոսներով կամ կոտորակով.

19) «19. Ձեռք բերողի (վարձակալի)` անունը» սյունակում լրացվում է ձեռք բերողի (վարձակալի) անունը.

20) «20. Ձեռք բերողի (վարձակալի)` ազգանունը» սյունակում լրացվում է ձեռք բերողի (վարձակալի) ազգանունը.

21) «21. Ձեռք բերողի (վարձակալի)` հայրանունը» սյունակում լրացվում է ձեռք բերողի (վարձակալի) հայրանունը.

22) «22. Ձեռք բերողի (վարձակալի)` անվանումը» սյունակը լրացվում է, եթե ձեռք բերողը (վարձակալը) իրավաբանական անձ է: Սյունակում լրացվում է տվյալ իրավաբանական անձի լրիվ անվանումը.

23) «23. Ձեռք բերողի (վարձակալի)` սոցիալական քարտի կամ քարտ չունենալու մասին տեղեկանքի համարը» սյունակում լրացվում է ձեռք բերողի (վարձակալի) ներկայացրած սոցիալական ապահովության քարտի համարը կամ սոցիալական քարտ չունենալու մասին լիազոր մարմնի կողմից տրամադրված տեղեկանքի համարը (առկայության դեպքում).

24) «24. Ձեռք բերողի (վարձակալի)` ՀՎՀՀ» սյունակը լրացվում է, եթե ձեռք բերողը (վարձակալը) իրավաբանական անձ է կամ անհատ ձեռնարկատեր: Սյունակում լրացվում է ձեռք բերողի (վարձակալի) հարկ վճարողի հաշվառման համարը.

25) «25. Ձեռք բերողի (վարձակալի)` հաշվառման վայրը» սյունակում լրացվում է ձեռք բերողի (վարձակալի) հաշվառման վայրը, իսկ դրա բացակայության դեպքում` Լեռնային Ղարաբաղի Հանրապետությունում հիմնական բնակության վայրը.

26) «26. Ձեռք բերողի (վարձակալի)` անձնագրի տվյալները» սյունակում լրացվում է ձեռք բերողի (վարձակալի) անձնագրի սերիան, համարը, տալու օրը, ամիսը, տարեթիվը և անձնագիրը տրամադրած ոստիկանության մարմնի ծածկագիրը.

27) «27. Վճարման ձևը» սյունակում լրացվում է պայմանագրով նախատեսված գումարի վճարման ձևը` «միանվագ», «տարաժամկետ», «փուլային» կամ նշվում է «0».

28) անշարժ գույքի վարձակալության գործարքներն արտացոլելիս «28. Ծանոթագրություն» սյունակում նշվում է պայմանագրի ժամկետը (սկզբի և ավարտի օրերը, ամիսները և տարեթվերը), իսկ եթե պայմանագրով ժամկետ սահմանված չէ, ապա «28. Ծանոթագրություն» սյունակում նշվում է «անժամկետ» բառը:

9. Եթե գործարքը միաժամանակ վերաբերում է անշարժ գույքի տարբեր միավորներին (հողամասին, շենքին, շինությանը, այլ անշարժ գույքին կամ դրանց տարբեր համակցություններին), ապա այդ գործարքը լրացվում է նույն հերթական համարի տակ (առաջին սյունակում նշվում է նույն հերթական համարը) և «7. Պայմանագրի գումարը» սյունակը լրացվում է միայն առաջին տողում:

10. Գույքի փոխանակության գործարքների դեպքում, եթե`

1) անշարժ գույքը փոխանակվում է անշարժ գույքով, ապա գործարքը լրացվում է մեկ հերթական համարով (առաջին սյունակում նշվում է նույն հերթական համարը)` տարբեր գույքի առք ու վաճառքի գործարքների լրացման համար սահմանված կարգով, իսկ այն դեպքում, երբ բացակայում է պայմանագրային գումարը, «7. Պայմանագրի գումարը» սյունակում նշվում է «0», իսկ 28-րդ սյունակում նշվում են «փոխանակում այլ անշարժ գույքի հետ» բառերը.

2) անշարժ գույքը փոխանակվում է այլ գույքի հետ, ապա գործարքը լրացվում է առք ու վաճառքի գործարքների լրացման համար սահմանված կարգով, իսկ եթե բացակայում է պայմանագրի գումարը, «7. Պայմանագրի գումարը» սյունակում նշվում է «0», իսկ 28-րդ սյունակում նշվում են «փոխանակում այլ գույքի հետ» բառերը: Անշարժ գույքի հետ փոխանակվող այլ գույքի վերաբերյալ տվյալներ չեն լրացվում:

11. Նոր կառուցված (ստեղծված) անշարժ գույքի նկատմամբ իրավունքները գրանցելիս լրացվում են աղյուսակի 1-4-րդ, 6-րդ, 8-րդ, 18-26-րդ սյունակները:

12. Անշարժ գույքը լուծարելու (քանդելու) դեպքում լրացվում են աղյուսակի 1-4-րդ, 6-րդ, 8-17-րդ սյունակները:

Տ Ե Ղ Ե Կ ՈՒ Թ Յ ՈՒ Ն Ն Ե Ր

Կ Ա Ր Գ

1. Շարժական գույքի և դրանց սեփականատերերի վերաբերյալ տեղեկությունները (այսուհետ` տեղեկություններ) Լեռնային Ղարաբաղի Հանրապետության կառավարությանն առընթեր հարկային պետական ծառայություն են ներկայացվում յուրաքանչյուր ամսվա համար` մինչև տվյալ ամսվան հաջորդող ամսվա 15-ը (ներառյալ)` բացառությամբ Լեռնային Ղարաբաղի Հանրապետության կառավարության 2011 թվականի սեպտեմբերի 27-ի N 716-Ն որոշման 2-րդ կետում նշված դեպքի:

2. Տեղեկությունները ներկայացվում են էլեկտրոնային եղանակով` «Էմ Էս Էքսել» (MS Excell) էլեկտրոնային ֆայլի տեսքով` ուղեկից գրությամբ:

3. Ուղեկից գրությունը ստորագրվում է տվյալ պետական մարմնի իրավասու պաշտոնատար անձի կամ նրան փոխարինող անձի կողմից:

4. Լեռնային Ղարաբաղի Հանրապետության կառավարությանն առընթեր հարկային պետական ծառայությանը սույն կարգով սահմանված տեղեկությունները տրամադրվում են անվճար:

5. Ստացված տեղեկություններն օգտագործվում են բացառապես ծառայողական նպատակներով և հրապարակման ենթակա չեն:

6. Շարժական գույքի և դրանց սեփականատերերի վերաբերյալ տեղեկությունները` համաձայն Լեռնային Ղարաբաղի Հանրապետության կառավարության 2011 թվականի սեպտեմբերի 27-ի N 716-Ն որոշման N 2 հավելվածի ձևի, ներկայացնում են`

1) ավտոմոբիլային տրանսպորտային միջոցների, դրանց կցորդների և կիսակցորդների վերաբերյալ` Լեռնային Ղարաբաղի Հանրապետության կառավարությանն առընթեր Լեռնային Ղարաբաղի Հանրապետության ոստիկանությունը.

2) ջրային փոխադրամիջոցների վերաբերյալ` Լեռնային Ղարաբաղի Հանրապետության արտադրական ենթակառուցվածքների նախարարությունը.

3) օդային փոխադրամիջոցների վերաբերյալ` Լեռնային Ղարաբաղի Հանրապետության կառավարությանն առընթեր քաղաքացիական ավիացիայի վարչությունը.

4) գյուղատնտեսական տեխնիկայի վերաբերյալ` Լեռնային Ղարաբաղի Հանրապետության գյուղատնտեսության նախարարությունը.

5) ճանապարհաշինարարական և այլ մեքենաների, դրանց կցորդների և կիսակցորդների վերաբերյալ` Լեռնային Ղարաբաղի Հանրապետության արտադրական ենթակառուցվածքների նախարարությունը:

7. Ձևի տիտղոսային մասը լրացվում է հետևյալ կարգով`

1) «20...... թվականի» արտահայտության կետերով առանձնացված մասում լրացվում է այն թվականը, որի համար ներկայացվում են տեղեկությունները.

2) «.................... ամիսը» արտահայտության կետերով առանձնացված մասում տառերով լրացվում է այն ամիսը, որի համար ներկայացվում են տեղեկությունները.

3) «I. Տեղեկություններ ներկայացնող մարմնի անվանումը» տողում նշվում է տեղեկություններ ներկայացնող մարմնի անվանումը.

4) «II. Հեռախոսահամարը» տողում լրացվում է տեղեկություններ ներկայացնող մարմնի` տեղեկությունները լրացնելու և ներկայացնելու համար պատասխանատու պաշտոնատար անձի հեռախոսահամարը.

5) «III. Ամսաթիվը» տողում լրացվում են տեղեկությունները ներկայացնելու օրը, ամիսը, տարեթիվը:

8. Գույքին առնչվող տեղեկությունները (ձևի 1-27-րդ սյունակները) լրացվում են հետևյալ կարգով`

1) «1. N/N» սյունակում լրացվում է տողի հերթական համարը.

2) «2. Գույքի տեսակը» սյունակում լրացվում է տվյալ շարժական գույքի տեսակը.

- ավտոմոբիլային տրանսպորտի միջոց

- անիվավոր, թրթուրավոր, ինքնագնաց մեքենա կամ մեխանիզմ

- կցորդ, կիսակցորդ

- օդային փոխադրամիջոց

- ջրային փոխադրամիջոց.

- ջրային փոխադրամիջոց.

3) «3. Գործարքի տեսակը» սյունակում լրացվում է տվյալ գործարքի տեսակը.

- շարժական գույքի նվիրատվություն

- շարժական գույքի ժառանգություն

- շարժական գույքի առուվաճառք

- նոր շարժական գույքի առաջացում (այդ թվում` կառուցում)

- շարժական գույքի նկատմամբ սեփականության իրավունքի դադարում

- շարժական գույքի վարձակալություն

- շարժական գույքի լուծարում.

4) «4. Մակնիշը և թողարկման տարեթիվը» սյունակում լրացվում են շարժական գույքի մակնիշը և թողարկման տարեթիվը.

5) «5. Օտարման ամսաթիվը» սյունակում լրացվում է շարժական գույքի օտարման ամսաթիվը.

6) «6. Պայմանագրի գումարը» սյունակում Հայաստանի Հանրապետության դրամով լրացվում են`

ա. գույքի օտարման դեպքում` առք ու վաճառքի պայմանագրում արտացոլված ամբողջ գումարի մեծությունը,

բ. գույքի վարձակալության դեպքերում` մեկ ամսվա համար նախատեսված գումարը, ընդ որում, եթե պայմանագրով մեկ ամսվա համար վարձակալական վճարի չափ նախատեսված չէ, ապա այն որոշվում է վարձակալական պայմանագրով նախատեսված վճարի ամբողջ գումարի և վարձակալության ժամանակահատվածի ամիսների թվի հարաբերությամբ կամ կոնկրետ ժամանակահատվածի (եռամսյակի, տարվա կամ այլ ժամանակահատվածի) համար նախատեսված վճարի` մեկ ամսվան բաժին ընկնող չափով,

գ. նվիրատվության, ժառանգության, անհատույց օգտագործման կամ հատուցում չենթադրող այլ դեպքերում` 6-րդ սյունակում նշվում է «0».

7) «7. ՎԻՆ-կոդը» (7. VIN-կոդը) սյունակում լրացվում է շարժական գույքի հաշվառման համարը Վիեկլ այդենտիֆիկեյշեն նամբեր, ՎԻՆ (Vehicle identificatiօn number, VIN)` դրա առկայության դեպքում.

8) «8. Օտարողի (վարձատուի)` բաժնեմասը» սյունակում լրացվում է նշված գույքի նկատմամբ օտարողին (վարձատուին) պատկանող բաժնային սեփականության չափը` տոկոսներով: Ընդ որում, եթե`

ա. գույքն օտարողին (վարձատուին) պատկանում է միանձնյա սեփականության իրավունքով, ապա 8-րդ սյունակում նշվում է «100»,

բ. գույքն ընդհանուր համատեղ սեփականության իրավունքով պատկանում է մի քանի անձանց, ապա նշված գույքի հետ կապված գործարքն արտացոլվում է մեկ հերթական համարի տակ (առաջին սյունակում նշվում է նույն հերթական համարը), իսկ յուրաքանչյուր համասեփականատիրոջ տվյալների դիմաց, 8-րդ սյունակում, նշվում է «համատեղ» բառը,

գ. գույքը բաժնային սեփականության իրավունքով պատկանում է մի քանի անձանց, ապա նշված գույքի հետ կապված գործարքն արտացոլվում է մեկ հերթական համարի տակ (առաջին սյունակում նշվում է նույն հերթական համարը), իսկ յուրաքանչյուր սեփականատիրոջ տվյալների դիմաց, 8-րդ սյունակում, լրացվում է իր բաժնեմասի չափը` տոկոսներով.

9) «9. Օտարողի (վարձատուի)` անունը» սյունակում լրացվում է օտարողի (վարձատուի) անունը.

10) «10. Օտարողի (վարձատուի)` ազգանունը» սյունակում լրացվում է օտարողի (վարձատուի) ազգանունը.

11) «11. Օտարողի (վարձատուի)` հայրանունը» սյունակում լրացվում է օտարողի (վարձատուի) հայրանունը (առկայության դեպքում).

12) «12. Օտարողի (վարձատուի)` անվանումը» սյունակը լրացվում է, եթե օտարողը (վարձատուն) իրավաբանական անձ է: Սյունակում լրացվում է տվյալ իրավաբանական անձի լրիվ անվանումը.

13) «13. Օտարողի (վարձատուի)` սոցիալական քարտի կամ քարտ չունենալու մասին տեղեկանքի համարը» սյունակում լրացվում է օտարողի (վարձատուի) սոցիալական ապահովության քարտի համարը կամ սոցիալական քարտ չունենալու մասին լիազոր մարմնի կողմից տրամադրված տեղեկանքի համարը (առկայության դեպքում).

14) «14. Օտարողի (վարձատուի)` ՀՎՀՀ» սյունակը լրացվում է, եթե օտարողը (վարձատուն) իրավաբանական անձ է կամ անհատ ձեռնարկատեր: Սյունակում լրացվում է օտարողի (վարձատուի) հարկ վճարողի հաշվառման համարը.

15) «15. Օտարողի (վարձատուի)` հաշվառման վայրը» սյունակում լրացվում է օտարողի (վարձատուի) հաշվառման վայրը, իսկ դրա բացակայության դեպքում` Լեռնային Ղարաբաղի Հանրապետությունում հիմնական բնակության վայրը.

16) «16. Օտարողի (վարձատուի)` անձնագրի տվյալները» սյունակում լրացվում է օտարողի (վարձատուի) անձնագրի սերիան, համարը, տալու օրը, ամիսը, տարեթիվը և անձնագիրը տրամադրած ոստիկանության մարմնի ծածկագիրը.

17) «17. Ձեռք բերողի (վարձակալի)` բաժնեմասը» սյունակում լրացվում է նշված գույքի նկատմամբ ձեռք բերողին պատկանող բաժնային սեփականության չափը` տոկոսներով: Ընդ որում, եթե`

ա. գույքը ձեռք բերողին պատկանում է միանձնյա սեփականության իրավունքով, ապա 17-րդ սյունակում նշվում է «100»,

բ. գույքն ընդհանուր համատեղ սեփականության իրավունքով ձեռք է բերվում մի քանի անձանց կողմից, ապա նշված գույքի հետ կապված գործարքն արտացոլվում է մեկ հերթական համարի տակ (առաջին սյունակում նշվում է նույն հերթական համարը), իսկ յուրաքանչյուր համասեփականատիրոջ տվյալների դիմաց, 17-րդ սյունակում, նշվում է «համատեղ» բառը,

գ. գույքը բաժնային սեփականության իրավունքով ձեռք է բերվում մի քանի անձանց կողմից, ապա նշված գույքի հետ կապված գործարքն արտացոլվում է մեկ հերթական համարի տակ (առաջին սյունակում նշվում է նույն հերթական համարը), իսկ յուրաքանչյուր սեփականատիրոջ տվյալների դիմաց, 17-րդ սյունակում, լրացվում է իր բաժնեմասի չափը` տոկոսներով.

18) «18. Ձեռք բերողի (վարձակալի)` անունը» սյունակում լրացվում է ձեռք բերողի (վարձակալի) անունը.

19) «19. Ձեռք բերողի (վարձակալի)` ազգանունը» սյունակում լրացվում է ձեռք բերողի (վարձակալի) ազգանունը.

20) «20. Ձեռք բերողի (վարձակալի)` հայրանունը» սյունակում լրացվում է ձեռք բերողի (վարձակալի) հայրանունը (առկայության դեպքում).

21) «21. Ձեռք բերողի (վարձակալի)` անվանումը» սյունակը լրացվում է, եթե ձեռք բերողը (վարձակալը) իրավաբանական անձ է: Սյունակում լրացվում է տվյալ իրավաբանական անձի լրիվ անվանումը.

22) «22. Ձեռք բերողի (վարձակալի)` սոցիալական քարտի կամ քարտ չունենալու մասին տեղեկանքի համարը» սյունակում լրացվում է ձեռք բերողի (վարձակալի) սոցիալական ապահովության քարտի կամ սոցիալական քարտ չունենալու մասին լիազոր մարմնի կողմից տրամադրված տեղեկանքի համարը (առկայության դեպքում).

23) «23. Ձեռք բերողի (վարձակալի)` ՀՎՀՀ» սյունակը լրացվում է, եթե ձեռք բերողը (վարձակալը) իրավաբանական անձ է կամ անհատ ձեռնարկատեր: Սյունակում լրացվում է ձեռք բերողի (վարձակալի) հարկ վճարողի հաշվառման համարը.

24) «24. Ձեռք բերողի (վարձակալի)` հաշվառման վայրը» սյունակում լրացվում է ձեռք բերողի (վարձակալի) հաշվառման վայրը, իսկ դրա բացակայության դեպքում` Լեռնային Ղարաբաղի Հանրապետությունում հիմնական բնակության վայրը.

25) «25. Ձեռք բերողի (վարձակալի)` անձնագրի տվյալները» սյունակում լրացվում է ձեռք բերողի (վարձակալի) անձնագրի սերիան, համարը, տալու օրը, ամիսը, տարեթիվը և անձնագիրը տրամադրած ոստիկանության մարմնի ծածկագիրը.

26) «26. Վճարման ձևը» սյունակում լրացվում է պայմանագրով նախատեսված գումարի վճարման ձևը` «միանվագ», «տարաժամկետ», «փուլային» կամ նշվում է «0».

27) շարժական գույքի վարձակալության գործարքներն արտացոլելիս «27. Ծանոթագրություն» սյունակում նշվում է պայմանագրի ժամկետը (սկզբի և ավարտի օրերը, ամիսները և տարեթվերը), իսկ եթե պայմանագրով ժամկետ սահմանված չէ, ապա «27. Ծանոթագրություն» սյունակում նշվում է «անժամկետ» բառը:

9. Գույքի փոխանակության գործարքների դեպքում, եթե`

1) շարժական գույքը փոխանակվում է շարժական գույքով, ապա գործարքը լրացվում է մեկ հերթական համարով (առաջին սյունակում նշվում է նույն հերթական համարը)` տարբեր գույքի առք ու վաճառքի գործարքների լրացման համար սահմանված կարգով, իսկ այն դեպքում, երբ բացակայում է պայմանագրային գումարը, «6. Պայմանագրի գումարը» սյունակում նշվում է «0», իսկ 27-րդ սյունակում նշվում են «փոխանակում այլ շարժական գույքի հետ» բառերը.

2) շարժական գույքը փոխանակվում է այլ գույքի հետ, ապա գործարքը լրացվում է առք ու վաճառքի գործարքների լրացման համար սահմանված կարգով, իսկ եթե բացակայում է պայմանագրի գումարը, «6. Պայմանագրի գումարը» սյունակում նշվում է «0», իսկ 27-րդ սյունակում նշվում են «փոխանակում այլ գույքի հետ» բառերը: Շարժական գույքի հետ փոխանակվող այլ գույքի վերաբերյալ տվյալներ չեն լրացվում:

10. Նոր ստեղծված շարժական գույքի նկատմամբ իրավունքները գրանցելիս լրացվում են աղյուսակի 1-4-րդ, 17-25-րդ սյունակները:

11. Շարժական գույքը լուծարելու դեպքում լրացվում են աղյուսակի 1-4-րդ, 7-րդ` ՎԻՆ(VIN)-կոդի առկայության դեպքում, 8-16-րդ սյունակները:

12. Եթե օդային փոխադրամիջոցն օտարողը կամ վարձատուն օտարերկրյա քաղաքացի կամ իրավաբանական անձ է, ապա ձևի 6-րդ, 8-րդ և 26-րդ սյունակները լրացնելը պարտադիր չէ:

13. Գյուղատնտեսական տեխնիկայի օտարման կամ վարձակալության վերաբերյալ տեղեկությունները ներկայացնելիս` ձևի 13-րդ և 22-րդ սյունակները չեն լրացվում: