ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

ք.Ստեփանակերտ

Լեռնային Ղարաբաղի Հանրապետության կառավարության 2000թ. հուլիսի 31-ի թիվ 152 որոշման մեջ փոփոխություն կատարելու մասին

Լեռնային Ղարաբաղի Հանրապետության տարածք ներմուծվող և արտահանվող ապրանքանյութական արժեքների վերահսկողության ուժեղացման նպատակով Լեռնային Ղարաբաղի Հանրապետության կառավարությունը որոշում է.

1. Լեռնային Ղարաբաղի Հանրապետության կառավարության 2000թ. հուլիսի 31-ի «Լեռնային Ղարաբաղի Հանրապետության տարածք ներմուծվող և արտահանվող ապրանքանյութական արժեքների հաշվառման միջոցառումների մասին» թիվ 152 որոշման մեջ կատարել հետևյալ փոփոխությունը.

1-ին կետում «Մարտակերտի (Գետավան) 7 Հադրութի (9կիլոմետր)» բառերը  փոխարինել «Ջաբրայիլի տեղամաս և Գետավան-Վարդենիս-Քարվաճառ խաչմերուկ (կամրջի  մոտ)» բառերով:

2. ԼՂՀ կառավարությանն առընթեր ԼՂՀ ոստիկանությանը` Գետավան-Վարդենիս-Քարվաճառ խաչմերուկում գտնվող պետավտոտեսչության շուրջօրյա պահակակետի շենքում տրամադրել տարածք ԼՂՀ հարկային պետական ծառայությանը` Լեռնային Ղարաբաղի Հանրապետության կառավարության 2000թ. հուլիսի 31-ի թիվ 152 որոշմամբ սահմանված գործառույթները կատարելու նպատակով: