ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

Լեռնային Ղարաբաղի Հանրապետության կառավարության 2003 թվականի օգոստոսի 26-ի թիվ 242 որոշման մեջ փոփոխություններ կատարելու մասին

Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2003 թվականի օգոստոսի 26-ի «Շահումով խաղերի և խաղատների մասին» Լեռնային Ղարաբաղի Հանրապետության օրենքի կիրարկումն ապահովելու մասին» թիվ 242 որոշման մեջ կատարել հետևյալ փոփոխությունները՝

ա/ որոշման 3-րդ և 4-րդ կետերում «Լեռնային Ղարաբաղի Հանրապետության հարկային պետական վարչությանը և Լեռնային Ղարաբաղի Հանրապետության պետական կենսաթոշակային հիմնադրամին» բառերը փոխարինել «Լեռնային Ղարաբաղի Հանրապետության կառավարությանն առընթեր հարկային պետական ծառայությանը» բառերով,

բ/ որոշմամբ հաստատված «Լեռնային Ղարաբաղի Հանրապետությունում շահումով խաղերի և խաղատների կազմակերպման լիցենզավորման կարգ»-ի՝

3-րդ կետում՝

- «զ» ենթակետում «հարկային պարտավորությունների» բառերը փոխարինել «հարկային և պարտադիր սոցիալական ապահովագրության վճարների պարտավորությունների» բառերով,

- ուժը կորցրած ճանաչել «է» ենթակետը:

գ/ որոշմամբ հաստատված «Շահումով խաղ և խաղատան կազմակերպման մասին տեղեկություններ (հաշվետվություններ) ներկայացնելու կարգ»-ի՝ 2-րդ կետից հանել «և կենսաթոշակային պետական հիմնադրամի համապատասխան տարածքային մարմնի» բառերը:

2. Սույն որոշումն ուժի մեջ է մտնում 2005թ. հունվարի 1-ից: